حرض هذه اسم منطقة ..؟
و اذا كانت اسم منطقة وين تابعة ..؟ للامارات و لا المملكة ..؟

سبق وسافرت من الرياض الى دبي عبر حرض ..
وهذا رابط الرحله الاولى
https://artravelers.com/p/re/152093
ورابط الرحله الثانيه بالتوقيع اسفل
تحياتي لك ..

السلام عليكم :
الرياض الى الخرج = 80 كم تقريباً محطات الوقود متوفرة
الخرج الى حرض = 210 كم تقريباً محطات الوقود متوفرة
حرض الى البطحاء ((مركز الحدود السعودية)) = 250 كم تقريباً محطات الوقود متوفرة
الغويفات (( مركز الحدود الاماراتية )) الى المفرق = 330 كم تقريباً محطات الوقود متوفرة
المفرق الى دبي = 130 كم تقريباً محطات الوقود متوفرة
اذا من الرياض الى دبي (( برج دبي )) = 1000 كم تقريباً
اتمنى لك سفرا سعيداً
تنبيهات : احذر من السفر ليلاً ر لوجود الابل ، اهتم بمقدمة السيارة بوضع واقي من الرمال المتحركة

حياك اخوي والله يوفقكم بسفرتكم ويسهل عليكم بالنسبه للسفر عن طريق حرض الى دبي فالاخوان ماقصروا كفوو و وفو بس انا رحت مع زوجي برا عن طريق حرض كان الطريق سيد واحد ومليان سيارات نقل كبيره وتكثر فيه الرمال الزاحفه والجمال بصراحه تعبنا وقررنا العوده تكون الصباح الباكر وبالفعل كان افضل اتمنى اكون فدتك لو بمعلومات بسيطه واعتبر الرحله بالنهار نصيحه اتمنى انك تتبعها

اقتراح آخر لك :
الرياض الى منتزه سعد (( الوسيع )) طريق الشرقية = 75 كم تقريباً متوفر محطات وقود
منتزه سعد الى خريص = 45 كم تقريباً
خريص الى الهفوف (( الأحساء )) = 210 كم تقريباً متوفر محطات وقود
الهفوف (( الأحساء )) الى سلوى (( مركز الحدود السعودية لدولة قطر )) = 150 كم تقريباً متوفر محطات وقود
سلوى (( مركز الحدود السعودية لدولة قطر )) الى البطحاء (( مركز الحدود السعودية لدولة الامارات )) = 120 كم تقريباً متوفر محطات وقود
اذا من الرياض الى البطحاء من طريق الأحساء = 600 كم تقريباً وهو ابعد من طريق الرياض حرض ب 50 كيلو تقريباً
من مزاياه : طريق مزدوج الا بعض التحويلات .
تنبيهات : احذر السفر ليلاً لكثرة الابل ، ضع واقي لمقدمة السيارة من الرمال المتحركة .
اتمنى لك سفراً سعيداً

اسمع وانا اخوك ..
الطريق مختصر وازين لك اذا كنت بالرياض .. بس انتبه من السرعه
وفيه مطب خطير انتبه منه عند التقاطع حق حرض ..
المحطات اول ماتطلع من الخرج وتمسك الخط فيه محطه عبى منها .. وبعدين اذا وصلت اخر الطريق يجيك حرف تي
تطلع يمين لمنفذ الغويفات فيه محطه عبي منها لان البنزين ارخص ..
وبعد ماتطلع من المنفذ وتمسك طريق الامارات ابوظبي يصير الطريق مسارين ورهيب وادعس فيه على راحتك
وبعد المنفذ ب 50 كيلو تقريبا بتحصل محطه رهيبه تقدر تتغدى فيها وتاكل اي شي ونظيفه ودورات مياه روعه
وبعد ها بمسافة 100 كيلو يجيك على يدك اليسار منتجع اسمه المرفاء اجاره ب 300 ريال بس روعه تريح فيه مثلا
وانت طالع من دبي الظهر توصله العصر وتنام فيه من بكره ترجع للسعوديه بالسلامة
وانتبه من المخارج والمداخل علشان ماتضيع وانت راجع من دبي .. وتدخل ابوظبي عاد قابلني اذا طلعت منها
وبالتوفيق ان شاء الله

أهم شي صل الفجر بحرض وادعس
عشان قبل ما تمشي الشاحنات وتزاحمك في الطريق
غير كذا واذا ما تبي تمشي الفجر..
انتبه تسافر بالليل لأنه طريق خطير..
عب بنزين من آخر محطه في الخرج.. وبإذن الله تبي توصلك لحدود الامرات.. بس عب بنزين قبل ما تدخل لأنه غالي عندهم..
بالتوفيق،،،

كفيتوا و وفيتوا والله يجعل كل ما تقدمونه
لأخوانكم المسافرين في ميزان حساناتكم
وبارك الله فيكم يأ أخواني .

اشكر الجميع على المرور الكريم
النية الذهاب مع طريق حرض
الانطلاق من المنزل بعد صلاة الفجر بشمال الرياض
احب أعرف مسميات الديار التي سوف أمر من لدية
حتى لانضيع وقتنا بالسؤال عن الطريق و المخارج و المداخل
وشكراً على المرور مقدماًًًًًً