افضل طريقة هي اخذ تاكسي او ميني باص ،،
الفنادق تقدر تحجزها مسبقا على النت او التنسيق مع احد مكاتب بانكوك الموثوقة اترتيب رحلة كاملة شاملة السكن والتوصيل والبرامج السياحية ،،

اولا مشكور ياولد البحرين وثانيا والله ولا ازكي على الله احد ان كان عندي احساس انك اول من يرد وثالثا عاد اسمحلي بكلف شوي عليك بس عاد لاتقول عطيناها وجه وبتاذينا امزح معاك. بس بغيتك ترشحلي احدى الشركات الموثوقة للحجز واذا فيه عن طريق النت بيكون افضل وبعد اللي فهمته من كلامك اني اخذ تاكسي منفصل عن الشركات السياحية للتوصيل ويكون البرنامج السياحي لحاله صح. واسمحلي وانتظر ردك ياخوي

شوف الغالي ،،
اغلب التكاسي تقدر تفاصل بالسعر اما المكاتب لهم اسعار ثابته وحتى اذا خفض ممكن يكون اعلى من التاكسي العادي ،، انا لي صديق في صيف عام 2010 راح كانشابوري لمدة يوم واحد رحلة من الصباح حتى المساء خاصة لزيارة شلالات ايروان عن طريق تاكسي عادي عنده ميني فان واخذ منه 2000 بات ،، لكن المكتب اضمن لك خاصة للعوائل من حيث الترتيب والثقة والالتزام ،،
انا مشكلتي كنشابوري ما رحت لها من قبل لكن عندي خلفية طيبة عن المنطقة وناوي ازورها في يوليو القادم لذا ما عندي فكرة اي من المكاتب ينظم رحلات لكن دام انكم عائلة وتبون تروحون مع بعض ف اكيد المكتب بيوفر لكم طلبكم بشكل خاص لذا يفضل تاخذون ميني باص حديث ومريح لان الرحلة من بانكوك الى كنشابوري ساعتين تقريبا ،،
انصحك تتعامل مع مكتب موسى البانكوكي اللي يقع في شارع السوكموفيت سوي 5 (( منطقة العرب )) راح يرتب كل شي والمكتب تعاملت معاه كم مره في رحلات وكان ثقة.

اشكرك اخوي على ردك السريع وربي يجعله في ميزان حسناتك وا شاء الله راح اروح لموسى البانكوكي واحجز من عنده