اخواني الأعزاء في البداية ابدي اسفي لاني دايماً استفسر ولا حد يعبرني سبحان الله يمكن انا نحسة ماشاء الله اشوف ردود الناس اللي 20 واللي 100 وانا دايماً الردود لا تتعدى ال 1 أو اثنين عموما يمكن مالي نصيب حتى المشرفين مالهم حس ؟؟؟
هالمرة استفساري عن الأشهر بما اني متأخرة وما حجزت ولا حد منكم عبرني غير الأخت مميزة المانيا جزاها الله الف خير فأنا أجلت السفر إلى مابعد رمضان يعني 30 اغسطس إلى 18 سبتمبر .( السفر زيورخ - انترلاكن - زرمات - زيورخ )ثم السفر بالطيارة باريس
1- فهل هذا الشهر انسب ام ان الصيف انسب علما بأني ما أحب الحر ابدا ؟؟؟
2- احنا عددنا كبير 10 اشخاص وحابين ناخذ سيارة وزوجي يسوق لكن الأخت مميزة المانيا تقول مستحيل تحصلون سيارة إجار لهالعدد فممكن إذا احد يفيدنا ويعطينا اسم شركة تأجير ممكن نحصل فيها سيارة تكفي ل 10 اشخاص.
3- ممكن اسم ارقى شقق فندقية في وسط مدينة انترلاكن بحيث ننزل نمشى وما نحتاج نتحرك بالسيارة يعني في وسط الزحمة والهيصة
4- وكملو جميلكم وسوولي تخطيط المدن لاني ما اعرف هالأماكن ولا المسافات بينهم علشان اخطط
وان شاء الله هالمرة تضبط ويايه وفي حد يعبرني من المشرفين او الأعضاء وسامحونا طولنا عليكم وجزاكم الله الف خير مقدما