1. كيف حالكم إن شاء الله بخير ؟؟

بسم الله الرحمن الرحيم
السلام عليكم ورحمه الله وبركاته

كيف حالكم إن شاء الله بخير ؟؟

أنا عندي كم إستفسار ياليت اللي عنده معلومه فيها يساعدني وجزاه الله خير الجزاء وبارك فيه بالدنيا والآخره
أبغى أحجز عن طريق فلاي دبي فرحت لكم مكتب بدون ذكر أسماء دخلت المكتب الأول فقال لي شخصين من السعودية إلى دبي 2700 ريال ودخلت المكتب الثاني وقالي 2350 ريال حسيت إنه مضحوك علي شاورت واحد من الشباب قالي أدخل موقعهم تلقى التذاكر 2000 ريال مع الشنط
جزمت وقلت خلني أحجز عن طريقهم فياليت اللي عنده خلفية عن الموضوع وطريقة الحجز بالتفصيل الممل ياليت يتحفني فيها وله جزيل الشكر والدعااء .
الإستفسار الثاني
هل صحيح إن موقع بوكينق أرخص من المكاتب السياحية ؟؟
لأني المكتب اللي رحت له عشان التذاكر قالي سعر أغلى ب 80 ريال عن اللي بالموقع
بس الفرق إن موقع بوكينق غير شامل الضريبة والخدمة .
الإستفسار الثالث
كيفية طريقة حساب الضريبة والخدمة يعني لو قدر الله وحجزت عن طريق الموقع كيف أعرف حساب الفندق أنا أشوف مكتوب 10% بس ما أدري وشلون طريقة حسابه ؟؟ وهل أقدر أدفعها عن طريق الموقع ؟؟
وهل أعطيهم الضريبة والخدمة إذا جيت أطلع من الفندق أو عند القدوم إلى الفندق ؟؟
وهل أقدر أمدد زيادة على المدة اللي حددتها عن طريق الموقع ؟؟
الإسفسار الرابع
طريقة حجز فندق عن طريق موقع بوكينق بالتفصيل ؟
العذر والسموحة على كثرت الإستفسارات لأني والله عليمي (جاهل) بالأمور هذي ولا ودي يصير خطأ فادح يخرب وينكد الرحلة كاملة
تحياتي لكل من ساعدني أو ناوي يساعدني أو قرأ الموضوع ودعالي إن الله يفرج عني