ما حد!!!
يا قدعان وين الفزعه

ما عندي خلفية
انا مثلك رحلتي السبت اول سفره طبعا
وحبيت بس ارفعلك الموضوع

اهلين بالنسبه للفلوس حنا استخدمنا كاش والحمد الله واكيد الفيزا ضروري احتجت لها اذا ما كان عندي صرف لان احط فلوسي بصندوق الامانات بالفندق وبالنسبه للجوازات حنا حطيناهم بصندوق الامانات بالفندق اهم شي اول ماتوصل هم مع الفلوس خذلك صندوق وحط كل اوراقك المهمه وطبعا انا حطيت عندي للاحتياط صور للجوازات والتذاكر
وبالنسبه لبينانج اجرنا باص ورحنا فيه والطريق كان مره يجنن راح تستمتع بالطبيعه وماراح تحس بالوقت حنا باروحه رحنا بباص كبير مثل النقل الجماعي وخذنا 5ساعات لان كان يوقف وبالرجعه اجرنا باص مريح ومكيف جديد من بينانج من محل باصات مقابل الهوليدي ان جنبه ميني ماركات وخذنا الطريق من الهوليدي ان بينانج الى رويال شولان في كوالا 4 ساعات

باقي بعض الأسئلة محد جاوب عليهن يا شباب
وأنا من الناس الي أبستفيد من هالأجوبه
س/هل يحتاج أبلغ السفارة بوصولي؟
س/وش الأشياء المهمة الي يتحسف الواحد إذا ما جابها سواء متعلقة بالشخص أو بالرحلة عموما؟

حنا بصراحه كنا مجموعه وما سجلنا جوازاتنا بالسفاره الحمد الله ومثل ماقلت لك بالاول عن الاحتياطات صور التذاكر والجوازات والفلوس واذا انت مسافر لحالك انصحك اتسجل بالسفاره

mjeed101
ما يحتاج تبلغ السفارة بوجودك بشرط تحافظ على جوازك زين وأول ماتوصل الفندق تحطه في صندوق الأمانات
وصوره صور او صورتين لو ضاع لاقدر الله يكون معاك صورة له
بالنسبة للأشياء المهم اللي يغفل عنها البعض بحاول اكتب لك اللي يحضرني الآن ولعل من يأتي بعدي يضيف
خذ عندك ياغالي :
1. عباية إضافية للمدام مهم لو لاقدر الله انشقت العباية أو حصل لها مشكلة يكون معكم احتياط لأنه ماراح تلاقوا عبي هناك
2. خذ معك ملابس سباحة حتى تستفيد من المسابح اللي في الفنادق هناك
3. جزمة رياضية مناسبة للمشي لأن هناك مشي مسافات طويلة
4. فيش تحويل من ثنائي إلى ثلاثي (بعض الفنادق توفرها لك)
5. خيط وإبرة وهذي مهمة جدا ولاحظت في كثير من الفنادق مايوفروها بعكس دول أخرى
6. شريطة بلون مميز علشان تعلم بها شنطة العفش تساعدك في التعرف على شتطتك من بعيد
من وسط الشناط وتمنع أي أحد من أن يأخذ شنطتك بالغلط
7. بطارية إضافية للكاميرا وذاكرة إضافية إلا إذا كنت تنزل الصور والفيديو يوم بيوم من الكاميرا للاب توب
8. نظارة احتياط لك إذا كنت تلبس نظارة لو حصل للنظارة أي شيء يكون معك احتياط
لأنه صعب تروح تكشف وتعمل نظارة جديدة هناك
9. كمية كافية من الأدوية لو كنت تستخدم أدوية معينة حتى لا تتعب في البحث عنها هناك
0- وقبل هذا كله مصحف صغير تقرأ فيه لأن الفنادق هناك مافيها مصاحف للأسف

(( وكفى الله المؤمنين شر القتال ))
كنت بأفيدك حصلت المغادرون 2007 كفى في الشرح ووفى . . بارك الله فيه وفيكم جميعا

يعطيكم العافيه يا شباب ....شاكرلكم اهتمامكم بالموضوع