السلام عليكم
اخي بو محمد ان شاء الله عزمت على فرنسا ؟؟؟؟؟؟؟ و نعم الاختيار .........الحين بتتعود عليها و بتسافر لها كل سنه .
اما عن الضرائب فهذا اظن في كل اوربا و ليس في فرنسا فقط .......
بعض الاغراض بعد ان تشتريها - خاصه الغاليه - تستطيع ان تسترجع قيمة الضريبه منها و ذلك بعد الخروج من البلد ففي المطار ابرز لهم هذه البضاعه مع الفاتوره و سوف يرسلون لك قيمة الضريبه اللي دفعته في البريد.
لكن انا انصحك بان لا تفعل ذلك في المطار لانه يصعب اخراج الاغراض , اسهل من ذلك اذا كنت قريب من بلد اخر اخرج له و على الحدود اذهب الى مكتب الضرائب و اطلعهم على الاغراض مع الفاتوره و سوف يختمونها لك ثم خذ الفاتوره المختومه الى المحل اللي اشتريت منه البضاعه و سوف يعيدون لك قيمة الضريبه حالا .
و بالسلامه .

هلا عزيزي سحر الشرق ..
بإذن الله رايح . فرنسا ..بل .. مافهمت شئ والله .. شلون أروح الحدود وأرجع !!!!!
خبرك ماطبيت أوروبا كلش !!!!

السلام عليكم
الاخ بو محمد المسامحه اذا ما وضحت,
البضائع عندهم عليها ضرائب ففرضا اشتريت ساعه ب 10 الاف ريال فمنها الف ريال ضريبه ترجع لك , بشرط تخرج من بلدهم, ففي المطار تراويهم الساعه مع الفاتوره فيختمونها لك و بعد فتره يجيك شيك بال1000 ريال وانت في بلادك .
لكن اذا كنت قريب من بلد اخر مثل سويسرا تروح لها و على الحدود تراويهم الساعه و الفاتوره فيختمونها لك و لما ترجع فرنسا تروح المحل اللي اشتريت منه الساعه ويردون لك الالف كاش .
المهم في الامر عندهم انك تخرج من بلدهم علشان تستحق استرجاع الضريبه .
ان شاء الله واضح .
واذا في اي استفسار انا في الخدمه . خاصه عن فرنسا الجميله .و بشر ام محمد انها ان شاء الله بتعجبها وايد خاصه السوق , بس الله يعينك على اليورو , عساه ينزل .
و بالتوفيق .

ههه
تسلمين . فهمتج الحين .. بس أستفساري الثاني . هل كل شئ عليه ضريبة . ولا الأسعار على فرض 5000 ريال وفوق ؟؟؟؟ بس . يعني الاشياء الي ب 100 و200 ماعليهم ضريبة ...
أن شاء الله فهمتي سؤالي
أما بخصوص الأسواق في باريس . فأي أجدها . أقصد الأسواق الرخيصة وذات الأسعار المناسبة . مش الي في شارع الشنزاليزية
واليورو في أرتفاع ملحوظ .. عساه ينزل شوي بس
وبسألج عن موقع فندقي الي حجزت عليه الي أسمه
Sofitel forum rive gauche hotel
قوليلي أيش رايج في موقعه . وشنو القريب منه إذا دليتي مكانه ..
وتحياتي لج ..
اخوج
بومحمد
وجزاج الله خير على الرد .. والمسامحة على التعب

السلام عليكم
الاخ بو محمد حياك الله ,
اعتقد ان الضرايب على كل الاسعار و ليست على الغاليه فقط .
بعض البضائع ما عليها ضرايب , مثل الاغذيه .
ارجوا المعذره فانا لست خبيره كثيرا في باريس عادة نسكن اما في ديزني او في منطقه بعيده شوي عن الشانزليزيه اسمها لا ديفانس .
اما بشأن اسواق باريس فأنصحك تتسوق من مدن اخرى غير باريس بتلاقي نفس البضاعه باقل من نصف السعر , و اقترح سوق مدينة ليون , و هي تبعد قرابة 4 ساعات عن باريس بالقطار ,اسكن فيها كم يوم , فيها مجمعين ضخمين يضمون كل المحلات الباريسيه , و يبدأ موسم التخفيضات عندهم من 4 يوليو و يمتد طول الشهر .
و بالتوفيق .

شكراً على الإجابة الكافية والوافيه .. وتسلمين والله ..

شكراً لكم على الإفادة...
هو غالباً الأسواق الكبرى Printemps مثلا...لما تشتري منهم ...
تروح لقسم الضرائب ... يعطونك الفواتير ولازم يكون معاك جواز السفر...
يعطونك فواتير خاصة تبرزها للشباك المخصص في المطار ويردون لك مبلغ الضرائب...
وبدون تعب ولاتطلع الأشياء اللي شريت.

ممكن لو سمحتوا تدلوني على اسواق الماركات قريبة من باريس يمكن ساعة بالسيارة
امل من لدية فكرة عن الاسواق يطيني تحديد السوق التفصيل الممل والخريطة ان امكن
ولكم تحياتي

تكفون يا جماعة الخير
هل فيه مجمعات اسواق في باريس ضخمه مثل مدينة ليون .... وفيها كل شئ ووش اسمها ووين موقعها