جوال اسيا
اتوقع ان المدة على حسب الميزانية وعمل برنامج لزيارة عدد من الجز المدن
تقبل مروري

]اول شي يا اخي يحتاج لك تفيز لان اقامتك 22 يوم يعنى اكثر من 21 يوم لابد فيزا ..بلغ الجماعه في مطار مانيلا وادفع حول 2600 بيسو يعنى 50 دولار تقريبا ..واذا اقتصرت المده يوم واحد ما يحتاج فيزا...ما اعتقد انك تمل في الفلبين راح تنبسط ماعليك ...اتوقع يكفيك 15 الف ريال لو بتسكن فئة خمس نجوم المبلغ تقريبا 8000 الاف سكن فقط لمدة 22 يوم ..فئة 3 نجوم 4000 ريال لمدة 22 يوم يعنى لو تسكن 3 نجوم يكفيك 10000 الالاف ريال ...انصحك بمدينة سيبو لانها افضل واجمل من مانيلا وارخص وفيه جزر حلوه وقريبه من المدينه ..واذا اردت السكن في منتجعات على البحر عليك بمكتان او جزيرة لابو لابو ..واذا بغيت صخب روح المدينه قريبه من مكتان 15 دقيقه بالجبني قصدي با التكسي.............اي استفسار انا في الخدمه

تمل هذي اشطبها من قاموسك مره ... وين تمل وعندك بالاوان و دافاو الساحرة هذا غير سيبو ونيقروس وبهول وبوكولود وناهيك عن باقيو ولاقونا وتاقيتاي وبتانقس وبيورتاقاليرا طبعاً كله كوم وبوركاي كوم ... ياخوي لا تقهرني وين تمل وانت بوردة اسيا :112: وفي احدى اجمل مناطق العالم شواطئ بكر بجانب جبال خضراء ساحرة
تمل اذا حصرت اجازتك بمانيلا بس وحرمت نفسك من جمال طبيعة والله بتعجب منها وكيف ابدعها سبحانه وتعالى.
بالنسبة للميزانيه صعب احددلك تعتمد هل اول مره تروح او عارف الديرة وكذلك مستوى الفندق والثالث طريقتك انت بالصرف
موفق خير

حي الله الشباب و الله انكم كفوا
جو حلو لابولابو tah net
كلام جميل ويطمن
ما اعتقد انك تمل في الفلبين راح تنبسط ماعليك
اما بنسبه للسكن خلينا على الثلاث نجوم خلينا نستفيد من الميزانيه بشي ثاني ....
اما السكن والله اني محتار ودي اجلس في مكاتي كم يوم واطلع لمكان ثاني بس المشكله في التنقل الخيارات كثيره والواحد محتار وين يوجه الدفه
وعلى قولت اخوي tah net
تمل اذا حصرت اجازتك بمانيلا بس وحرمت نفسك من جمال طبيعة والله بتعجب منها وكيف ابدعها سبحانه وتعالى.
ولا عليكم امر ابي برنامج يكون حلو بالوقت الي ابي اقضيه في الفلبين وتكون ميزانيته معقوله

10 آلاف ريال تكفيك ان شاء الله اذا اخترت فنادق 3 نجوم
واذا على الملل ، تطمن ماراح تمل , واقترح عليك الجدول التالي
اول 3 ايام في في مانيلا (ترييحه) وفي نفس الوقت تقدر تخت للاقونا تبعد عن مانيلا ساعتين بالسيارة وهي عبارة عن نهر كبير فيه بعض الشلالات ، الرحلة تكون قبل الظهر بشوي وما ياذن المغرب الا وانت راجع لمانيلا
بعدها روح لبوراكاي 45 دقيقة بالطيارة والرحلات الداخلية عندهم رخيصة ، بوراكاي حقها 6 ايام واذا اعجبتك تقدر تمدد هناك، بعدها تروح سيبو (بس سيبو بصراحة مخشت مزاجي لكن كثير من الشباب يمدحونها) من بوراكاي لسيبو تقريبا نصف ساعة بالطيارة ، 3 ثم بعدها تروح لبوهول بالباخرة ، نصف ساعة وانت واصل بوهول ...وبوهول حقها 3 ايام ، ثم ترجع لمانيلا بالطيارة نصف ساعة ... تريح لك يوم ثم تروح لباقيو وهي مدينة جبلية جميلة والجو فيها براد ، بس احسب حسابك الطريق 5 ساعات لباقيو بالسيارة لكن الديره تستاهل العنوة لكن تأكد ان الوقت اللي تروح فيه مو موسم امطار في باقيو .... تاخذلك 4 ايام ثم ترجع لمانيلا وتقضي باقي الايام الين ترجع لبلدك من غير شر.
وش رايك بالجدول؟

ترا 10 الاف للي عارف الديرة ، يعني اذا كنت جديد عليها يبيلك تزود شوي

بوروكاياوي
كفو يا الذيب جدول محكحك :x1:
ماقصرة وبيض الله وجهك

بسألك عن بوراكاي هل لازم الوصول لها بطيارة يعني مافيه وسيله ثانيه للوصول لأنك تقول يبيلها 45 دقيقه بالطياره يعين شكلها قريبه من مانيلا .