عزيزتي Emma_56,
الاميال لا تضاف إلا بعد أن تقومي بالسفر فما يضمن لهم أن لا ترجعي التذكرة.
يمكنك حساب الاميال التي ستضاف لحسابك بعد السفر بالدخول على موقع السكاي اوردز. والضغط علي حساب الاميال mile calculator
http://www.skywards.com/Mileage_Calculator.aspx
واكتبي المطار اللي بيكون نقطة الانطلاق وال وجهة النهائية ونوع التذكرة, اقتصادي أو رجال أعمال أو درجة أولى. و تعطيك الحاسبة كم نقطة تكسبي لكل نوع تذكرة .
طبعا لكسب تذكرة مجانية تحتاجي لرقم كبير جدا من الاميال ولو فرضنا لديك 15,000 ميل فهي ليست كافية لشراء تذكرة لرحلة طويلة بس ممكن تشتري تذكرة اقتصادية دبي دمام ب 15,000 ميل طبعا يعتمد على توقيت السفر وشروط التذكرة.
أنا كان عندي حوالي 20,000 ميل من سفرة شهر العسل من طرابلس لماليزيا على درجة رجال أعمال وحجز مع الامارات للعطلات , ومؤخرا اشتريت مجوهرات ماسية من داماس وانتظر أن ينضاف لحسابي اميال اخرى لان داماس شريك في برنامج سكاي اوردز.
إن شاء الله أكون أفدتك ولو بقليل.

السلام عليكم انا سمعت انه بعد 3 شهور انهم يشلون نسبه
اذا حد يعرف يا اخوان يخبرنا

اختي تقدرين تكسبين الاميال عن طريق التكت او غيره مثل السكن او الشراء من السوق الحر او الشركات المشتركه معاهم
طبعا مثل ماقالت اختي ليدي لازم يكون عندج نقاط وايد يعني مستحيل رحلت كندا الى السعودية اتحصلينها مجانا لانها غالية
بس مثلا لو عندج اميال مثل 10 الاف ميل تقدرين اتسافرين فيها رحلات قصيره الى الخليج ولاكن لاتنسين التذكره مجانية ولاكن في عليها ضرايب ويختلف السعره مره يكون 100 ريال وتوصل احيانا الى 500 ريال
وممكن تستغلين الاميال وتعملين اب قريت لو انتي على الاقتصادية وتبن درجة رجال الاعمال ممكن اتقولين لهم احسبو الاميال الي عندي وشوفو لو تكفي ولا لا بس اقل شي يبيلها فوق ال 35 الف ميل لرحلة الوحده يعني للخط الواحد مب لروحه والرجعه
وممكن تشترين اشياء من السوق الحر بطياره عن طريق الاميال بس يكون غالي بعد
وبطاقة الاميال لو وصلتج الفضيه مثلا اتخليج تدخلين قاعات البزنس بلعالم كله مجانا وتعطيج وزن زياده لو انتي حاجزة على الاقتصادية ولج فرصه حجز اكبر و لو المقاعد فل يرفعونج على البزنس من دون ماتدفعين ولا ريال
وفي اخر شي ترا ممكن اتكون الطياره عليها مقاعد بس عن طريق تذاكر الاميال اتكون مليانه لان تذاكر الاميال لهم مقاعد معينه لو حجزوها من قبل ممكن يكون مافي حجز حتى لو كان فيها مقاعد للحجز العادي
اتمنى اني وضحت لج لو القليل
واي استفسار احنا بلخدمة