بالمناسبه
الرحله الى ميونخ على الخطوط الاماراتيه والاتحاد والقطرية والمصريه .. سعرها يقارب ال 3000 ريال. بينما من الرياض الى فرانكفورت عالسعودية سعرها يقارب ال 1600 ريال
فرق نص السعر تقريبا

حياك الله اخوي عبدالله
اذا كنتم 3 شباب مافي مشاكل بالنسبه لكم .. خصوصا ان فارق السعر النصف تقريبا .. لكن المشكله تكمن بالعوده الى فرانكفورت من فينا بتكلفكم كثير من الميزاينه والجهد ..
وعليه لا بد تلغون فينا وتكون الرحله النزول مطار فرانكفورت وتأجير السياره ومنهاالى ميونخ مباشره 4 ساعات الا ربع تقريبا ومنها الى سالزبورخ بعدها زيلامسي ومن ثم الى ميونخ ليوم واحد او غارمش الالمانيه للراحه وبعدها الانطلاق الى فرانكفورت ..و ممكن اتريحون اول ليله بفرانكفورت ..
ثانيا يعتمد على ميزانيتكم ؟؟ اذا كانت جيده احجز على طيران اخر مثل الاردنيه او التركيه ..سؤال كم يوم الرحله ؟؟
ولك تحياتي

الله يعطيك العافيه اخوي علي
صحيح كلامك المسافه بين فرانكفورت و فينا اكثر من 700 كيلو. بعد البحث فكرت بطريق ثاني:
تكون الرحله من الرياض الى فرانكفورت "دايركت عالخطوط السعودية" .. وبعدها يا اننا نقعد يوم في فرانكفورت نريح او اننا مباشره نستاجر طياره وعلى ميونخ.
في ميونخ نجلس ليلتين وبعدها ننزل على النمسا.
طبعا المناطق القريبه اول .. زيلامسي و سالزبيرغ وبعدها الى فيينا.
في فيينا نسلم السياره لاقرب نقطه داخل حدود المانيا وبعدها بالطياره من فيينا الى فرانكفورت "هذي بس يبيلي احسب سعر تذاكرها وازيدها على سعر تذكرة الرياض فرانكفورت ونشوف هل يسوى الفرق او لا"
ياطويل العمر ميزنيتنا مابعد حددناها ولكن طلعة شباب والموضوع قطية :d
بس اكيد مو اقل من 10000 ريال لكل واحد.
ومدة الرحله مابعد حددنا بالضبط .. ولكنها بين ال 10 وال 14 يوم
يكفي المبلغ؟ وهل الوقت كافي عشان نستانس!

المسافه مابين فيينا و فرانكفورت تقريبا 740 كيلو
هل فيه مدينه المانيه بالنص بينهم اقدر اني اكسر فيها الرحله .. يعني اطلع من فيينا الين هالمدينه اقعد فيها يوم وبعدين اطلع على فرانكفورت؟

شوفي اخوي اذا انت تفكر بطيران داخلي .. وتبي فينا ضروري .. احجز من فرانكفورت الى فينا طيران داخلي بعد ما تريحون ليله او بنفس اليوم اذا وجد رحلات بعد وصولكم فرانكفورت .. طبعا تحجزون طريق واحد ذهاب فقط
وبعدها تبدأ من تحت الى فوق .. يعني فينا ثم سالزبورخ ثم الى زيلامسي ثم الى ميونخ والنهايه بفرانكفورت
او ما ذكرته لكم بالاول بدون فينا ..افضل خصوصا ان الميزانيه والفتره قصيره والمسافات بعيده

الله يعطيك العافيه اخ علي
راح احط اكثر من خط سير للرحله واحسب تكلفة كل واحد وعلى ضوئها راح نقرر.
جد جد شكرا على مساعدتك لي وعلى مساعدتك لكل الاعضاء .. كل المواضيع قاعدين نستفيد منها

على راحتك احسبه ..
وخبرني .. وانا تحت امرك ..

1. قررت يكون خط سيرنا كالتالي:

الله يعطيك العافيه
طيب لقيت حجز عالمصريه ب ريال تقريبا الى ميونخ مرورا بالقاهره.

قررت يكون خط سيرنا كالتالي:

• ميونخ ليلتين
• فيينا ليالي
• سالزبيرغ ليالي
• انسبروك ليلتين
• زيل ام سي ليالي
• ميونخ ليله وحده

ولكن بعد التقارير اللي قريتها .. قاعد اعيد التفكير بانسبروك .. لانها ماتختلف كثير عن سالزبيرغ و زيل ام سي! فكرت اني احذفها وازود ليالي ميونخ .. او اني ازود ليله في زيل ام سي و ليله في ميونخ ... وش رايك خبيرنا؟
شي ثاني، ان شاء الله راح نستاجر سياره من ميونخ وقت طلعتنا منها ونسلمها اذا رجعنا لميونخ،، هل تنصح بالسياره؟ وهل تكلفتها مثل التنقل بوسائل المواصلات او اكثر او اقل؟ السؤال الاهم .. في المناطق السياحيه اللي راح نزورها سواء كانت في زيل ام سي او سالزبيرغ او فيينا .. هل كل الاماكن اللي راح نزورها داخل هالمدن فيها مواقف سيارات ولا راح اتوهق واضطر اني اطلع من السكن بالباص؟
اذا عرفت انها رحلة شباب .. هل تتوقع انها راح تكون رحله جميله ومغامره تستحق العناء .. صحيح الطبيعه شي خرافي لكن بنفس الوقت تهمني النشاطات في الاماكن اللي بنزورها .. هل راح نلقاها بكثره؟ سواء نشاطات بحريه، هوائيه، بريه .. ايا كان نوعها
اخر سؤال.. كم تتوقع بيكون حد الصرفيه اليوميه اذا استثنينا السكن والسياره والتسوق .. يعني مصاريف التمشيه و زيارة المعالم السياحيه.
تراني قاعد اسال هالاسئله لاني انا اللي مقنع الشباب بالرحله هذي وخايف يملون في بعض المناطق وتطيح براسي! لو هي علي ماعندي مشاكل اقعد هناك سنه بس عشان اتجهز لردة فعلهم :d

حياك الله السعر جيد وممتاز .. لكن في شيئ مهم جدا لازم تعرفه الافضل حجز العوده من مطار فينا افضل بكثير من ناحية الجهد والوقت .. لانها بعيده ايضا او تلغونه تماما ..
الافضل الذهاب الى ميونخ والعوده من فينا او العكس ..
نلغي انسبروك مو مشكله وضيفوه بزيلامسي .. السياره مناسبه لكم اذا تعرفون للقارمن .. ويوجد بكل مكان مواقف واغلبها بفلوس .. داخل المدن ما انصحك بسياره اكتفي بالمواصلات الاخرى ..
النشاطات كثيره بزيلامسي وسالزبورخ وممتعه لكم لهذا ركزوا على زيلامسي اكثر ..
النشاطات مثل جبال كابرون الثلج الزحلاقيه الصيفيه بسالفدين .. بحيرة زيلامسي .. قمة شمتين هويه تستطيعون تركبون براشوت .. من سالزبورخ ممكن زيارة قرى ريفيه جميله ...بفينا ممكن اتزورون ملاهي بارتر حلوه .. وهكذا
الميزانيه اذا كانت 15 الف كل واحد شامله كل شيئ كافيه ان شاء الله ... لانه المتوقع الصرف من 800 الى الف ريال باليوم لو حسبنا مواقف السياره وبعض الامكان السياحيه وومكن تقل الى 700 .. على حسب اليوم ..
وشوفوا التقارير اكثر
ولك تحياتي