1. وانا بنت لحالي !!


2. بصراحه ابغى ادلع امي وابوي واخليهم ينبسطون ..

السلام عليكم ورحمة الله وبركاته ..
مارح اطول عليكم وبدخل بالموضوع دايركت
اخواني جزاكم الله خير انا ان شالله طالعه تركيا الشهر الجاي ومعاي امي وابوي كبار بالعمر

وانا بنت لحالي !!

بصراحه ابغى ادلع امي وابوي واخليهم ينبسطون ..

ابوي رجال كبير بالعمر ويحب الناس يهتمون فيه ويراعونه الله يخليه لنا ان شالله وبصراحه كل مانسافر يلمح لي انه يبغاني اوديه محل يعمل له فحوصات شامله وشيك اب كامل لصحته وعلاج طبيعي لرجوله ومن هالسوالف !! وانا ماعرف وماعندي خبره عن الموضوع ..
تعرفون انا بنت ولا عمري رحت ولا جيت غير معهم وعملت بحث عالنت وماعرفت اوصل لمعلومه وهنا عالموقع محد يتكلم عن هالموضوع .. خصوصا انو انا اهلي ماهم مريضين ياربي لك الحمد ماغير امراض كبر السن من ضغط والام بالمفاصل يعني الدعوه مو علاج الدعوه نتطمن على صحتهم واخليهم يتدلعون .. ابغى محل مثل المنتجعات الصحيه اللي يصير فيها ممرضات وناس يسوون علاج طبيعي مثل بالافلام ..
اذا احد يعرف مكان مثل كذا باسطنبول مركز او مصح او منتجع طبي ياريت يقولي .. او حتى اذا بأبانت .. اهلي راحو ابانت قبل كذا مع اختي وكانو يقولون فيها وفيها ورجعو يقولون ماشفنا شي غير الموجود بكل الاوتيلات حمام ومساج واشياء عاديه !!
انا ابغى محل يعمل لهم شيك اب كامل منها هم ينبسطون ويحسون اني مهتمه ومنها انا كمان اتطمن عليهم وعلى صحتهم .. محل فيه دكاتره وممرضات واخصائيين ..
بليز يا جماعه اللي يعرف محل كذا يعلمني واذا عندكم ارقام او ايميل او مواقع عالنت ياريت تزودوني فيها ...
نقطه ثانيه ... انا دائما اسكن باورتوكيو وبصراحه الاوتيل ينصبون علينا كل مره ويصلخونا بسعر السياره مع السايق ويجي مايعرف غير انجليزي وتركي وابوي يعصب لانه يبغى احد يتكلم معاه عربي .. فاذا امكن ابغى ارقام سواقين بسيارات كشخه وواسعه ومريحه ويتكلمون عربي واسعارهم تكون معقوله .. وبالنسبه لي انا ابغى اعرف كيف ممكن استفيد من المترو او الترام او حتى الباصات بالتنقل من اورتوكيو الى بشكتاش وتكسيم وامينينو السلطان احمد ... بليز لانو لما كانو اهلي يرجعون الاوتيل ويصلخنا السواق الحرامي بمبلغ وقدره .. ولما اجرب انا اطلع لتكسيم او امينينو او بروح البازار من غيرهم ما ااجر سياره على اعتبار اني شباب اقدر استخدم اي وسيله مواصلات عادي اقوم اضطر اخذ تاكسي ويصلخني هو كمان بمبلغ محترم لاني ماعرف استخدم المواصلات وانا بنت لحالي وماعندي احد يطلع معاي واخاف اضيع او احد يستغلني !!
انا جربت اطلع على كل الخرائط الموجوده لخطوط المترو والترام وبصراحه مافهمتها انا ماعمري شفت محطه مترو وحده باسطنبول !! يمكن لاني ما اطلع من اورتوكيو الا بالتاكسي لاني اخاف اضيع !! بس هذا معناته انو مافي محطات للمترو باورتوكيو .. ممكن توضحون لي الفكره اذا سمحتو؟
اذا امكن بس تعطوني خطة طريق لو ابغى اطلع من ارتوكيو لامنينيو للسلطان احمد ولتكسيم وبشكتاش .. وش استخدم ؟ التاكسي الحرامي كان يشوفني لابسه عبايه يلطع مني 35 ليره من بشكتاش لاورتوكيو وهي بالمرا قريبه اقدر اوصلها على رجولي !!! كرهتهم راعين التكاسي صراحه..
بليز ساعدوني ...