abdullah_199012
بالنسبة لبستر فيلج راح تروح لها عن طريق محطة Marylebone للقطارات في لندن والوجهة هي محطة Bicester North
الوقت ما بين 45 دقيقة الى ساعة حسب القطار
اما بالنسبة لاستخدام الباصات ابحث عن مواضيع شرحوه هنا بالمنتدى لان الكلام يطول فيها لاكن بشكل مختصر وبعض النظر عن تذكرة الركوب او بطاقة الاويستر
عشان تعرف المحطات بس ففي عند كل موقف باصات بتحصل عمود فيه لوحة كبيرة فوق عليها ارقام الباصات اللي توقف في الموقف هذا
وفيه تحت مجموعة من المربعات على شكل لوح صغيرة ممكن يكون في وحدة منهم اعلان والثانيه بتحتوي على اوقات الباصات التقريبية والمناطق اللي يمر فيها كاملة
والثالثه بتحصل فيها مخطط لكل الباصات اللي توقف بالمححطة هذي وممتد من كل باص خط وفيه مكتوبة المحطات اللي بعد محطتك بالاسم
مثلا انت كنت عند ماربل ارش في بداية شارع اكسفورد وبمحطة الباصات اللي فيها باص 390 -94-274-30-113-159- عند برايمارك
بتحصل ان تحت كل باص خط فيه كل المحطات الجاية والمحطة اللي انت واقف عندها بيكون مكتوب You are here
تطبيق عملي على باص 390طبعا مهوب دقيق لاني ما حفظت المحطات اصلا بس عشان تفهم
Marble Arch

مشكور ماقصرت الله يعطيك العافية

انا منزله بالاندرويد ابلكيشن خاص في باصات لندن وايد سهل وحلو وبصراحه وايد نفعني ، ما عليك الا انك تحط اسم المنطقة الي بتروح لها وراح يعطيك خيارات باسماء المحطات ، والوقت المستغرق للمكان ومسار المحطات الي تمر عليها ، وماعليك الا انك تختار المحطه القريبه منك .
واذا ما تعرف اسم المكان او الشارع الي بتروحه اسأل رسيبشن الفندق وراح يساعدونك .
اسم البرنامج Citymapper
واكيد موجود بالايفون

مشكوره ماقصرتي حملته ووفاادني جداا شكرا

يوجد طريقة سهلة عندما تركب الباص اتجه للسائق مباشرة و اخبره انك سائح اجنبي وتريد النزول في محطة كذا وهو عندما يصل المحطة المقصودة سوف يخبرك او يؤشر لك بالنزول - ونفس الطريقة في العودة

https://www.tfl.gov.uk
تضع عنوان الانطلاق والوجهة المقصودة ثم تضغط على خيار باصات فقط وهو يعطيك مع الخريطة خطة الرحلة ومن اين ناخذ الباص ورقم الباص ومدة الرحلة...
هذا بالعموم
وعلى وجه الخصوص.... عندما تقيم بفندق تعرف على الباصات التي تمر باقرب محطة لكم... وخطة سيرها وهذا سيكون سهلا بعد كم يوم...
رحلة سعيدة