فضلا وليس امراً جاوبوني على استفساري للضرورة القصوى جزاكم الله خير

السلام عليكم ورحمة الله وبركاته::
بخصوص السيرك ..توجد ايام فيه عرض ..وايام فيه عرضين...وايام فيه ثلاثة عروض.
المواعيد الموجودة يعرض في الساعة 10:00 او 15:00 او 18:00 او الساعة 20:00
مثلا
على حسب العرض القائم في شهر اوغسطس في مدينة بيرن...يوم 22 -08..عرضين الساعة 15 والساعة 20.
بناءا على هذا الموقع
هنا http://www.ticketcorner.ch/circus-knie-2012-Tickets.html?affiliate=TCS&doc=erdetaila&fun=erdetail&action=tickets&erid=724350&index_ytix=20&jumpIn=yTix&scrollToAnchor=ticketTable
لكن جدول تذاكر شهر جنيف لسه ما نزل...يعني عشان تشتريها اونلاين.
هذه اوقات العرض
Saturday and Wednesday at 15.00 and 20.15 clock Sunday 26.8. and 2.9. at 14.30 and 18.00 clock clock Jeûne genevois (6.9.) (sold 20.15) at 14.30Sunday 9 September at 10.30, 14.30 and 18.00 clock
يوم السبت (اللي راح تكون فيه انت في جنيف) راح يكون فيه عرضين :
الساعة 15:00 والساعة 20:15
يوم الاحد (اللي راح تكون انت فيه في جنيف) راح يكون فيه ثلاثة عروض:
الساعة 10:30 والساعة 14:30 والساعة 18:00
راح يكون بالقرب من البحيرة في مكان اسمه
http://www.knie.ch/circus/tournee-2012/tourneeplan/
6-20082,6.139984
كيفية شراء التذاكر:
عن طريق الموقع المذكور اعلاه...يعني اونلاين
عن طريق مكاتب البريد في سويسرا ..وفي سوق المانور وسوق الباليكسرت...ومحطة القطار.
او يمكنك الاتصال عليهم وشراء التذاكر بالهاتف وارسالها لك بالبريد.
وهذا رابط لموضوع فيه رد للعمدة ..تستفيد منه:
https://artravelers.com/p/re/557722
وبالتوفيق.

ماشاء الله كل هذي المعلومات بين يدي ولله مستحي منك ياللورد
رد كافي ووافي وشافي الله يقدرني وأرد لك الجميل
واذا تبي شي عن قطر حاضرين نعين ونعاون
الله يجزاك جنة الفردوس انت ومن تٌحب
حجز مقاعد في السيرك عن طريق النت ماظنيت انها بتظبط معي احسها عمليه معقده ويمكن الموقع بالالماني يزيدها صعوبه
ياترى لو رحت سويسرا وحجزت من اهناك في يوم الجمعه القى حجز يعني قبل موعد السرك بيوم واحد
لاني الاولى حاب اروح عرض السبت الساعه 8 وربع في الليللكن اذا ماحصلت بروح يوم الاحد عرض الساعه 6 وربع
وأنا راح اسكن في فندق الكمبنسكي على البحيره
ياترى اي اقرب موقع من الفندق واقدر اشتري منه التذاكر للسيرك
هل البلاكسيرت او محطة القطار او المانور
لاني راح اشتريها الجمعة اول ماأوصل لجنيف واتمنى اذا كان مكان بيع التذاكر قريب من الفندق
انك تبين لي اياه بخريطة قوقل يعني من الفندق الى مكان بيع التذاكر
ودُمت سنداً للأعضاء

الفيدرالي-007
اطلبها من الكونسيرج اللي في الفندق بيوفرها لك
لانه هو راح يشتريها لك اونلاين

اخوي انصحك تشتري التذاكر من موقعهم
لانك عند الوصول لمكان السيرك ما راح تجد ولا تذكرة
( هذه عن تجربتي في اكتوبر الماضي )
كان السيرك في مدينة لوزيرن ومكان اقامتي في انترلاكن
بصراحة مشوار طويل
ولكن تم التعويض بصالة تزلج ثم المرور على بحيرة لوزيرن لمشاهدة الجسر الخشبي
=====================
السيرك

===========
صالة التزلج ، وواضح السيرك من خلفها

مشكور اخوي بوعزيز ونورت الموضوع
بس ماأفدتني يابوعزيز اذا بغيت احجزها قبل السفره على اساس اضمن المقاعد الاولى في السيرك
كيف تكون طريقة الحجز لاني اخاف اوصل الفندق واسال الكونسيرج يقولي التذاكر خلصت
ف أبيك تشور علي ياخوي بأي طريقه اضمن فيها الحجز
واذا مافيه طريقه الا بالحجز المبكر عن طريق موقعهم بشتري التذاكر وامري لله
لكن اخوكم مبتدأ في هالسوالف فممكن تتحملوني شوي وترشدوني بكيفية طريق الحجز عن طريق موقعهم وشكراً

نورت اخوي ocanus
حاولت افهم شي من موقعهم ودخلت على التكت لكن طلعلي الاسعار
وفيه التوزيع حق الكراسي وماعرفت احجز
بس انت ذكرت انك رحت في نفس اليوم وعند خيمة السرك وماحصلت حجز يعني في وقتها كنت تبي تحجز
مادري لو اروح للفندق واحجز قبلها بيومين تتوقع احصل تذكره
لك جزيل الشكر

الفيدرالي-007
الدائرة الاولى تنفذ تذاكرها من بدري لذا الحجز عن طريق النت امر اساسي
ممكن تستعين بصديق للحجز منه
او
ممكن تترجم الموقع بواسطة قوقل لترجمة المواقع

بحاول بقد ماأقدر أفك الطلاسم الألمانيه وبحجز عن طريق النت والخيار الثاني اني اتصل للشركه الي حجزت منها السواق واقولهم اذا يقدرون يحجزون لي وبعدها احاسبهم
بس ماعرف متى يبدا طرح التذاكر لانه الاخ ميدو قال لحد الحين مافتح شباك التذاكر بالنسبه لجنيف
ف ممكن يا بوعزيز تشوف متى يبدا بيع التذاكر وعلى اساسها بدخل واحجز
ومشكور على وقفتك معاي
تحياتي