مسكته بحلاها
بكل صراحة ماله اي داعي مترجمة ,, كل شي سهل لا تشيلين هم ,, حتى لو لغتك عادية ,,
أمان طبعاً في الاماكن العامة ,, لكن بعد 6 او 7 الليل الافضل الرجوع للفندق ,,او ما دامت الشمس موجودة

مسكته بحلاتها
الوضع طيب والامور بخير
لكن لاتدخلون دواعيس افضل لكم
وشارع جوانرود كله عرب
والهايد بارك كله عرب
طبعا اقصد بكلمة عرب النساء والعجايز
يعني اي شي تبونه بس تسألون الخليجيات هناك ويدلونكم على الي تبونه
وعموما المترمجات ياخذون بالساعه تقريبا 20 الى 30 باوند
فا حرام المبلغ هذا
انا موجود عندي الرقم
لكن من سياسة المنتدى يمنع وضع ارقام
فلازم تطلبين في قسم الاقتراحات والشكاوي وانا مستعد ازود الاداره بهذا الرقم
تحياتي لك

مسكتّه ،،
تروحون وترجعون بالسلامه ،،
ك رأي شخصي ،، اذا كانت سفرتك مو غرضها العلاج والمستشفيات ،، او غرضها تجاري (شراء عقارات مثلاً) ،، فبغض النظر عن مستوى لغتك الانقليزيه ،، ماتحتاجين ابداً للترجمه ،،
بتتفاجئين ان في الصيف ،، العرب اكثر من اهل البلد ! ،،
وبالنسبه للتسوق والمطاعم ،، ماتحتاجين غير معرفة الأرقام والمقاسات ،، مثلها مثل ماهو موجود في دولنا العربيه ،،
اما بالنسبه للأمان ،، المدينه آمنه "بإذن الله" ،، ومافي خوف ،، اختاري سكن كويس في منطقه رئيسيه ،، وان شاء الله اموركم تمام ،،
اذا مصرّه على الترجمه ،، ندور لك في النت ،،
بالتوفيق ،،
اورفوار ،،

اذا حافظين الكلمات الاساسيه ,, راح تمشو حالكم ..
واحيانا لغة الاشاره تكون مناسبه ...
والبلده ان شاء الله امان ,, بس لا تتأخرو برع ,, اطلعو امبكر الصباح وارجعو اول ما تبدا الدنيا تظلم
اهم شي لا تكلمي احد ما تعرفيه ,, وخلي الناس في حالهم وانت في حالك ... واذا احتجتي مساعده ,, ما شاء الله الخليجيات في شارع العرب واكسفورد
والي يجي عندك يبي يساعدك او شي من هذا القبيل ,, طنشيه خصوصا اذا كان غير خليجي ..
وعليكم بالاذكار
ورحلة سعيدة

يعطيكم العافيه يامشرفين وياخبراء وكل اللي ردو على سؤالي
ومانستغني والله لايحرمنا منكم يالغالين