الله يهديك الوقت جدا ضيق دائما تترك وقت لا يقل عن 3 ساعات بين الدولي و الداخلي لكن بما ان الرحلتين على التركيه اطلب اثناء وضع الحقائب بالرياض انك تستلمها بطرابزون وهذي هي الطريقه الوحيده ممكن تلحق الطائره

اخي المبارك
دام ان تذاكرك كلها على الخطوط التركية الداخلية والدولية فتقدر تشحن عفشك على طرابزون على طول من مطار الرياض
اما اذا كانت تختلف فانت راح تاخذ عفشك وتنتقل للصالة الداخلية وتشحن من هناك علما بان الوزن المسموح داخليا فقط (15) كيلو
واما البوردينق فانت راح تستلمه من الترانزيت دامك على نفس الخطوط
بالنسبة للفيزا انت ماتحتاج لها لانك ترانزيت بمعنى انك ماراح تطلع من المطار
وربي يوفقك اخوي

همس العواطف
شلون ما يحتاج فيزا اصلا الصاله الخارجيه عباره عن مبنى خارجي تروح له عن طريق جسر بين المطار الداخلي و الدولي
ف لازم الفيزا قبل لا يختم الجواز
الفيزا تطلعها من مطار اسطنبول اول ما تنزل الطياره
قبل لا تروح الصاله الداخليه
و تختم الجواز
و بعدين تطلع الى صاله الوصول
و تروح الى الصاله الداخليه اسمها "domestic"
انا رايحه تركيا شهر 2
و اول ما وصلنا كانت رحلتنا الى انطاليا
ف سوينا جذي !
و عفشنا راح دايركت الى انطاليا
مع ان الحجز الداخلي عن طريق النت
و الحجز من الكويت الى اسطنول عن طريق سفريات
بس احنا الترانزيت كان طويل حوالي ساعتين :\

عميد العرب ،، همس العواطف ،، hambka Q8
اشكركم على ردودكم وتفاعلكم
وان شاء الله انه يمديني على الرحله الداخليه
بس هل المشوار بعيد من مكان الجوازات الى الصاله الداخليه