غريبة الاستفسار سارله تقريباً 24 ساعة والمشاهدات 20 وللحين محد رد علي...

وعليكم السلام
1/ السكن لابد من البحث عن فلة كبيرة لعددكم والافضل اول ماتوصل الجبل تبحث بنفسك مع السائق.
2/ يوجد سواقين بالجبل بكثره وهو الافضل لتنقل ويوميته من 400الف إلى 500 ألف
3/ البرنامج لثلاث ايام عندك سفاري يوم كامل من 10 الصباح إلى 4 العصر
وكذلك حديقة الزهور والمطل بالبرشوت
والشلالات
وبحيرة الليدو
شف اللي يناسبك ورح لها
والافضل لكم تخلون 5 ايام بالجبل ويوم جاكرتا
الجبل اريح وافضل 3 ايام مايمديكم تسون شي

عاشق الرياض شوف موضوعي الله يارب يطولي بعمرك وساعدوني لاني محتاجه بالمره بالمره البرنامج عشان الحجوزات

مده السفر قصيره جدا لزياره اندونيسيا
حسب تاريخ السفر بيكون يوم جمعه ان كان هو يوم السفر 21/7/1434
احنا قروب شباب مكون من ((6)) أشخاص راح نكون في اندونيسيا ان شاء الله بتاريخ 21/7/1434ه يعني ممكن بعد شهر.
حسب العباره باللون الاحمر يعني سفرك يوم خميس ووصولك يوم جمعه هناك ؟؟
ان كان صحيحا فالافضل تطلع لبونشاك مباشره من المطار لان السبت بيكون الخط لها مغلق
ان كان اقلاعك يوم الجمعه ولم تنتبه لان وصولك بيكون يوم سبت الاجدي تبقي اول يومين بجاكرتا لان السبت والاحد الطريق لل جبل مغلق في اغلب اوقاته
مع التنبيه ان يوم الجمعه ايضا يكون حجز الفلل في بونشاك متعب شوي لانك مقبل علي ويك اند وزحام سياح اندونيسيين ايضا
بعد ان اعرف التفاصيل منك بالظبط لخط سير الرحله يمكننا تفصيل افضل الخيارات الممكنه للرحله لتجنيبك مشاكل زحام الحجوزات والطرق
بمعني نريد معرفة وقت الوصول بالتاريخ الميلادي باليوم والساعه يكون افضل
واكرر مده السفر قصيره جدا

jaka
اخي العزيز" إحنا ء راح يكون مضالنا اسبوع بماليزيا وبعدها راح نذهب لاندونيسيا...
واقلاعنا من ماليزيا راح يكون الساعة 11 الظهر يوم الجمعة
يعني راح يكون معانا الجمعة الين الاربعاء والخميس رجعتنا على السعودية ان شاء الله..يعني بالميلادي 31/مايو والعودة 27/يونيو

1. تمان سفاري يوم كامل حط معها شلال جاكسا داخل الحديقه وعروضها


2. التسعيره مختلفه اخوي

اوكي اخوي الان اتضحت الصورة
وصولك يوم جمعه بيكون الانسب تبقي بجاكرتا جمعه وسبت واحد
لانك بيوم الجمعه لو طلعت للجبل بيكون فيه ظغط اكثر لحجز السكن في المنطقه ليله السبت اللي هو الويك اند عندهم
يعني تغامر تروح للجبل علي طول وتدور سكن فيه
او تبقي جمعه وسبت واحد بجاكرتا وتطلع بونشاك يوم الاثنين
القرار لكم
الانسب للسكن والاوفر بجاكرتا هو البارتمنت الشقق الفندقيه
اذا تبي شي فوق المتوسط عندك اريادوتا سمانقي او اسكوت
واذا تبي سكن اوفر ممكن تشوف شقق بتافيا وتتميز بغرفها واسرتها لانها من حجم بيق سايز لكل الغرف مو اسره صغيره زي بقيه الشقق
يعب بتافيا موقعها بشارع فرعي صغير مدخله علي سوق شعبي وايضا السفتي بوكس موجود بالرسبشن وايضا مفاتيح الغرف من النوع الدقيم وليست كرت دخول يعني الشقق غير جديده تماما كانظمه لكنها امنه باذن الله
اذا ناسبتك من خلال تقارير الاخوان اذا ماناسبك التكييف باحد الشقق اطلب تغييرها او نظافه الاسره ان لاحظت شي اطلب تغييره قبل الدخول ياغالي
أول ما نوصل راح نطلع على الجبل ونجلس فيه ثلاث ايام وبعدين راح ننزل على جاكرتا وناخذ فيها يومين واليوم الثالث راح نسافر فيه..
تمت اجابته والقرار لكم
1- بس وين تنصحوني اسكن بالجبل طبعا ودنا بفلا بمسبحها وكم سعرها يكون باليوم..؟
الفلل مختلفه فيه الغالي وفيه الرخيص كشباب افضل موقع تسكننون فيه هو الاقر ب للخدمات جنب البقاله السعوديه وحواليها تحتاج صبر بالبحث عن فيلا مناسبه او تفتر بتقارير الاعضاء تشوف شي ناسبك من الصور وتختاره
الفلل المناسبه ل 6 اشخاص اعتقد كتخمين حسب خبرتي ان كانت متوسطه لن تقل عن 700 الف روبيه
2-وهل يوجد سواقين بالجبل ولا نستأجر دبابات طول فترة اقامتنا والسواق بكم يوميته..؟ والدباب 3-بكم يأجره لي باليوم؟؟
يوجد مكتب تاجير جنب البقاله العربيه بوسط المنطقه تشوف السيارات مرصوصه ببرحه جنبه ممكن تتفق معهم
السواق يوميته من 450 الي 550 الف مع السياره والبنزين وكل شيء حسب مكاسرتك معهم بيرفعون عليك السعر لان عددكم 6 كاسر ولاتتعب معهم
الدباب ايجاره مختلف من منطقه لاخري واذا باليوم بحدود 60 الف الي 80 الف سابقا الان اكيد ارتفعت الاسعار قليلا لاني من زمان مااستاجرت دباب وكل شيء ارتفع من سنوات عندهم

• انصحك بسياره خاصه افضل كعدد اذا بتاخذون دباب لكل واحد بيكون مقارب لسعر السياره اولا + انه غير امن كما تعرف لاختلاف الطرق لديهم والاتجاهات بنظام انجليزي

وياليت احد يفيدني ببرنامج ثلاث ايام ويكون بالتسعيره...!

تمان سفاري يوم كامل حط معها شلال جاكسا داخل الحديقه وعروضها

اذا فيه وقت معكم طلعتم بدري وشفتم نفسكم نشيطين تطلعون لشلال شليمبر او الشلالات السبعه نفس الاسم واذا شفتوا انكم تعبتوا بيوم الحديقه تخلون الشلال يوم ثاني
يوم لحديقه شيبوداس + حديقه الزهور + منطقه كوتا بونقا السكنيه وفيها بعض بعض الفعاليات القليله كبحيره فينيسيا مثلا >> ممكن تاخذون غداكم لحديقه شيبوداس تطبخونه هناك اذا انتم راعين طبخ ولا تاخذونه جاهز تروحون للشلال اول داخل شيبوداس ثم الي البحيره والجلسه حولها وهي الاهم ان قررتم فعل ذلك
>> بيجيكم شويه مشي متعب بهاذ اليوم لان شلال الحديقه مشواره مو قريب وحديقه الزهور فيها مشي بعد
اليوم الثالث تخليه للشلالات السبعه او شليبمر اذا مازرتها باول يوم ومعها البراشوت واذا حابين رافتنج تروحون لحديقه ماتاهاري
خيارات متنوعه حسب الجو ممكن تقرر هناك مثلا اذا تبي تركب براشوت لازم يكون الجو مافيه هواء شديد او مطر لانهم مايطيرون اذا فيه هواء شديد
اذا حابين الرافتنج وهو بسيط مو كبير زي بالي يكون وقت روحتك له مافيه مطر شديد في حديقه ماتاهاري

التسعيره مختلفه اخوي

مثلا اغلا منطقه فيها رسم دخول هي تمان سفاري يعني بتكلفكم بحدود 200 الف روبيه للشخص باليوم العادي مش الويك اند الاسعار تختلف قليلا من ويك اند لايام وسط اسبوع + مبلغ بسيط لدخول السياره + مبلغ اقل تقريبا 180 للاندونيسي اللي هو السواق اللي معكم
هذي اغلي منطقه دخول كرسم دخول بقيه المناطق اسعار دخولها رمزيه كالشلالالت وبقيه الحدائق
ولاتنسوني ببرنامج جاكرتا لمدة يومين مع تسعيرة البرنامج..!
تبي اسواق عندك سينايان سيتي سينايان بلازا تمان انقريك قراند اندونيسيا وغيرها كل سوق فيه مطاعم + سينما + كل سوق فيه شي مختلف
مثلا تمان انقريك فيه صاله تزلج
اف اكس مول فيه زحليقه من الدور السابع
الخ كل سوق له ميزه
تبي مناطق ترفيه يوم كامل تخليه لمنطقه انشول
اذا قررت تبقي سبت واحد في جاكرتا بتكون مزحومه ودخولها بيكون لدخول العروض والاعاب مزحوم والسري طويل ببعض الالعاب فيها
هي منطقه وحده فيها عده مناطق
مثلا عروض بحريه ودلافين والخ هذي سومدرا مناسبه للاطفال جدا وقد تناسب بعض الكبار
دنيا فنتازيا منطقه العاب مختلفه الانواع ويوجد بها سينما بعد ثالث جميله
اتلانتس العاب ومسابح مائيه
سي وورلد احواض بحريه ومائيه فيها انواع الاسماك وفيها ممر بحري قزازي
ايضا داخل المنطقه يوجد تلفريك وبعد النشاطات البحيره لو حبيت بس مو رخيصه
ويوجد فيها مطعم بندر جاكرتا البحري لو حبيت تتعشاء طعام بحري مناسب لكنه بدائي كتاثيث يعني مفتوح علبحر وسعره اغلي من غيره لموقعه علبحر
التسعيرات كل منطقه داخل انشول لها تسعيره يمكنك معرفتها من خلال موقع انشول
http://www.ancol.com/

جاك الله يخليكم تكفون ردو على موضوعي عشاني محتاجه اسكره بسرعه خايفه تزيد الاسعار
انتم والمصباح والرياض تكفون ساعدوني الله يارب يبشركم بالجنه
رجاء خاص