استفسار عن جزر المالديف لو سمحتوا

دولمه

12-09-2022 - 11:41 am

السلاام عليكم ,,,
طبعا بما ان المنتدى جدا رائع ماشاء الله حبيت اسالكم اذا تقدرون تساعدوني ..
حنا تقريبا 10 الى 12 شخص رحله نسائيه فقط يعني بالعربي حريم العايله باذن الله هذي السنه
بس والله حاولت اقرا عنها وكل شي بس عجزت اقدر الموضوع كله رحله تقريبا اسبوع و الميزانيه متوسطه او عاديه واتمنى لو اعرف كم الميزانيه الكليه او ميزانية الشخص الواحد يعني كم تكلف ووين اروح بالضبط وايش اهم الاشياء اللي اشوفها ومن اي خطوط احسن الخ
فاذا تقدرون تفيدوني من خبراتكم بكون شاكره لكم جدا جدا

التعليقات (9)

دولمه

12-09-2022 - 02:23 pm

60 شاهدو الموضوع ومافي احد تفاعل ؟؟!!

نيو //

12-09-2022 - 03:24 pm

انا من رأيي المالديف ماتصلح حريم لحالكم احنا يالحريم نحب السووق والهجهجه ومطاعم واشياء زي كذا
والمالديف استرخاء بس قاعدين في الجزيره .. وانتي فكري في الموضوع

الحب في باريس

12-09-2022 - 04:25 pm

انا اشوف ازا رحلة حريم بس روحو لندن وخدوني معاكم

دولمه

12-09-2022 - 05:26 pm

مشكورين والله على تفاعلكم وردكم بس جماعة الخير حنا نبغى المالديف خصيصا راغبين فيها وقارين عنها سفرة رواقه خ يعني سباحه واسترخاء هذا اللي نبيه وبالعكس فيها اشياء وفعاليات تصلح لجميع الاعمار
بس اتمنى لو احد يرشدنا وين نروح بالضبط هناك وكم ميزانية الشخص الله يعاافيكم ,,
والله يحيي الجميع ;p

ام غروب

12-09-2022 - 06:27 pm

مااعتقد تصلح المالديف لجمعة حريم ..!!
تصلح لزوج مع زوجته اوكي ..
لأنها كلها اجواء رومانسيه وروقان واسترخاء ومافيه انشطه غير كذا ولافيه سوق ولاشي يعني بتطفشون من اول يوم...
والمالديف يبي لها ميزانيه عاليه .. لأنو كل شي غالي هناك ..

سعود بن محمد

12-09-2022 - 07:28 pm

دولمه
ماذا تقصدين بالسؤال (يرشدنا وين نروح بالضبط هناك) ؟
المالديف عبارة عن فنادق على جزر منفصلة، أي أن ليس للشخص خياراً إلا
فندقه، أو التنقل بين الفنادق. أما النشاطات، فيبدو أنك على اطلاع و معرفة بها.
أما الميزانية، فلا أعتقد بأنها تقل عن 1000 ريال للشخص يومياً، للسكن و
المعيشة، أما النشاطات الأخرى، فتبدأ معظمها من 50 دولار أمريكي تقريباً.

دولمه

12-09-2022 - 08:29 pm

يا اعزائي والله فاهمه وش هي المالديف وما قررنا نروح الا وحنا عارفين انها جزر و اجواء استرخااء وهذا المطلوب تماما
سؤالي هو :
كم الميزانيه للشخص الواحد لو بالتقريب ؟
شكرا جزيلا طبعا للي ردوا وخصوصا عن الميزانيه ما قصرتوا بس اتمنى لو جواب مفصل من مجرب اذا ما عليكم امر

سعود بن محمد

12-09-2022 - 09:30 pm

التكلفة تختلف من شخص لآخر، و من فندق لآخر، و من تاريخ لآخر، لكن
هذه أمثلة تقريبية عن الأسعار بالدولار الأمريكي ، بناءاً على تجربة شخصية في
منتجعات Four Seasons:

الطيران الداخلي بالطائرة المائية: 400$ للشخص، ذهاباً و إياباً (كانت رحلتنا

من منتج إلى آخر، ثم إلى المطار).

السكن في العاصمة في فندق 3 نجوم: 150$ لليلة الواحدة شاملاً الإفطار

لشخصين.

السكن في المنتجع: 1000$ لليلة الواحدة شاملاً الإفطار لشخصين في فيلا

بمسبح (منتجعات Four Seasons).

الأكل للشخص الواحد: يبدأ من 30$ للوجبة في الغرف، إلى 100$ في

المطاعم (قد تختلف حسب نوعية الأكل).

المساج: يبدأ من 100$ للساعة إلى 300$ تقريباً.
الجتي سكي: 150$ لمدة 45 دقيقة.
الرحلات البحرية (صيد-دلافين غوص): تبدأ من 40$ إلى 150$ تقريباً.

aboaziz

12-09-2022 - 10:31 pm

هلا بك اختي
اختيار موفق بإذن الله
تكلفة السفرة لعشرة اشخاص لمدة 5 ايام شاملة كل شيء هي بحدود 80 الف ريال (طبعا ما اعرف بالضبط اي نوع واي درجة فنادق ترتاحون لها وانا حسبتها بالتقريب على فندق 4 نجوم)
وممكن لو توضحين لي كيف تفكيركم من ناحية توزيع العشرة (بالصلاة على النبي)
يعني هل فكرتوا كل 2 في غرفة
وال كل 3 في غرفة
لأنه في الحالة الثانية التكلفة تنخفض
الله يوفقكم ويسهل دربكم

الجزر السياحية المسافرون العرب

استفسار عن جزر المالديف لو سمحتوا