أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم و رحمه الله وبركاته
عندي كم استفسار
هل فيه العاب تصلح لطفله عمرها سنه و نص و هل هي كثيره و الا قليله؟
قيمه التاكسي من الشانز الى دزني ذهاب و عوده لشخصين و طفل؟ و هل التكاسي متوفره في دزني في وقت متاخر؟
شكرا
وعليكم السلام
العاب مخصوصه لهذا العمر مافي
بس في العاب تصلح لجميع الأعمار لانه مافيها جهد
مثل القطار الي يلف بيكم عالبارك كامل او لعبة it's a small world جداً ممتعه مع الموسيقى والألوان والمجسمات الموجوده
الاستوديو فيه قسم toy story فيه العاب للأطفال حدود 3 سنوات او اقل يمكن
اهم شي لا تنسون switch عشان ما يضيع الوقت عليكم في الطوابير
التاكسي في حدود 100-120 يورو
بالنسبة لي اهم شي بنتي اذا مافيه العاب تصلح حتى لو اركب معها باكنسل دزنيهل فيه موقع مذكور فيه الالعاب الي في دزني مع الشروط الخاصه بالطول و العمر؟
اتمنى الافادة
اعتقد موقع ديزني فيه هالشيء هل شيكت عليه
ثق انها ما راح تستمتع البنت الا ببعض الالعاب الخفيفه مثل الحصان اللي يدور وتركب البنت عليه وانت ماسكها نفس اللي عند ايفل
خساير علي الفاضي
اذا ديزني بس عشان بنتك فما يسوى المشوار ولفلوس
في عمرها ما راح يبقى في بالها اي ذكرى من زيارة ديزني
بالعكس ممكن تخاف من الشخصيات اذا شافتها تتمشى و في العروض
في حدائق وأماكن ترفيه تناسب عمرها اكثر
اثني على كلام الاعضاء .. ديزني ماتصلح الا للي اعمارهم فوق 5 سنوات لان فيها مسارح للاطفال وتجسيد دمى الديزني والمهرجانات الميدانيه زورها انت واهلك تستحق منكم زيارتها ... بالسلامه ان شاء الله
الالعاب بهالسن ما ادري والله بالضبط
بس التاكسي بيكون مكلف جدا الرير هو الخيار الامثل لدزني