بوكيت أجمل مكان زرته في تايلنج وفيها الكثير من المحلات لبيع مثل هذه الساعات .
بالاضافه لرحلات القروبات . وعشرة ايام حلوه في بوكيت

أخي العزيز،
بالنسبة إلى أفضل مكان للتسوق العائلي بانوكو هي مقصدك و بالضبط مركز طوكيو و مركز mbk و خلك في هلمنطقه لانه عندهم كل شي ... بوكيت فيها كل شي تبي بس الاسعار ترتفع في بوكيت و خاصة الساعات التقليد إللى سعره الف يصير 3 آلاف بس انت و شطارتك في المكاسر و لا تتردد انك تكسر السعر اكثر من النص لانه هذا النظام في تايلند و اهم عارفين انك راح تكاسر عشان جذي يبلشون معاك بسعر جدا عالي فيا توافق و يتربحون منك أو أنك تطلع من محبين المكاسر و تعل جبده و تاخذه بالسعر اللي يناسبك...
أما الجانب السياحي بوكيت هي الاولى في الرحلات البحرية و البرية و العروض الاستعراضية
إذا حبيت تستفسر عن أي شي ما عليك إلا انك تراسلني و على فكرة انا مقيم في بويكت و عندي مركز غوص يعني ممكن افيدك باي شي لو حبيت
بالخاص
تحياتي
أخوك طلال

الواثق الثاني
تسلم اخوي على توجيهك واهتمامك

bw diving
تسلم اخوي ومانستغني
بس ودي اسئل عن مراكز التسوق في بانكوك اللي ذكرت هل فيه غيرها من ناحية جودة الشغل في البضاعه ولا هي احسن شي

شوف نظر عيني انا ما حبيت امر على استفسارك من غير ما ارد عليه
انا مالي في هالسوالف بس اقولك الناس تمدح المنطقة العربية ببانكوك عند فندق قريس عندك فريدة علي وجاكي وابوداوود ......
انا خذت شنطة برادا حق المدام من شوق النايت البازار مادري زينة او لا او قصو علي مادري ...... خذيتها بعد المقاصص ب 1200 بات بعد ان كان سعرها 4500 بات .
تحياتي لك ..