السلام عليكم
مبروك عليكم ما تبقى من رمضان
سؤالي هو : كل ما خططت اروح لامريكا سواءً نيويورك، ميامي، اورلاندو ... الخ
اشوف اهلي يكسرون مجادفي بموضوع الامن في امريكا مثل :
ابوي يقولي والله انت ما تضمن نروح هناك واحد يفتح النار عليك او يسرقك عكس كلام مدرستي امريكيه تقول في امن وتقدر فنيويورك تطلع لين الفجر والشرطه موجوده في كل التايمز سكوير
قلت بروح كالفورنيا قال تروح هناك تلاقي مختل عقلياً يفتح الرشاش على الناس وتروح فيها
او ما تقدر تخلي 50 دولار فجيبك يقتلونك عشان ياخذوها منك
مع العلم ان ابوي عنده تجربه في اخر الثمانينات واول التسعينات فالعيش في امريكا بحكم الدراسه
وانا اقول اذا على كلامه مافي حد بيسافر هناك او محد عاش واشوف الشعب عايش وكل شي اوكي
فارجو منكم من له تجارب طويله هناك ينورني عن موضوع الامان هناك بعد مابي اسافر وامي تحاتي
اسف على الاطاله وشكراَ