السلام عليكم ورحمة الله وبركاته
تختلف الصرفيه من شخص لشخص وحسب المطاعم اللي تروحون لها
فيه ناس علي المطاعم السريعه الوجبه حدود 15 رنقت وناس يروحون لمطاعم
الفنادق او مطاعم غاليه ممكن العشي يكلف فوق 100 رنقت وكذالك الصرفيات
و عموما المعدل الطبيعي من 300 إلي 500 رنقت مرات ممكن يكون اقل ومرات
يزيد شي بسيط بس الطبيعي من 300 الي 500 رنقت يوميا

مشكور أخوي ما قصرت
الله يعطيك العافيه
يعني تقريباً نفس أسعار المطاعم عندنا
الوجبات السريعه 15 الى 20 ريال
والمطاعم 100 الى 200 ريال
السعر جيد مو غالي
لكن بكم التكاسي بنفس السعر هنا ؟
0رنقت = 130 ريال او اكثر ؟

ممكن سؤال أخوي الكريم
في الصباح الواحد لما يبغى يفطر
عندهم بوفيهات مثل اللي عندنا ( مأكولات خفيفه بيض - كبده - الخ ) او في فقط مطاعم تدق من الرز مع الصبح لغاية ما تنتفخ كرشك .
لأن أعرف أغلبية الاندونيسين والفلبينيين يفطرون رز مع الصبح

السلام عليكم
الوجبات السريعه عندهم رخيصه مره مو مثل عندنا
والمطاعم العاديه معقوله مافيه خوف إن شاء الله
التاكسي تختلف ممكن هي اللي تستهلك كثير ولكن افضل طريقه
انك تاخذ تاكسي بالجوله عندهم نظام يسمونه جوله وهي اربع ساعات ب 100رنقت
يلف بك محل ماتبي الساعه ب 25 رنقت بس لازم اقل شي اربع ساعات وهو افضل
او مشاوير لو انت متأكد بتروح من منطقه لمنطقه وبتطول فيها ماتبيه يجلس معك اربع ساعات
فكل مشوار له سعر بس حاول تكاسر بطريقه محترمه لأنهم يعصبون بسرعه خاصه الهندوس والصينيين
الوضع طبيعي جدا مافيه شي غير عادي صحيح فيه كثير يتشكون بس والله اشوف
ان الوضع طبيعي و الأسعار طبيعيه جدا ولازم وقت الزحمه والموسم يصير شوي استغلال
بالنسبه للبوفيهات إذا انت حاجز مع الفطور وحجزك فنادق مو شقق فبتحصل كل شي
موجود إن شاء الله معجنات وبيض انواع واشكال وكل شي موجود وفيه اكيد حق الصينيين و الهنود ومنوع
يناسب جميع الجنسيات تقريبا اغلبها منوع وحلو ولكن مابيكون مثل ماتبي 100%
لازم تكيف نفسك وبتحصل اللي تبي إن شاء الله واكثر

مشكور أخوي
وآسفين على إزعاجك بكثرة الأسئلة
بارك الله فيك

السلام عليكم
حياك الله أخي الكريم ولا فيه اي إزعاج
واي خدمه حاظرين للطيبين