The Fuhrer
مرحبا أخواني الغالين ،، أنا مسافر بإذن العزيز الحكيم إلى مدينة برشلونة تاريخ 30 يناير
وراح ابقى فيها إلى تاريخ 10 فبراير ،، أنا صار لي (5) أيام شغال ادور لي فندق هناك
وطبعاً لي مواصفات خاصة ادورها في الفندق ولقيت كم فندق لكن مادري عنهم ،، واتمنى
من الشخص الي يعرف عنها اي معلومة ينورني وهذي الفنادق هي :
Hotel Murmuri Barcelona
Majestic Hotel
Eurostars Bcn Design
Hotel Palace GL
ABaC Restaurant Hotel Barcelona GL Monumento
أو إذا حد عنده فندق غير هالفنادق المذكورة ،، مايهمني السعر بقدر مايهمني الموقع يكون في
وسط المدينة قريب من شوارع المشاه والساحات واطلالته تكون رائعة وله شرفة ،، وياحبذا
يكون قريب من ملعب الكامب نو أو شارع شوارع المشاه ،، بس اتمنى يكون فندق فخم وله شرفة
اطلالته رائعه اقدر اقعد فيها !!
واستفسار اخر ،، أنا رايح مدريد (3) أيام بعد ماخلص من برشلونة ،، هل يوجد قطار ممتاز اقدر
اسافر عليه ،، لاني مابغي اروح على الطيارة ودي استمتع بالمناظر في الطريق وودي اركب القطار
هناك ،، وياحبذا تعطوني رابط للقطار اقدر اشوف حجوزاته وصور مقصوراته والمسافة وغيره !!
أيوه صحيح ،، استفسار نسيته خ معليش تحملوني ،، كيف اجار السيارات هناك ومكاتبها وهل في
شخص عربي اقدر استعين به في برشلونة أو مدريد وياحبذا لو عند شخص ومجربه يبعث لي اسمة
ورقمة على الخاص علشان اتفاهم معاه
ودمتم بالف عافيه يالغالين
أخوي أنا مالي خبرة كبيرة ببرشلونة لكن بعطيك فندق أنا أعتبره أفضل وأفخم فندق في برشلونة
https://www.booking.com/hotel/es/husareyjuancarlos.html?aid=1300939
وما يحتاج تتفرج على شي القطار ave فخم وسريع جدا يقطع المسافة بين برشلونة ومدريد في حدود ساعتين ونصف
أما إيجار السيارات فالمكاتب متوفرة في كل مكان وكل ما زاد عدد أيام الإيجار كل ما رخص الإيجار اليومي

^^^
يعطيك العافية يالغالي على التنوي ،، أما بخصوص مكوثي في برشلونة كل هذي المده ،، وهي لأني راح أحضر
مباراة برشلونة واتلتيكو مدريد بتاريخ 6 فبراير وكذلك راسم لي برنامج معين هناك ،، وودي بكتشاف هذي المدينة
اكثر واكثر لاني قريت عنها كثير وتقريبا متعلق بها كمدينة من كثر ماقريت عنها ،، وكذلك لاني مولع بتشجيع نادي
برشلونة خ !!
مدريد ماكانت ضمن الخطة لكن لأن عندي متسع من الوقت في الاجازة قلت ازورها وارجع من مطارها إلى الديار !!
همسة : بخصوص الفندق جزاك الله خير على الصور ،، لكن يالغالي المواصفات الي ابغيها في الفندق ان يكون فخم
وحجمة صغير من الفنادق الي على الطراز الاوروبي ومكانه يكون في وسط البلاد ولكل غرفة شرفة تطل على شوارع
المشاه والاشجار تقريبا مثل الفنادق الاربعة الي حطيت صورهم !!
وشكراً يالغالي مره اخرى ،، وفي انتظار المزيد من التوضحيات ،، وانا مستمر في قراءة تقارير الشباب واتمنى استفيد
منها !!

أخوي الغالي / zaman99s
بخصوص تجربتك بالسفر من مدريد إلى برشلونة ،، هل تراها ممتعه وتنصح بها ؟؟
والطريق هل هو ممتع أم ممل ؟؟

الطريق ممتاز والقطار أيضا ممتاز والوقت ساعتين ونصف فقط
أما الفنادق فللأسف ما عندي فكرة لكن بحثت ولاقيت فندق أعجبني وشكله فيه بلكونة على الشارع
وقريب على وسط البلد
وهذا رابط للفندق
https://www.booking.com/hotel/es/bcn-design.html?aid=1300939

^^^
بالفعل هذا الفندق عجبني ،، وحطيت عليه العين وأتوقع راح أحجز فيه ،، ومشكور يالغالي على التنوير !!
أخوك / خالد

العفو يا صاحبي
بس ليش ما تروح لمدريد أول ما توصل بحيث أنك ترجع لبرشلونة في 5 فبراير وتقضي فيها باقي أيام رحلتك
والله برشلونة في الصيف حدها 4 أيام فما بالك في الشتاء يعني بعد يومين ثلاثة بتمل منها خصوصا وأنت وحدك

فندق Majestic فخم و جميل، و يقع على شارع تجاري مهم (دي غريسيا) و هو قريب أيضاً من ساحة كاتلونيا
و الرامبلا، و قريب من محطة مترو رئيسية أيضاً، و لا أعلم بخصوص توفر الشرف في غرفه.
لكن نصيحتي أن تسكن على شارع الرامبلا أو الساحة، لأن المنطقة جميلة و حيوية، و تعج بالمشاة، كما أنك لن
تحتاج للمواصلات فيها إلا نادراً.

zaman99s
لا بالعكس يالغالي أنا معاي شخصين غيري ،، ومثل ماذكرت لك عندي هدف من هذي الفترة في برشلونة احدهم طبعا
حضور المباراة ولكن داحب البرنامج دحب وابغي استجم وانا اخوك ماودي شغلي يكون عجلة في عجلة ابغي اطيح
لي
من قهوة إلى قهوة وازور كل مكان هناك واس باجازتي صح ،، عيبي ما احب الاستكشاف الزايد ،، يعني اخوك مهب من
هواة المتاحف والاماكن الاثرية !!
أما زيارة مدريد فالهدف منها التعرف على المدينة وانا عندي اصلا غير ال4 ايام فترة اقدر امدد فيها على حسب راحتي هناك !!

سعود بن محمد
يعطيك العافية أخوي سعود وأنا بالفعل اخترت مجستيك من ضمن الفنادق الأربعة الي حاط العين عليها ،، ولكن
السؤال هل هو قريب من منطقة المشاه ؟؟ وهل عندك فندق تنصح بالسكن فيه على شارع الرامبالا او الساحة ؟؟