بخصوص الاستئجار ما يسئلونك عن الليسن يبون بس الجواز او صوره منه
لكن القياده يستحسن تطلع ليسن دولى لانه هناك يخالفونك
انا اخر مره سافرت فيها خالفونى لانه ماعندى ليسن دولى كان معاى الليسن الكويتى وقالى ماينفع لازم دولى
مخالفتهم 300 بات وتروح تدفعها بالمركز وترجع له بس انت استعبط عليه عطه 200 بات كأنك ماتدرى وامش عنه احسن لك من الروحه والرده

1. الحين الامور تغيرت راح تخالف الحين مايقبل منك شي اذا كنت مخالف مثل

مرحبا اخي cbr900
تحية طيبة ومعطرة بالعود والمسك لود الدار دار زايد
بالنسبة لليسن ما يسألون عنة اصحاب تاجير الدراجات الناريه فقط اما جواز السفر وعنوان الفندق او مبلغ التأميين
بس اخوي بتايا تغيرت بالنسبة لقوانيين السير قبل اذا خالفك شرطي بالشارع تاخذة على جنب وتعطيه 500 بات وقالك روح

الحين الامور تغيرت راح تخالف الحين مايقبل منك شي اذا كنت مخالف مثل

• عدم لبس الخوذه
• او عدم لبس زميلك ال في المقعد الخلفي الخوذة
• تجاوز اشارة حمراء
• السرعة الزائده بطيش وتهور
• عرقلة حركة السير والوقوف فيمكان ممنوع الوقوف

راح يوقفك الشرطي وراح اول شي يعمله هو سحب مفتاح الدراجه الناريه ويركنك على جنب و لو تحاول معاه لين اليوم الثاني ماراح يرضي وتكون المسألة بالنسبة له مسألة مبداء (سوالف)
اوراح يقولك روح شرطة بتايا ومكان المبني ليس ببعيد على شاطئ بتايا بتركب التاكس وراح ينقلك الى مركز الشرطة واول ماراح توصل سينتظرك التاكسي لغاية انتهائك من دفع المخالفه ومن تدخل المركز راح تروح مكان دفع الغرامات
او المخالفات وبتلاقي صف قاعدين من السياح والتايلنديين المخالفيين بتنتظر دورك واول ما راح يسألونك عن اليسن الدولي واذا كان موجود راح تدفع المخالفة فقط وقيمة لمخالفات مبينه على الائحة كبيرة خلف الموضف وراح يأشر عليها وتدفع المخالفه المبينه على حسب نوع المخالفه وبنسبة لعدم لبس الخوذه او الهلمت 300 بات اي 30 درهم تقريبا
اي اقل من المبلغ ال كنت راح تدفعه للشرطي نفسة في النهاية يتم اعطائك ورقة وتاخذاها الى الشرطي وبعدها يسلمك المفتاح
للعلم اذا لا تملك اليسن راح تغرم تقريبا 1000 بات اذا ما كان اكثر .
كيف تستخرج اليسن الدولي = تروح مبني البريد المركزي بريد الامارات وفي خلال 10 دقائق راح تحصل على اليسن
المطلوب

• الجواز الاصلي مع صورة منه
• صورتين شخصيتين
• واليسن الاصلي وصورة منه
• مبلغ وقيمتة 100 درهم

انته والخير رباعه وراح تستخدمه في جميع دول العالم ان شاء الله
للعم مافي داعي يكون عندك باليسن الاصلي سائق دراجه ناريه (في تايلند فقط ليسن دولي)
والسموحه على القصور
اخوك بوخالد

يعطيك العافية اخوي روح غناتي على هذه المعلومات الرائعة والمهمة
بس بصراحة هذه المعلومات الدقيقة منوين حصلت عليها ؟؟
لا يكون عندك خبرة من كثرة المخالفات ههه

مرحبا اخوي الغالي هامور كبيان
الله يعافيك ويسر امورك
اما بالنسبة للمعلومات هذي جاءة من واقع تجربة مريت فيها في بتايا وقد دخت فيها السبع دوخات يومها !
فيقول راعي المثل ( الضارب ينسى و لكن المضروب ماينسى ) سوالف
لا يكون عندك خبرة من كثرة المخالفات ههه
بالنسبة للمخالفات اعارفها بحكم طبيعة العمل ولكن لا اعمل في مجال المرور والمخالفات.

جزاكم الله خير وبيض الله وجوهكم
ماقصرت أخوي روح غناتي كفيت ووفيت وماخليت شي وكل حاجه عرفناها من خلال سردك الجميل وان شاء الله مسافر بتاريخ 26/12 والاجازه مفتوحه واذا ودك باي حاجه من هناك انت بس امر ....
وأكرر الشكر لك وللأخوان اللي ردوا على سؤالي
جزيتم خيرا اخوكم Cbr900

جزاكم الله خير وبيض الله وجوهكم
ماقصرت أخوي روح غناتي كفيت ووفيت وماخليت شي وكل حاجه عرفناها من خلال سردك الجميل وان شاء الله مسافر بتاريخ 26/12 والاجازه مفتوحه واذا ودك باي حاجه من هناك انت بس امر ....
وأكرر الشكر لك وللأخوان اللي ردوا على سؤالي
جزيتم خيرا اخوكم Cbr900
مرحبا اخوي الغالي Cbr900
بالعكس يا اخوي تستاهل كل خير
بس دير بالك علي نفسك زين وانته اتسوق الدراجه لان شوارعهم لك عليها
وان شاء الله اتروح وترجع بالسلامه
وعلى طاري الدراجات الناريه اخوك عنده قروب يتكون من امهر الدراجين او البايكريه ونطلع رحلات للمناطق الشرقيه بالدراجات الناريه كل يوم خميس وجمعه حياك اذا بتخاوينا
تحياتي لك
اخوك بوخالد

المشكلة الاهم عندهم انه الطريق معكوسه وهذي لوحدها تدوخ
انا كنت في باتايا منذ اقل من شهر واستأجرت دباب هارلي ب 300 بات باليوم بعد المكاسرة ..... يازين الرخص بس
وطلبو صورة الجواز و توقيع العقد و موقع الفندق اللي انت فيه و ياخذو الف بات ك ضمان
واهم شي الخوذة انك تلبسها و ماتسوي زحمة بالطريق