النوري بنت ابوها
05-06-2022 - 08:16 pm
السلام عليكم
اتمنى خبراء النمسا يفيدوني في كم استفسار
ناوين نروح للنمسا في هالصيفية ان شاء الله
عددنا 8 اشخاص
1- نرغب السكن في شقه لأن فيه عائله ثانيه جايين معنا وودنا نكون بشقتين مع بعض او نسكن في فيلا وحده كلنا .. نبغى شي سعره كويس واقتصادي
2- مدة الرحلة 20 يوم من اول يوم في يوليو كيف تنصحوني اقسمها في النمسا بين كابرون وفيينا وسالزبرغ؟
3- كم تتوقعون يكون المصرف اليومي للتمشيات علما اننا راح ناخذ معنا اغراض للطبخ والفطور يعني مو كل الاكل من برا فقط بعض الوجبات من برا او بعض المقاضي الناقصة
4- تكاليف الرحله عموما من سكن وتمشيه واكل واجار سيارة فان كم تتوقعون؟ 50 الف ممكن تكون كافيه لمدة 20 يوم بدون قيمة تذاكر الطيران من الرياض للنمسا؟
5- فيه اماكن ثانيه تنصحوني اروح لها غير اللي ذكرتها؟ وهل تكفينا السياره للتنقل بين هالاماكن يعني ناخذها من فيينا ولا ناخذها في كابرون بس؟
6- كم اسعار التأمين الطبي المطلوب مع الفيزا؟
7- هل يوجد فيها مدن ملاهي كبيره تستاهل الزياره؟
8- تنصحوني اروح من كابرون لميونخ ولا ماتستاهل؟
والله يعطيكم العافيه مقدما
محتاجة ردودكم عشان اعرف نبدا بالاجراءات ولا لا