السلام عليكم ورحمة الله وبركاته:"
هلا والله اخوي وليد .
شوف اخوي..بالنسبة للخيار الاول:
اللي راح تدفعه ..ايجار يومين + مواقف عند الفندق+ مواقف عند البحيرة + بنزين للمواصلات .
بالنسبة للخيار الثاني:
اللي راح تدفعه ..تاكسي المطار الى الفندق + المواصلات داخل المدينة + المواصلات من الى جاردا + مواصلات من والى لوقانو .
اذا كان الفندق يوفر وسيلة مواصلات من والى المطار ..ويعطيك بطاقة تنقل داخل ميلان بالوسائل العامة ..ممكن تختار الخيار الثاني ..مع اني ارشح انك تستشير الخبراء في ايطاليا عن هذه الناحية .
ومن وجهة نظري الشخصية ..افضل الخيار الاول وجود السيارة من بداية الرحلة .
=====
الفئة الثالثة او الكلاس سي ما شاء الله مريحة ..مو زي السيارات الصغيرة ..واختيار موفق ان شاء الله .
وصرفية البنزين ..كمعدل من 7 الى 10 كيلومترات لكل لتر بنزين..باعتبار ان السيارة متوسطة..
و بيني وبينك حط لها ميزانية مئة ريال (او عشرين يورو) كمعدل يومي خلال السفرية.
اللتر البنزين الواحد ألين الصيفية كان ب 1.6 يورو .
بالنسبة للتأمين ..الامان بيد الله سبحانه ..واختار اقل تأمين .
والله الحافظ .
=======
ممكن تغير نقطة التسليم في مطار جنيف ..لو اخذتها من ميلان وسلمتها في مطار جنيف القسم السويسري...او مطار جنيف في القسم الفرنسي
هل راح يفرق السعر معاك ولا لأ.
وبالتوفيق أخوي.

هلا و غلا اخوي ميدو ..
يعطيك الف عافيه يا رب ..
سيتم استئجار السيارة من ميلان و عساها خيره يا رب ..
طيب تنصحني احجز نافقيشن مع السيارة مع وجود نافقيشن خاص فيني ؟

الله يعافيك والشر ما يجيك .
.
بالنسبة للقارمن ..تمام ..ولو معاك ايفون يكفي بالغرض.
واذا كنت تبي نظام الملاحة مثبت بالسيارة ممكن تطلبه ..لكن بتزيد تقريبا اكثر من 500 ريال فوق قيمة الايجار.
وبالتوفيق

على طاري الايفون
https://artravelers.com/p/re/720665
يفيدك