السلام
اعزائي اعضاء البوابه عندي استفسار عن المطار في بانكوك لان عندي رحله من شرق اسيا
مرور بمطار بانكوك وبيكون الانتظار من الساعه 1330 وموعد الطياره اللي بعدها 2045 لكن
بما انها على تذكره مختلفه فلازم اسوي اجراء الدخول مره ثانيه يعني الطياره الثانيه ما تكون
رحله موصله (كونكتيد)
يعني حوالي 6 ساعات في المطار بعد ما نلغي الساعه اللي قبل الطياره والسؤال هو
- كم المده(الوقت) من المطار حتى داخل المدينه
- هل المده كافيه ان الواحد يروح يرتاح فيها يعني مطاعم عربيه خصوصا اني بكون جاي من رحله ثانيه
- هل فيه مكان نخلي الشناط فيه في المطار لان احتمال الشناط ما يقبلونها لانها تذكرتين مختلفه
- هل فيه فندق في المطار ؟ وشلون مستواه؟
ولا تنصحوني انتظر في المطار ولا اتعب نفسي زياده
شاكر للجميع
هلابك اخوي وان شاء الله تكون رحلة موفقه .
اما عن الوقت لمغادرتك المطار فهذي والله صعبه شوي وخصوصا ان الوقت 6 ساعات ومدينة بانكوك تشتهر بالزحمه الشديده ، ولو انا مكانك ماترك المطار لسببين اثنين الاول - مطار بانكوك يعتبر سوق بحد ذاته ووالتجول فيه ممتع كما انه يوجد به عدد من المطاعم تتناسب وجميع الاذواق وغرف مساج ومحلات كثيره وسلع متنوعه .
والسبب الثاني - وجود فندق داخل المطار وانا جربت وسكنت فيه لمدة ساعتين تقريبا ويمكن ان اقيم مستواه بانه جيد ويؤدي الغرض المطلوب منه وخدمات القائمين عليه جيده ، ولو حصل وان رجعت لمطار بانكوك وعندي وقت للراحه فلن اتردد في السكن فيه مره اخرى .
واذا جيت للنصيحه فاخذها من اخ محب لك لاتخرج عن المطار ولاتعب حالك وتغامر بوقتك وبرحلتك .
اخوك ابواحمد1