ممكن حسب مشواريكم
يعني التاكسي 100 جنية والاكل غداء 100 والعشاء 100 جنية وغيرها 200 جنية ومشروبات 100 جنية
هذي طلعت 600 جنية بالريال تطلع نعاكم حوالي 450 ريال
هذي حسبة عامة وعليك الحساب
يعني ممكن تكفي واحياناً لابد تزيدي عليها واحياناً ممكن توفري منها

اذا السفر للسياحه برأيي لا تكفي

المبلغ متواضع جدا المصروف اليومي المتوسط 600 ريال وعلى فكره انا قبل 3 ساعات راد من القاهره يعني معلوماتي
fresh ثقه ان شاالله

شوفي اختي انا الآن لي اسبوع بمصر انا وزوجتي و2 من اطفالي ماصرفت غير 1500ريال تكاسي واكل ولا بعد متغلينا شوي فقط تكفيك 300 وزياده اذاعرفتوا وشلون تااخذون التكاسي بدون استغلال مع الاكل من المطاعم العالميه ولاتنسوون و تاخذون شاي وقهوه وغلايه هذي توفر عليكم كثير خااصه اذكنتم من عشاق القهوه والشاي لانهم بعد يستغلون والمويه تشترونها من السوبر ماركت ارخص وبكذا تكفي الثلاث ميه وزياده

صلى على النبي . ( اسبوع وماصرفت غير الف وخمسيمه @!!! )
جد لا تعليق !
شوفي اختي . . انا من المقيمين بالقاهره بحكم دراستي واقول لج مبلغ 300 ريال مبلغ متواضع اذا كنتي تبين تتفسحين عدل . . خليها 500 ريال اوكي
يعني مايقارب 800 جنيه . . تكفي مشاوير وتمشي ورحلات وتكاسي واكل ولاتقصرون على عمركم . . الخ
واي استفسار احنا بالخدمه . .

صل علا النبي
شكلك منشف اهلك ولا شكلك تصوم هناك
الله يهديك يعني صرفك باليوم 200 ريال مايصير اخاف تبي تكتب 12000 الف غلطت وكتبت 1200 , انا ورفيجي بس اكلنا بمطعم قدوره وجبة غدا حسابنا 300 جنيه , غير التكاسي والعشا وصرفنا على مدار اليوم

السلام عليكم ورحمة الله وبركاته
الله يعطيكم الف عافية على التجاوب مع الاخوة الذين يستفسرون وأنا عندي استفسار هل يكفي صرف 900 ريال يومي شامل السكن والاكل والتكاسي والتمشي علما اني نازل أنا وزوجتي وطفلان بتاريخ 29-7-2010 ولمدة عشر ايام

طير تميم
حياك الله اخوي بالنسبه للسكن حسب المنطقه اللي انت ساكن فيها اذا تبي كل شي قريب عندك اسكن بالمهندسين
والاجار من 300 الى 500 جنيه باليوم واذا تبي تسكن مباشره تكلم البواب بدون وسيط لايجيك سمسار عشان ماياخذ نسبه
والتكاسي عندك نوعين نظام عداد اللي لونهم ابيض والابيض اغلبهم نصابين يلعبون بالعداد يسوي حركه يخلي العداد يدبل
السعر وفيها تكييف والتكاسي السود بدون عداد اتفاهم وياه قبل لاتركب والتكلفه تقريبا 100 جنيه الى 150 جنيه .
المطاعم اذا مطاعم عالميه مثل مكدونالدز نفس السعر مايتغير عليك اما اذا مطاعم فخمه من 250 الى 350 مثل قدوره يعني باليوم راح تصرف على المطاعم من 500 الى 700 جنيه
واذا انت نظامك قهاوي ياخذون على الشخص ميني جارج (للكرسي مبلغ سواء طلبت او ماطلبت) من 80 جنيه الى 100 جنيه
يعني 900 جيده بس لو تزيد شوي يكون احسن انت لازم تاخذ مبلغ اكثر عشان ماتوهق بالسفره واي استفسار انا حاضر

فهد3000
اشكرك اخي فهد 3000
أنا حاسب 1500 جنية يومي شامل كل شي هل هذا يعتبر معقول