dododiab
أهلا و سهلاً .. أنا مش من أبها لكن عندي خبرة عن هالمدينة...

• إيجار العقار في أبها موسمي .. يعني طول السنة الإيجار منخفض ( مقارنة بمدن السعودية الكبرى ) فالشقة المرتبة من غرفتين تكلف حوالي 1500 - 1800 ريال شهرياً .. لكن لما يجي الصيف و اللي هو شهر 7 و 8 و 9 (الموسم السياحي ) ترتفع الإيجارات بشكل مجنون .. يعني ما فيه أيجار شهري أنما يومي فقط و تكون التكلفة حوالي 400 - 500 ريال بالليلة .. لكن فيه عمارات ممكن تأجركم سنوي أو بالصيف لكنها بالعادة تكون متهالكة و غير مطلوبة من قبل السائحين أو قد تكون مرتبة لكن في مناطق منقطعة و بعيدة جداً عن الخدمات و وسط المدينة .. عموما العمارات السكنية كثيرة جداً في أبها...
• تكاليف المعيشة مثل باقي المدن السعودية .. الفرق فقط هو أيجار السكن .. وتطرقت له فوق...
• الحياة في أبها هادئة .. الأجواء جميلة طول السنة .. البنية التحتية متوسطة
• بالنسبة ل غطاء الوجه فهو من تقاليد المنطقة .. و كشف الوجه نادراً جداً .. لكن بالنسبة للأجانب ( سواءاً كانوا سعوديين أو خليجيين أو عرب ) فالوضع مش أجباري عليهم .. لكن ممكن تتعرضون لمضايقة النظرات...

بالتوفيق...

وعليكم السلام ورحمة الله
أهلا أختي الكريمة
ما قصر مستر أرماني
نقطة وحدة أحب أضيفها وهي الأجواء فترة الشتاء لمدة ثلاثة أشهر تقريبا تكون باردة وتصل درجة الحرارة الصغرى إلى سبع درجات والكبرى 14 .
أتمنى لكم التوفيق .

13 الف توفر منها الكثير أخي سواء بأبها أو أي منطقه بالسعوديه

يالبيه يا ابها انا كنت فيها قبل عشره ايام اجواء في النهار خيال وضباب بس في الليل برد وبرد ابها فيه رطوبه يعني مايتعب واللي يقول البنيه التحتيه متوسطه كيف وهي من اكبر مصايف المملكه وفيها اسواق ومولات وتبعد عن خميس مشيط عشرين كيلو فقط وتعتبر خميس مشيط ثالث اكبر منطقه تجاريه في السعوديه اما الايجارات السنويه راح تلاقي طلبك باحلا الاسعار بس توجهي لمكاتب العقار و1500ريال لغرفتين في الشهر كثير اذا انتوا مستقرين في ابها تلاقون شقق سنويه من اربع غرف باسعار معقوله اما المفروش زي ماقالوا موسمي اما تغطية الوجه هذي شرع من شرع الله وبما اني من الجنوب فابها مليانه مستشفيات خاصه ومدن عسكريه في خميس مشيط ولا احد يطالع فيك كل في حاله ويرتاد ابها الالاف يوما لانها تعتبر الاماره فيها والادارات الرئيسيه فيها واكبر المستشفيات فيها صدقوني راح تنبسطون على الاخر في الساحره ابها بالذات في الصيف وفي الشتاء عندكم عقبة ضلع مليانه مطاعم والبحر يبعد ساعه فقط عن ابها ويوجد شليهات بمسابح خاصه وابها تغص بالمطاعم واه على ابها ايام الامطار واي شي انا حاضر

1. أهلين يا جلوي...

galawy1

أهلين يا جلوي...

هذاك اللي يقول أن بنيتها تحتية قال ك تقدير شخصي .. و التقدير مختلف من شخص ل شخص...
أنا أقول لك ليش قال بنيتها التحتية متوسطة .. قال يا طويل العمر بناءاً على المقارنة بغيرها من مدن المملكة.. ف لو قارنناها ب الخبر مثلاً فبالتأكيد راح تكون بنية أبها متوسطة .. أم لو وسعنا النطاق و قارننها بمدن الخليج ك دبي مثلا راح تكون بنية أبها أضعف من الضعيفة !!
أما أن أبها هي مصيف المملكة >>> ف مش بالضروة أنها مصيف يعني أنها تكون بالمقدمة .. عموما صحيح أن أبها مصيف المملكة .. لكنها مصيف ب أجوائها مش ب تأهيلها السياحي ..
فلو سألتك فيها كم فندق 5 ستارز ؟! .. فيها كم منتجع ( بمعنى منتجع ) في السودة أو الحبلة أو القرعا ؟!.. فيها كم مطعم يصنف ب مطعم راقي ؟! .. فيها كم مجمع تجاري ؟! ..
وكفاية أن ما فيها شبكة ليموزينات .. هل يعقل مدينة عن حساب سياحية ما فيها شبكة ليموزين؟!!!!
بالنسبة للأيجارات أنا أتكلم عن الشي المرتب و النظيف و اللي يفتح النفس .. أما لو بغيت شي ( بيئة ) على قولة أخواننا المصريين .. حتى ب 500 راح تلاقي...
بخصوص غطاء الوجه .. ف هذا شرع الله من منظورك الشخصي و ما تقدر تلزم كل المسلمين باللي تشوفه.. و مسألة المضايقة في النظرات أنا ما تبليت و جبت شي من راسي أنما من واقع عشته بحكم ارتباطاتنا هناك .. ف التخزخز منتشر بقوة خاصة عند الأشارات أو الأسواق و ع فكرة ما يخزون بالمرأة بس أنما حتى بالرجل .. بالمختصر يخزون ب كل شخص لبسه و هيئته مختلفة عنهم ! .. و كلامي مش مذمة في أهل أبها بالعكس أهل أبها و النعم فيهم لكن فيه فئة مخربة عالباقي و حنا واجبنا نبين للسائل كل شي بصراحة و صدق و شفافية...
و ترى ما تقدر تحكم و تأكد لهم أنهم راح يرتاحون .. فقط أنا شخصياُ أعرف شخص مصري و شخص أردني ما قدروا يعيشون في أبها !
نصيحة لك .. أحترم وجهة نظر غيرك .. ثاني شغلة لا تخلي محبتك لشيء معين أنك تفخم فيه و تعطيه أكبر من حجمه .. عشان الطرف الثاني لا يواجه الحقيقة و ينصدم .. خاصة في الأمور المصيرية ك حالة الأخت...
سلام..

اهلين حبيبي انا احترم وجهة نظرك بس فيه فرق كبير بيني وبينك انا سافرت دول اوروبا ورحت امريكا وشفت الفرق الشاسع بينا وبينهم في الحياه الدنيا بس اخوك ماتعدا دول الخليج
بس هذولا جاني يترزقون الله يعني لاتسدها في وجيهم انا شخصيا عملت سنه في الرياض كرهت نفسي ونقلت الجنوب لاني اكره الزحمه واحب الهدوء فالاشخاص تختلف نظرتهم لنفس الشيء
صح مافيه اهتمام في السياحه عندنا بس اي طلب تبيه في ابها تلقاه
والشي ا ي مستغربه زيك عدم وجود شبكة ليموزين شي غريب
وعليكم السلام

شكرا للاخوان المختلفين في الاراء فوق
وحياك الله اختي وساجيبك بحكم من عاش في ابها وليس كمن زارها
1- بالنسبة للسكن الاخت تقول عمله في ابها يعني اقامة دائمة
اسعار الشقق تعتبر الارخص على مستوى المملكة للايجار السنوي وساورد لك بعض الاسعار المتوسطة للشقق الجديدة طبعا
بالنسبة لغرقتين وصالة هذه نادرة الا في الشقق المفروشة ومن الصعب ان تجدوا شقة بغرفتين وصالة ايجار سنوي الا ان كانت مقسومة او قديمة
شقق الايجار السنوي بابها تبدا من 3 غرف وصالة
3 غرف وصالة في المتوسط ايجارها السنوي من 15000 الى 20000 حسب طريقة البناء والتشطيبات وحسب الحي
4 غرف وصالة تبدا من 18000 وحتى 24000
5 غرف وصالة 22000 وحتى 30000
وبالامكان ان تجدوا اقل من ذلك
اما المستعمله والمرممة فستجدونها بارخص من ذلك بكثير وتعتبر شبه مناسبة للسكن
2- اما تكاليف المعيشة فالنسبة لراتب زوجك ماشاء الله فتعتبر رخيصة وتستطيعون توفير مبالغ كبيرة
ومع عائلتك فقد تكون تكاليف اغراض البيت للطبخ تقريبا 1000 ريال تكفي الحاجة ولو زاد عليها قيمة ذبيحة لحم تكون 1800 ريال
واسعار المواصلات رخيصة نظرا لصغر مدينة ابها
وبالامكان الركوب من ابها الى الخميس بمبلغ لايتجاوز 3 ريالات للنفر
ومن كلام الاخوة لعلهم لم يزوروها في القريب فقد بدأت شركات التاكسي بالعمل بابها
3- اما الحياة بابها فقد تدمنون عليها ومنها لاتستغربي حينما تسكنين بعمارة ومع اول يوم لكم تجدون جيرانكم يطرقون عليكم الباب للتعارف والتالف ومن السهل تكوين علاقات جميلة مع اهل ابها من الجيران واهل الحي
ومن ناحية الطبيعة فقد تكون ايام الحر معدودة او معدومة طيلة ايام السنة
والبرد يكون اكثر فيها
تكثر فيها الامطار
وخلال 15 دقيقة من ابها بالامكان النزول من الى المناطق ذات الحرارة المرتفعة
وكذلك هي غير مزدحمة ابدا ماعدا وقت الصيف عند قدوم السياح
البحر يبعد عن ابها قرابة 120 كيلو
يوجد بها اسواق تلبي كافة احتياجاتكم
4- اما بالنسبة لتغطية الوجه فابها تعتبر من اكثر المناطق نساؤها يغطون وجيههم ولكن لست مجبرة لعمل ذلك كونك من الاخوة العرب وهذا متعارف لدينا
وبالاخير فابها واعدك اما من في المنتدى انك لن تندمي للسكن فيها
تقبلي دعواتي واحترامي واهلا بكم بيننا

أبها من أجمل مدن المملكة

بالنسبه لأجار السكن بيكون سعره جيد,,,الاكيد انكم تبون سنوي راح تلاقون من 18 الى 22 الف وشي نظيف,,والعيشه في ابها تكون اسعارها متوسطه,,وغير مكلفه,,وان شاء الله راح تنبسطون,,
اما بالنسبه لغطاء الوجه,,ما اعتقد انكم بتواجهون مشكله,,ابها مليانه اجانب من الجنسيات العربيه كافه,,,مدرسين واطباء,
وعايشين حياتهم ,بعضهم له اكثر من 15 سنه,,
بالتوفيق لك,,