السلام عليكم ورحمة الله وبركاته :""
هلا اخوي ..والله يسهلكم سفرتكم .
بالنسبة لأنترلكن ..هل فيه نشاط معين ودك تزوره ؟؟
مثلا قمة اوروبا ولا بحيرة البلاوسيه ..ولا ....الخ .
انصحك في البداية الاطلاع على هذا الموضوع واختيار ما يناسبك .
عالم من الاحداثيات ..سويسرا وما جاورها https://artravelers.com
وفي انتظار ردك أخوي.

أخوي انا ما عندي نشاط معين في انترلاكن كلها يوم انا ابي استمتع بالأجواء والشلالات واذا تقدر تنظمي لي هاليوم على ذوقك
مانستغني عن نصائحك ورأيك كيف نقدر نستفيد من هاليوم

والله مدري وش اقولك أخوي ..لأن انترلكن فيها العديد من الانشطة ..
والمسافة بالقطار بين جنيف وانترلكن حوالي ثلاث ساعات الا ربع .
والانشطة في انترلكن ليست قريبة منها ..مثلا قمة اوروبا عشان توصلها يبغالك ساعتين .
يعني لو نويت تروح لها من جنيف ..خمسة ساعات .
بحيرة البلاوسيه والاوشن سي ثلاثة ساعات من جنيف .
فما ادري ..هل الوقت مناسب لكم .
توجد العديد من الانشطة اللي ممكن تسويها في جنيف ..مثلا زيارة مصنع الشوكولاتة ..قمة روشرز ..قمة مون بلا في شامونيه ..زيارة مونترو ..زيارة لوزان ..رحلات بحرية لزيارة ايفيان مثلا.
طيب وش رايك بزيارة لمدينة زيرمات ؟؟ تبعد حوالي ثلاث ساعات الا ربع .
وفي انتظارك.
.

اخوي اول شيء شاكر لك رحابة صدرك وأعتذر جدا عن التأخير بسبب عدم تفرغي اليومين هذي للانترنت
أنا أريد التالي حسب الأولوية و خصوصا ان عندي طفلين بنت عمرها 5 سنوات وولد عمره سنتين و معنا عربية طفل له عشان نرتاح معه:
1- بحيرة البلاوسيه والاوشن سي .
2-شلالات قس باخ و تروميل باخ
3-مدينة آنسي الفرنسية 0
4-قمة مون بلان شاموني 0
5-الزحليقة الصيفيه بانترلاكن0
6- مصنع المياه في ايفيان 0
7- مدينة لوزان السويسرية 0
طبعا أنا رتبتهم بالأولولية عندي شوف أنا قاعد يومين و ثلاث ليالي في جنيف
و بالنسبة لزيرمات بعيدة علي و تعب أنا أفضل انترلاكن
طبعا الوصول لانترلاكن أو آنسي راح يكون بدري الساعة 7 صباحا من القطار من جنيف بإذن الله و العودة على الساعة 5 أو 6 مساء
أنا بانتظارك مشرفنا العزيز
شاكر ومقدر تعبتك معي

هلا بك اخوي..والعفو ..ما سوينا شي ..
بس ياليت لو تذكر لي التاريخ اللي راح تكون فيه متواجد في جنيف ..اكون شاكر لك.

طيب انا راح أكون متواجد بإذن الله في جنيف ايام 23 مايو 2013 قادما من ليون على الساعة 10 صباحا بإذن الله أكون بجنيف وراح أجلس فيها يومي 24 و 25 من شهر مايو 2013 ان شاء الله و العودة يوم 26 مايو إلى الوطن

1. اليوم الرابع 26 :


2. متى موعد المغادرة من جنيف ؟؟؟

الله ييسلك امورك أخوي ..
طيب انا بقترح عليك ..وانا ابغاك تناقشني لو فيه اي شي مو واضح .
وبحاول قدر المستطاع ارتب لك الجدول بناء على الانشطة اللي ذكرتها .
اليوم الاول 23:
الوصول الى جنيف بالقطار .
ومن رأيي انك تكمل الرحلة الى لوزان مرة واحد ...لأن التشيك ان في الفندق ما يبدأ الا بعد الظهر .
طيب والشنط ؟
ممكن تحطها في صناديق الامانات الموجودة في محطة القطار في لوزان .
او اذا كان بإمكانك التنسيق مع الفندق انك تحط الشنط عندهم ألين ترجع في المساء .
تتمشى في لوزان وتروح لشاطئ الاوشي ..ومن مرفأ الاوشي تروح لايفيان بالعبارة او الباخرة ..وتقعد كم ساعة فيها .
ومهم جدا تعرف مواعيد الرحلات من والى ايفيان .
ثم ترجع لجنيف.
على فكرة اليوم طويل ..الشمس تغرب من بعد الساعة التاسعة مساءا .
اليوم الثاني 24:
الذهاب من الصباح الباكر من جنيف وزيارة بحيرة البلاوسيه .
ومن البلاوسيه الى محطة انترلكن الغربية..وبجوارها الزحليقة الصيفية في مطل الهيموفلج .
ثم من مرفأ انترلكن على بحيرة البرينزرسي ..بالقرب من محطة القطار الشرقية ..تروح لشلال الجس باخ عن طريق الباخرة .
ثم ترجع لأنترلكن ..ومنها الى جنيف .
>> ههه ...وربي تعب .
او فيه مخطط ثاني :
زيارة البلاوسيه اولا ..ثم الاوشن سي والزحليقة الصيفية اللي فيها ..ثم الجس باخ .
والامر راجع لك .
اليوم الثالث 25:
زيارة قمة شامونيه المون بلا + قضاء بقية اليوم في أنسي .

اليوم الرابع 26 :

متى موعد المغادرة من جنيف ؟؟؟

لأن تنقلاتك كثيرة اخوي ..انصحك تاخذ السويس سيفر باس لمدة اربعة ايام ..الاطفال مجانا ..وقيمتها تقريبا 466 فرنك سويسري لشخصين ..وتعطيك حرية التنقل خلال الاربعة ايام بالقطارات والباخرات والترامات والباصات .
وتشمل البطاقة الزيارة الى شامونيه ...لكن لا تشمل زيارة انسي .
زيارة انسي عبر الباص .
ممكن لو كان موعد خروجك من جنيف متأخر ...راح يكون فيه تعديل بسيط على المخطط .
وفي انتظارك .

مشكور يالغالي و ما تقصر
موعد الإقلاع الساعة 4 العصر من جنيف إلى جدة
طيب اليوم الأول 23/05/2013 حلو بالحيل و مريح و نفسي أعرف كم يكفيني ساعه عشان أكمل هالبرنامج
يوم 24/05/2013
كله صراحه اشوفه تعب خصوصا مع الأطفال
لكن هذا أريح (زيارة البلاوسيه اولا ..ثم الاوشن سي والزحليقة الصيفية اللي فيها ..ثم الجس باخ) . بس نفسي أعرف كم يكفيني ساعه عشان أكمل هالبرنامج
يوم 25/05/2013
وش أحسن أروح لآنسي ثم شاموني و لا العكس و ياليت تقول لي الطرق الممكنة للتنقل بالتفصيل و ياليت برضو تقول لي كم يكفيني من الوقت عشان اكمل هالبرنامج

العفو أخوي ..
بالنسبة لليوم الاول ..بين جنيف ولوزان تقريبا ساعة ..وبين الشاطئ وايفيان بالعبارة نص ساعة .
عاد الوقت اللي تقضيه في كل وحدة منهم يعتمد عليك .
قول ثلاث ساعات في ايفيان والباقي في لوزان .
اليوم الثاني:
من جنيف الى البلاوسيه ثلاثة ساعات ..يعني توصل الساعة 10 اذا حركت 7 .
تقعد ساعتين ..صارت 12.
بعد كذا يا دوب نشاط واحد ..فهل تختار الشلال ام بحيرة الاوشن سي ؟؟
حسبتها عن طريق موقع القطارات السويسرية ..طلعت مواعيد الباخرة غير مناسبة مع موعد وصولك الى انترلكن .اذا كنت ناوي تزور الثلاثة انشطة.
اليوم الثالث:
شامونيه ثم انسي .
شامونيه الافضل لك انك تطلع لها بالباص ..من هذه المحطة .
gare routière genève
وهذا جدول مواعيد احد الشركات .
وهذه شركة من مطار جنيف الى شامونيه
http://www.chamexpress.com/
بعد شامونيه ..تطلع بالقطار الى محطة St Gervais Le Bains
ثم بالباص الى انسي .
من انسي الى جنيف بالباص .
=======
وبيني وبينك ..والله متعبة وخصوصا ان معك اطفال في التنقلات وتبديلات القطار والباصات .
فمثلا لو تخصص اليوم الثالث فقط لأنسي يكون افضل .
والامر راجع لك اخوي.