انا اللي فهمتو انو الفيزا مو البطاقه الإئتمانيه لا
هي التأشيرة تكون الحروف فيها محفورة
وان شاء الله اكون صح
ننتظر الخبراء

لا ما اقصد التأشيرة..
أقصد الفيزا(البطاقة الائتمانية)..
ياليت احد يفيدنا..

انتيه اخوي ترى غير مقبولة
ما تقبل الا المحفورة من تجربة
تحيتي

اها
كلهم يقولو لازم محفورة
يمكن حقتك محفورة وانت ماتعرف
او ممكن تروح للبنك يغيروها

اخو اسامة
مشكور على عرض تجربتك ..
al3solh
كيف يمكن تكون محفورة وأن ما أعرف.. ما فهمت.. الأرقام مطبوعة طباعة مو حفر..
الان البنك يقول يمكن يمديك تطلع فيزا محفورة ويمكن ما يمديك.. أقل شي قبل خمس ايام..
وأنا مقدم على طلبها قبل اسبوعين.. بس الموظف الظاهر انه نايم في العسل.. يتصل علي اليوم ..يقول ان النوع اللي تبيه اوقف من الادارة.. كلم على الهاتف المصرفي واسألهم عن السبب..
كلمت الاخوان في الهاتف المصرفي قالوا لا ما أوقفت..رح للفرع اللي قدمت عنده وتفاهم معهم..
رجعت للموظف قال موقوفة..
دخلت على المدير قال لا ما أوقفت.. إلا إذا كان شي جديد..ما ندري.. بنشوف اذا نقدر نطلع لك أو لا..
قسم لعب بزران..
القضية الان..
إذا حان موعد سفري.. والبنك ما طلع لي.. ايش الحل.. ما يقبلون كاش مثلا؟؟
رجاء اللي عنده حل لا يبخل..

اذكر مرة كنت مع اخوي استأجر سيارة بفيزا غير محفورة من بنك الراجحي ولكنها الفيزا الكلاسيكية الفضية وانا أعيد واكرر غير محفورة من فرع يوروب كار انترلاكن عند الموضف الكبير في السن وأتذكر بعد انه صورها ( أخذ صورة الارقام ) ......هذا ما حدث في هذا الفرع وهذي المدينة بالتحديد .... ولا ادري عن غيرها
مع العلم انها مرة وحيدة من فترة طويلة وحاليا استخدم الاميريكان اكسبريس وفيزا من بنك البلاد وسامبا
ولكن حط في بالك ان فيزا التسوق من نوع ديبيت ( ايداع ) وليست ائتمانية ويمكن ما تقبل علشان هذا السبب . اضف الى ذالك انها مرات لم تقبل خارج سويسرا اما في داخلها مشت معنا زيي الحلاوة ومع كذا تركناها لانها ما تنفع في السفر
هذا ما أعرفة عن الفيزتين الفضية غير المحفورة والتسوق ام النكبات

سعد القحطاني..
مشكور لعرض تجربتك..
اي والله شكلها أم النكبات
طيب ما فيه حل غير الفيزا..؟؟؟

شباب
فيزا مطبوعة
فيزا محفورة
ما أدري أيش
ما لها أي تأثير
الفيزا الكلاسيكية العادية مقبولة , أما فيزا التسوق فغير مقبولة

حبيبي السراب . التسوق أنسى انها تقبل .
الان انت محتاج فيزا كلاسيكية وغالبا تجيك بنسبة مرتبطة بالراتب . اذا عندك هذا النوع خير وبركة
اذا ما عندك معناتها لازم نعرف كم باقي على موعد سفرك. ونشوف لك حل . اذا ما لقينا امكانية اصدار بطاقة قبل موعد سفرك يبقى عندنا حل اخير وهو تحجز من النت والدفع يكون فوري ولكن لازم نتأكد انهم يخصمون قيمة الإجار+ البلوك للتامين .
أنا ما جربته لكن سمعت ان سيكست يخصمون اثنينهم المبلغ + التامين وأكون صريح معك ترا ما ني متأكد من هذي النقطة وانت عليك تتاكد اذا بيخصمونهم كلهم بحيث ما تحتاج البطاقة وقت الاستلام وياليت لو تراسلهم انت بنفسك على الاميل وتاخذ الخبر اليقين
اذا ما ظبطت معاك نقول عسى في ذلك خير والخيرة في ما اختارة الله .*