نفس سؤال الأخ
لأن ان شاءالله عندنا النية اننا نروح بعد العيد
وياريت اللي يعرف مكاتب في جدة عندهم عروض حلوة يدلني عليها

شباب في في اعلان في اعلى المنتدى عبر ( اجازتي )
يقولون :
0ايام لشخصين
5 ليالي اسطنبول + 2 ليلة بورصا + 2 ليلة ازمير + شامل الضرائب و الافطار
على الرابط http://www.myholiday.com.sa/budget_packages.asp
فيه احد مجربهم ؟؟

مشاء الله يمكن نتلاقى انا كمان مسافر بعد العيد و لنفس المدة تقريبا انا يمكن 12 يوم !
بس المشكلة ماقلت انت من وين ؟
انا اقولك من دبي لأسطنبول (ذهاب و عودة) تقريبا 1800 درهم للشخص (طيران الامارات) , و من مطار اتاترك الى فندق في سلطان احمد (ليلتين) وبعدها الى ميناء اللي يودي ليلوا و اقامة (ليلتين) في بورصة و اقامة (ليلة) في اسكيشير و العودة لأسطنبول بالقطار السريع و السكن في تقسيم او بالقرب من اي محطة خط المترو (ما تفرق) (باقي المدة اسبوع) الفنادق تتراوح ما بين 100-150 يورو (في اليوم للفنادق النظيفة )
تعال نحسبها بالدرهم
0-تذكرة للشخصين و طفل)
500درهم (فندق مع الإفطار لليلة تقريبا)x(كل الفتره 12 ليلة)= 6000
وجبات للشخصين و طفل في اليوم الواحد 300درهم (غداء و عشاء و حلويات وكوفي و شاي)= 3600
التنقل تاكسي ذهاب و عودة لمطار = 200درهم
الباخرة (العبارة )=150درهم تذكرة القطار= 200درهم , تاكسي في يالوا و بورصه =400درهم
باص من بورصه لإسكيشير=200درهم
تنقل في اسطنبول
(مترو و ترام و العبارة و تلفريك و تذاكر دخول المتاحف و الحدائق و بعض الأحيان تكسي)=1000درهم
0-قول ستة عشر ألف) =16000
يعني تشل معك 20000 مع بعض المشتريات
ملاحظة : انا زايد شوي بس في الاسعار من عندي لأن المدام رايحه ويايه (ماتظمن)

madubai5933
هلا اخوي انا من الرياض .. انا و معي اثنين ..
ياليت تفصل الاسعار باعتبار اننا عزاب (شباب) وياليت تكون مو غالية مو راح نصرف كثير ..

اخوي مسافر بالنسبة للتكلفة وبما انكم عزاب
تذاكر على الخطوط التركية لثلاث أشخاص = 6300 ريال طبعا على الدرجة السياحية وانصحك تقص التذاكر من
نفس الخطوط التركية في شارع العروبة بتوفر 800 ريال من المكاتب الثانية
السكن بيكلفكم تقريبا 4000ريال
وتنقلات مع الوجبات ودخول بعض المتاحف 4000
اذا كنتم مقتصدين
السكن احجز اول يومين عن طريق مكتب سياحي من هنا على اسطنبول وقل لراعي المكتب السعر بحدود المئة دولار
واحرص ان يكون اللي يحجز لك السكن سعودي عشان مايزود عليك السعر
وباقي الأيام احجز السكن بعد ماتشوفه عن طريق المكاتب اللي في تقسيم
واحجز لك اربع ايام في بورصة ويالوا يومين وباقي الايام في اسطنبول
وطريقة التنقل بما انكم عزاب اذا كنت ماتعرف للمترو عندك الباصات رخيصة
لكن عليك ان تعرف ارقام الباصات لان كل رقم يودي للمنطقة وباليرة ونص المشوار اوفر من التكاسي بكثير
مثل اذا كنت تبغى تروح من تقسيم الى منطقة المتاحف والمساجد في السلطان احمد اركب الباص رقم 70
واذا بغيت ترجع لتقسيم اركب الباص رقم 54 او 74 وبتوفر كثير وباقي الارقام نسيتها لكن اذا رحت هنتك
اول ماتروح للمكتب اللي بتحجز من عنده السكن خذ معك قلم وورقة واطلب منه ارقام الباصات ووين تودي
وبالنسبة لبورصة اسكن وسط المدينة فندق اناتوليا حلو لاكن عيبهم ممنوع انك تدخل اكل او مشروبات من بره
يعني يبيلك تدبر نفسك اما تشيل الشنطة اللي بالظهر وتحط اللي تبي فيها ماراح يفتشونك لكن تدخل باكياس ياخذونها منك وطريقة التنقل اذا كنت وسط البلد اركب تكسي يوديك مثلا للتلفريك ب 15 ليرة رايح ومثلها راجع اوفر لك من
الرحلات السياحية لانها تكلف الشخص الواحد 60 دولار

نصيح لا تحجز من مكاتب السفر الي بالسعودية غالية ، الان على موقع بوكينق ولا اسهل منه بالحجز ، اهم شي معك بطاقة ائتمانية وتعلم بنفسك افضل ؟ ولا تجعل الاخرين يستغلونك بالسعر .

مسافر للوطن
عزيز مسافر للوطن , هذي ترتيبات سفرتي إن شاء الله (سفره عائليه)التذكرة من دبي ارخص لإسطنبول تقريبا 3 اشخاص 4100 درهم (التركية) و 1600درهم عالإماراتية
(غريبة مع ان الرحلة اطول من رحلة الرياض - اسطنبول!!!)
شوف مدام انكم شباب و رايحين كشته انصحكم تروحون الشمال التركي بالقطار ومن ثم بالباص او بالطيران الداخلي الى طرابزون و اوزونجول وما حولها (جو رائع ) و تسكنون في اكواخ و وتاخذون لكم رحلات قصيرة لشكر سو(جبل الثلج) و ريزا لمزارع الشاي و صوماليا و ترجعون لإسطنبول و تذهبون ليلوا و بورصه بالعبارة يعني تجربون كل شي بتكون سفره حلوه , تلفون تركيا بما انكم شباب و سفرتكم بتكون خفيفه وحلوه و لا تخاف العشر أيام تكفي
اذا كنتم معزمين تقدرون تحجزون بوقت مسبق لرحلتكم على خطوط الطيران بيطلع ارخص بكثير
و تقدرون ترتبون رحلتكم (تحجزون الفنادق من النت مع الطيران الداخلي) اذا عندكم فيزا (كردت كارد)
و اذا تريدني اساعدكم في ترتيب السفره انا مستعد و حاضر من عيوني :wink:

والله ياشباب ما قصرتوا ويعطيكم ألف عافية ..

madubai5933
تبارك الرحمن ، الاهل عندي طالعين بعد العيد
7 شوال يعني ، بس لين الحين ما تم تاكيد الحجوزات
بس حبيت اسال عن السكن لأوزنقول ، وشوه الفنادق الجيده ، علما انهم بيقعدون 3 ليالي لأوزنقول و3 استطنبول