RAM24A
03-08-2022 - 09:39 am
السلام عليكم
اخواني عندي كم نقطه ابغى استفسر عنها واهمها :
الخطوط الناقله ..
ابغى خطوط فيها نفس ميزة الخطوط السعوديه لو كنسلت السفره يبقى عندي رصيد ماينقص او اقدر استرجعه .. لآن عملي مايتيح لي اخذ اذن اجازه الا قبل شهر فقط وقت سفرتي العيد يعني موسم وانا ودي احجز بدري وابغى اخذ احتياطي لو حصل وتكنسلت السفره الله لايقوله
المدن او مخطط الرحله
مدة سفرتي 12 يوم يعني 10 ايام صافيه غير يوم السفر والرجعه اللي معي يبون طبيعه وانا سمعت ان انطاليا ساحليه فاقررت احذفها من الخطه وبعد سمعت ان بورصا مايسوى الواحد يسكن فيها كم ليله لاني قريت كم واحد مايمدحها حدها يوم واحد فقط هل هذا صحيح
السكن لعائله
العدد 4 كبار وطفل
ابغى ترشحون لي سكن امن للعائله وممتاز من ناحية السكن ودي بشقق فندقيه مابغى شقق ناس يأجرونها
واذا حصل فندق عادي ودي تحت 1000 الليله يعني 800 زين لأن طوول اليوم طالعين وقت نوم فقط فحرام واحد ياخذ شي غالي وياليت تكون مواقعها كويسه قريبه من كل شي مو اخر الدنيا
التنقلات في اسطنبول
وش رايكم استأجر سياره ولا تكاسي
والف شكر والله يجزا الف خير من يساعدني بمعلومه لو بسيطه
