ياساتر 15 مشاهدة ولا احد كتب شي وين حقين الخبرة في المالديف

وعليكم السلام ورحمة الله وبركاته..
الاشهر الاربع الاولى من السنة الميلادية هي الافضل من ناحية الجو لقلة الامطار وانخفاض نسب الرطوبة ولكنها من ناحية الاسعار(اضافة لشهر ديسمبر) هي الاغلى وبمراحل من بقية اشهر السنة بشكل عام..
الاشهر الميلادية 6و7و8و9 تقريباً من ناحية الجو تشهد زيادة في الامطار ونسب الرطوبةوهذا ما لا يفضله السائحون ولكن من ناحية الاسعار فهي الاقل..
بالنسبة لتوفر مسبح بالفلل المائية فليس بشرط بعضها بمسبح وبعضها بجاكوزي وبعضها بالاثنين وبعضها بدون اي منها على حسب المنتجع وما يوفره من خيارات بفلله وعلى حسب ميزانيتك..وبالمناسبة اغلب المسابح عبارة عن بركة صغيرة في حدود المترين ثلاثة اكثر منها مسبح تستطيع السباحة فيه بشكل فعلي..
بالنسبة للمنتجعات المقترحة فإن شاء الله نفيدك باقتراحاتنا فور افادتنا بالميزانية المحددة من قبلك ويا حبذا ايضاح ما المقصود بالموقع الممتاز للمنتجع..

هلابك اخوي فهد ومشكور على ردك لي انا ميزانيتي 30 الف واللي اقصدة في الموقع الممتاز لان اشوف مواقع فنادق كثيره ومتفرقه في جزر ومحتار اي شاطئ اختار لان ودي اختار فندق فيه فلل في البحر وفلل على الشاطئ وكل وحده اجلس فيها 3 ليالي كتغيير ومشكور مره ثانيه

افضل وقت من شهر 12 الي شهر 2 ميلادي من ناحيه الجو
وعن تجربه شخصيه الجو حلو والرطوبه خفيفه حتي تحس شوي بالبرد لما تنزل البحر
من 20 ديسمبر 12 ميلادي يعتبر موسم والاسعار نار الي نهايه شهر مارس ويمكن بعد الي بدايه شهر ابريل
ارشح لك منتجع جميرافيتافيلي
قريب من مالي ورائع بس م اعتقد تكفي ميزانيتك بالاشهر اللي ذكرت لك
ممكن تكفي بشهر 7 و8 و9 و10 ميلادي