عليكم السلام ورحمة الله وبركاته
أولا بالنسبة لتايلند والعوائل ، ناس تقول تايلند تصلح وناس تقول تايلند ماتصلح للعوائل .. رايي شخصيا تايلند تصلح للعوائل بشرط تجنب بعض الاماكن .
ثانيا ، تكلفة الرحلة .. مستحيل احد يعطيك تكلفة مناسبة لك .. التكلفة تعتمد على الفنادق الي بتسكنها ، عدد الرحلات الي بتروحلها ، السوق ، واكيد المصروف الشخصي مثل الاكل والشراب .
ثالثا ، بما ان حلتك انشالله اسبوعين اقترح عليك الجدول التالي :
اول يوم في بانكوك للراحة من عناء السفر .
ست ايام في بوكيت .
اربع ايام في شنغماي.
ثلاث ايام في بانكوك .
واي استفسار انا حاضر ، تحياتي

وعليكم السلام ورحمته الله وبركاته ,
(1) تصلح للعوائل وبقوة , لكن تبتعد من بعض الاماكن ,
(2) هذي صعبة شوي , يعني على حسب ميزانيتك , في ناس ميزانيتهم كبيرة او متوسطة , وفي ناس اقتصاديين , الحلو في تايلند كل المستويات موجودة من غالي ومتوسط ورخيص ( اكل + السكن + المواصلات )
(3) اماكن كثيرة تستحق الزيارة في تايلند
(4) للعوائل ( بانكوك + بوكيت + شنجماي )

اشكركم جزيل الشكر على سرعة ردكم واكيد الواحد بيتجنب الاماكن المشبوهه انا فقط ابغى امشي عيالي
يعني نبغى نستمتع فقط ايش رايكم في جزيرة فوكت انا كل ما اشوفها في اليوتيوب يصابني جنوون بشكل فضيع من
جمال طبيعه الجزيرة انا زرت جزيرة لنكاوي وغيرها في ماليزيا بس مناظر جزيرة فوكت خرافيه .
السئؤال كم الجلسه فيها ؟ وكيفيه الوصول لها من بانكوك .؟
والف شكر لكم مره اخرى .

بوكيت غير غير , احلى شيء في تايلند جزيرة بوكيت , بتستانس من القلب ,,,,
بالنسبة لجزيرة بوكيت لا تقارن ابدا بلنكاوي بصراحة ( ظلم ) , عذرا لعشاق ماليزيا
جزيرة بوكيت يكفيها من 6-7 ايام , وتقدر تقعد فيها 4 ايام لكن بتندم من جمال الجزيرة
توصل بوكيت عن طريق الطيارة , عندك عدة طيران :
(1) تاي اير
(2) اير اشيا
(3) ون تو جو
(4) نوك اير
لكن الافضل اير اسيا ( http://www.airasia.com )

مرحبا انا انصحك من كل قلبي لا تروح لالالالا تروح بتايا ما انصحك فيها لانها شبابيه اما بوكت عند منتجع دوالنق جيت او فندق قريب ن نايت بازار هم شنغماي ابحث عن فندق قريب عن نايت بازار

هلا وغلا فيك
تايلند عائلية
مناظر واماكن وتسوق ورحلات رائعة جدا للعوائل
والدولة ليست رخيصة ولكنها أرخص من ماليزيا
كل الود

تصلح للعوائل ميه بالميه
ومدة الاقامة لا تقل عن 15 يوم
وافضل المناطق بانكوك - شنغ ماي - بوكت
والميزانية تعتمد علي مستويات الفنادق الا تبيها
ومتي يكون تاريخ السفر عشان نعرف خلال اي فترة تكون الهاي سيزون او لو سيزون
اخوك عبدالله الكويتي