آسف ابنقل موضوعي قسم الاستفسارات

الله يبارك لك ويوفقك
بالنسبه لنوفمبر الافضل مدريد - برشلونه - الجنوب
ميزانية 13 يوم تحتاج على الاقل 7000 دولار علشان تكون اموركم الماديه كويسه
3يوم ممكن تقسمها على الشكل التالي
الوصول لبرشلونه وتقضي فيها 5 ايام
بعدها التوجه لمدريد بالقطار السريع وتجلس يومين
بعدها قطار لملقا وتجلس 5 ايام فيها .. طبعا الافضل تستأجر سياره بالجنوب وتسكن كل يوم في مدينه لو حاب او تنطلق للمدينه اللي تبي وترجع المساء .. طبعا عندك مدن الجنوب كثيره منها غرناطه قرطبه ماربيا ملقا اشبيليه رونده فنخرولا وميخاس
واخر ليله ترجع مدريد والمغادره تكون من مدريد لبلدك

Mezajee_KSA
جزاك الله خير mezagee كفيت ووفيت عيني عليك بارده..
طيب لوبغيت اوصل برشلونه واطلع الجنوب على طول بعدين ارجع اخر مدة بقائي باسبانيا في برشلونه من جديد الين الرجوع للوطن
كيف الترتيب يكون من ناحية وسيلة النقل من برشلونه الى ملقا والرجوع لبرشلونه وتقسيم الايام؟
تحياتي لك..

لو بس برشلونه خلي برشلونه مثلا اول 5 ايام وبعدها رح الجنوب بالطياره واجلس 6 ايام وبعدها ارجع برشلونه بالطياره اخر ليلتين

كلام جميل وهذا الافضل
طيب لو بغيت اطلع بالقطار من برشلونه الى ملقا هل أقدر وكيف وضع المواصلات في الجنوب لأني ماراح استأجر سياره؟
اعذرني ثقلت عليك والله يعطيك العافيه..

من برشلونه لملقا حوالي 1000 كيلو وبتطلع عيونك بالقطار
ليه ماتستأجر بالجنوب ؟ رخصه دوليه وخلصنا
ترى بين كل مدينه ومدينه 100 الى 200 كيلو ومرمطه كل شويه باص

شكلي بمشي على مخططك _ اسفه على القطه ولكن ومنكم نستفيد

Mezajee_KSA
مشكور على المعلومات والنصايح المفيده والمهمه
ناوي ان شاءالله اخلي ((خط السير)) الرياض_ برشلونه 5 ايام_ طيران داخلي الى ملقا والجلوس 6 ايام_برشلونه يومين_الرياض
بالنسبه لاستئجار السياره انا بصراحه زحمة الرياض
كرهتني بشي اسمه سواقه وافضل الباصات على السواقه ولو انها لطعه وانتظار بس اريح,,مشكور اخوي ويعطيك العافيه على مشوراتك اللي استفدت منها وان شاءالله غيري يستفيد منها..