بنت_البحرين
18-10-2022 - 06:40 pm
السلام عليكم ورحمة الله وبركاته
انا عضوه جديده في منتداكم الرائع بصراحة احب دائما ادخل المنتدى واقرا المواضيع واليوم حبيت اشارككم ببعض الاستفسارات
انا بعد اسبوعين بسافر روما
1. انا حجزت فندق Hotel Eliseo - بغيت اعرف اذا احد يعرف شي عن هالفندق؟
2. بالنسبه للموبايل هل اشتري خط من هناك ؟ ومن اي شركه ؟ وهل اقدر اشغل خدمة البلاك بيري ؟ واذا في احد يعرف كم يكلف ؟
3. احنا بنسكن بس في روما بس حابة اعرف اذا في مناطق قريبه نقدر نروحها الصبح ونرجع بالليل؟ مثل انا اعتقد نابولي وبيزا ويمكن فلورانس؟ يا ليت تخبروني عن المناطق اللي تستحق الزياره وكم بتكون تكلفة المواصلات ؟
طولت عليكم بس لان حابة استفيد من خبرتكم
شكرا ويعطيكم العافيه
اولاً حياج الله اختي العزيزه بالمنتدى
1. انا حجزت فندق Hotel Eliseo - بغيت اعرف اذا احد يعرف شي عن هالفندق؟
الفندق لا اعلم عنه شي لكن موقعه جداً ممتاز يقع امام حدائق فيلا بورغيزي وقريب من الدرجات الاسبانيه
وشارع فيا فينتو الشهير
2. بالنسبه للموبايل هل اشتري خط من هناك ؟ ومن اي شركه ؟ وهل اقدر اشغل خدمة البلاك بيري ؟ واذا في احد يعرف كم يكلف ؟
افضل شركه شركه تيم انا استعملتها خدمه البلاك بيري مع الانترنت 5 يورو للشهر لكن الله يعينج تعالي فهميهم لان الموظفين مايتحدثون انجليزي فاذا تسئلين الكونسيرج يوفرلج هالطلب وكثير محلاتهم تحصلينها بالاماكن السياحيه
3. احنا بنسكن بس في روما بس حابة اعرف اذا في مناطق قريبه نقدر نروحها الصبح ونرجع بالليل؟ مثل انا اعتقد نابولي وبيزا ويمكن فلورانس؟ يا ليت تخبروني عن المناطق اللي تستحق الزياره وكم بتكون تكلفة المواصلات ؟
نابولي مانصحج بالذهاب اليها روحي لحدائق تيفولي فيلا دستي تشاهدين تقريري وراح تستفيدين ان شاء الله
فلورانس تقدرين تذهبين اليها بس مافيها شي جميل يستاهل العنوه بيزا كذالك مافيها الا البرج ومدينه صغيره جداً وغير مرتبه
وبالتوفيق بالرحله والله يستر عليكم