اختى الفاضله لا يوجد مطاعم عربية فى جزيرة كوسوموى حسب خبرتى ولكن هناك مطاعم هندية وباكستانية فى الجزيرة احدهم بجانب مطعم الماكدونلند الشهير . وهو حلال على ذمتة .

نعم .. مثل ماقال اخوي يوجد مطاعم هندية وعلى قولتهم حلا ل بس انا ماجربت آكل من عندهم

شوفي اختي من مميزات ساموي المطاعم طبعا في شاطيء التشوينق وانصحك بالذات بمطعم برازيلي اسمه زيكو او زيكوز عموما هو بنهايه هالشاطي ومعروف اسئلي الفندق وراح يعرفونه وتراه لازم حجز خطير هالمطعم وفيه معطم ايطالي بس نسيت اسمه من جهه الشاطي ولونه اذا مو غلطان احمر حلو جداا

العرب عند بطونها
طيّب ممكن تصومون من الكبسات الين ترجعون ؟؟ وش بيصير يعني لو مادحيتوا رز وكبسات ومرق
وش بيصير لو صرتوا نباتيين لمده اسبوع
وش بيصير لو اكلتم خبز وجبن مع ساندويتشات بيض
الحين صارت التمشيه توهيقه من غير مطاعم عربيه وكبسات ورزوز ولحمان وقرصان ومطازيز وكليجا

ess24
صح كلا مك هذا المطعم اكله لذيد وهو على الشارع في الشاوينج بيج واعتقد اسمه صح وايضا عند مطعم 3 monky يسوي بيتزا لذيذة
تحياتي

najeeb
والله يانك منسم درجه اولى ههه
شبيت على البنيه ان كانها اشتهت الكبسه خ
ياخي كل مايعجبك والبس مايعجب الناس ، خلها تضرب من الكبسه لين تقول امين
لكن اخوي نجيب مافي كبسات في فوكت ههه امزح

ctf
ههه
ترى كنت امزح مع الاخت رهوفه
لاني تخليت انها قاعده تتخيل كبسه ريحتها تصل اخر الشارع ويطلع منها بخار ورزيزها اصفر من البهارت وعلى السفره زبادي وكاتشب وزلطات وفي وسط الكبسه قطعتين لحم كتف محمّره بالفرن وفخذين دجاج مرشوشه بزيت زيتون والفستق مرشوش رش على اطراف الصحن والشطه تدور مع عقارب الساعه ترشرش خفيف مثل الهتان والاخت رهوفه مشمّره عن ساعدها ورابطه راسها وتضرب بالخمس وبعض الاحيان بالست ام هم ام
وفجأه يقطع خيالها صوت بواري وتلتفت والا تشوف ناس تشوي جراد :112:

najeeb
والله ياعليك وصف مو صاحي للكبسه
طبني الجوع وانا اقرا ردك
كان الله بعون الاخت ان كانها مالقت الكبسه وقرت ردك عزالله الا بتطلع كبسه من تحت الارض
سلملم

ctf
ههه
القصد هو تسليه وترفيه عن الاخت رهف وعائلتها
نسال الله لهم السلامه والسعاده في حلهم وترحالهم وجميع الاعضاء