السلام عليكم ورحمة الله وبركاته
أسعد الله صباحكم ..// مسائكم
ب كل خير
الحقيقه يا أخوان لي ثلاث ايام من عرفت هالموقع
وما شاء الله تبارك الله موقع راقي ومتميز بما فيه مع تمنياتي له بالرقي الدائم
حياك الله بيننا وان شاء الله تكون عضو دائم معنا
بصراحه عندي سفريه انا ومجموعة شباب
ومن خلال متابعتي ل أغلب المواضيع لم استطع التمييز من خلال الاسعار
لأني كنت احاول استقطب من خلال تقارير الاخوان عشان اعرف هل الميزانيه اللي حددناها كافيه ولا لا
عشان كذا ابغى فزعتكم يا شباب فيما يلي ,,
حنا مجموعه مكونه من 4 وحددنا قطتنا كل شخص 4 الاف يعني المجموع 16000
طبعاً غير التذاكر وغير العزبه اللي راح ناخذها معنا والصيدليه
حجزنا على الخطوط السنغافوريه وقيمة التذكره ب 2400 ريال
وموعد رحلتنا ان شاء الله ف 23 / 11 / 2010
ومدة الرحله 20 يوم طبعاً يومين حقت الذهاب والعوده
نحسبها اخوي جميع
4ب25 دولار =100 دولار قيمه فيزا لكم الاربعه
4 ب150 الف روبيه =600 الف روبيه قيمه ضريبه مغادره للبلاد لكم الاربعه جميع
0الي 40 الف روبيه تقريبا ضريبه بالي نقول 150 الف روبيه لكم الاربعه
هذي قيم ثابته رسميا ماتتغير اذا حسبناها طلعت كالاتي :
0دولار +750 الف روبيه نقول 900 الف روبيه نثريات 150 الف شنط وعفش والخ يعني تقريبا 100 دولار
اذن المجمل 200 دولار هذي خلها علي جنب هذي قيم اوراق ثبوتيه للدخول والخروج من محطات السفر في البلد
+ قيمه السفر بطيران داخلي الي بالي حسب اختياركم
قيمه التذكره لبالي عاده تكون بين 90 دولار الي 130 دولار ذهاب واياب لبالي باختلاف الخطوط الناقله واختلاف وقت الرحله وبالوقت العادي بدون سيزن
السعر يزداد احيانا بالسيزن والاسعار متفاوته اخوي الكريم
انت وقت سفرتك مباشره بعد نهايه اجازه الحج كوقت وصول تقريبا يعني السعر عاده يكون منخفض لووجدت حجز مومظغوط بويك اند مثلا وتوقيت ما عليه ظغط في السفر لان الرحلات تختلف اسعارها من الصباح والليل اخوي
فعشان نحسب بدون مشاكل اختلاف سعر نرفع السعر نقول 150 دولار للتذكره الوحده ذهاب واياب
=600 دولار للاربعه اشخاص =2250 ريال قيمتذاكر سفر داخلي لبالي
0+ 750 =3000 الاف ريال هذيحطها علي جنب

• تقدر تلقي تذاكر سفر لبالي من الان قبل سفرك بسعر تبحث عنه من خلال مكاتب السياحه وفروعها او وكلاء الطيران الداخلي هناك لهم وكلاء هنا زي الجارودي وليون واير اسيا مثلا

اذن باقي من قطتكم13الف ريال
لو قسمناها علي 20 يوم حسب كلامك برحلتك ومدتها =650 ريال لليوم
هذا اذا فهمتك صح بان الرحله 20 يوم
اما لو انت حسبتها بايام السفر ذهاب واياب والرحله مدتها كامله 18 يوم صافيه فالمبلغ بيكون =722 ريال
وعليه راح تكون اجابتي كالاتي بخصوص الميزانيه :
هذي ميزانيه تناسب اشخاص بيسافرون لاندونيسيا يقضون اكثر ايامهم في منطقه بونشاك
بسبب ان السكن في بونشاك اوفر وارخص وتقدر تجد فيلا مناسبه ب100 دولار تناسبكم وبقيه المبلغ صرفيه لكم
مع التحوط في الصرف
القيم غير ثابته ممكن تلقي فيلا ب600 الف روبيه تناسبكم وممكن لاتجد مايناسبكم ويناسب ذوقكم الا بقيمه ماتقل عن 100 دولار
هذا السكن شي اساسي في الرحله
وفيه شي اساسي اخر وهو وسيله التنقل هذيفي بونشاك غالبا تكون بين 45 /55 دولار لليوم للسياره الخاصه - وتقدرون تمشونها كم يوم للتوفير مثلا دبابات او تريحون بالفيلا ان حبيتم
رايي يا تزود المبلغ بشكل اكبر ومناسب بحساب 250 دولار لليوم صرفيه او تقلل مده سفركم بشكل مناسب مايتعبكم في التنقل لبالي او يكون الافضل تنقيص كم يوم والغاء بالي لتوفير قيمه السفر اليها
اسباب هذا الرد لان السكن مثلا بجاكرتا اذا بتوفرون اكيد بيكون بشقق والشقق لن تقل لاربعه اشخاص عن 100 دولار واكثر
والسكن ببالي لن يقل عنها لاربعه اشخاص
لاتنسي اذا بتروح بالي بعد الفعاليات تاخذ صرفيه مو سهله
من خلال متابعتي لمواضيع الشباب ضبط مسار الرحله
بأنها تكون اول يوم في جاكرتا و9 ايام ف بنشاك و8 ايام في بالي و2 في جاكرتا
هذا البرنامج اللي حطيته من راسي
//
نذهب إلى الاستفسارات

• فالبدايه هل الخطوط السنغافوريه جيده ..؟

رائعه مشكلتها فقط في الترانزيت حطه بحسابك

• هل الميزانيه المتفق عليها ال 16000 ريال مناسبه لرحلتنا مع العلم انها خصصة

لسكن والاكل والشرب والتنقل يعني شامله لكل شي ,,
تمت اجابته

• هل الجدول اللي طرحته مناسب او لا ..؟

تمت اجابته ووسيتمترتيبه اكثر معكم متي مااطلعت علي ردي السابق في الاعلي بخصوص الميزانيه

• كم اسعار السكن في جاكرتا وبونشاك وبالي ,, المطلوب الشي المتوسط ..؟

تمت اجابته

• كم سعر التذاكر من جاكرتا الى بالي وكم الوزن للعفش وشنو افضل طريقه للحجز ..؟

تمت اجابته

• هل موعد رحلتنا مناسب بخصوص ما حصل من هزات ارضيه ..؟

حتي الان لا مشكله في الاماكن المنتقاة في الرحله حسب الاخبار- عندك يوم 7 ديسمبر بيوافق اجازه راس السنه الهجريه حاول تؤكد الحجز للسكن في هليوم قبله بكم يوم هناك

• بخصوص العمله ما الافضل نحولها ل الدولار واذا وصلنا نحولها الى الروبيه

ولا نخليها بالسعودي واذا وصلنا الى جاكرتا نحولها ..؟
دولار فئه ميه دولار وهناك تحولها لروبيه
وسلامتكم
//
وأعتذر على الاطاله
وبأنتظار اطلالتكم

حسآيف
لاتستعجل وأنا أخوك بالرد مرة ثانيه تمت الاجابة من قبل مشرفنا الفاضل جاكا
بالتفصيل الممل بارك الله فيه وجزاه الله كل خير وتمنياتي لك ولزملائك برحلة
موفقة ومميزة ...

الاخ حسايف
مرحبا فيك بيننا ونتمنى لكم رحلة سعيده وموفقه
ماقصر معاك مشرفنا ابو خالد بارك الله فيه ذكر لكم
النقاط المهمه التي يجب الأخذ بها وسجل ودون جميع ماذكر لك
مع عدم التهاون بموضوع الميزانية فهي كما ذكر لكم غير كافيه لمدة 18 يوم
وأتمنى أن يكون لباندونق ولمبانق نصيب من رحلتكم

اخوي انا لم اذهب ل اندونيسيا
لكن بفيدك عن اللي اعرفه واعذرني على القصور
بالنسبة للخطوط السنقافورية جدا جدا جدا ممتازة ورائعه بكل المقاييس لكن انتبه لسالفة الترانزيت مثل ما قالك الاخ العزيز jaka لان ماتقدر تغادر المطار مع ان المطار جدا رائع وفخم واذا انتظاركم طويل فيه مر على اقرب مكتب للخطوط السنقافورية وخذلك غرفة بالمطار تريحون فيها حاول معهم الين يعطونك هذا بحالة الترانزيت طويل وان قال قليل صدقني بتستانس يالمطار..
الله معاك ودعواتك لنا بسفرك.

أخوي jaka
أولاً بيض الله وجهك ورحم الله والديك
عز الله كفيت وفيت وماقصرت يالغالي
شرحك وافي وأتضح لي كل شي يالغالي
وبخصوص الرحله على كلامهم ياخوي يقولون دايركت من الرياض الى جاكرتا
اما بخصوص فترة الرحله 22 يوم لكن الفعليه 20 يوم لأن يومين حقت ذهاب وعوده
وبخصوص الميزانيه رفعناها يالغالي ل 20000 ريال ولو خصمت 3000 ريال
حقت رسوم التذاكر بتصير 17000 ريال
هذا بخصوص ما ذكرت لي يالغالي سابقاً تم التعديل عليه
وغيرت فكرت البرنامج بحيث انقص من ايام بالي لأن معنا واحد ناشب الا يبغى بالي
فعشان كذا بيصير الجدول ,,
3يوم بونشاك _ 5 ايام بالي _ 2 جاكرتا
شنو رأيك ياخوي مضبوط كذا ..؟
واذا لا اضبط لي جدول على ذوقك يالغالي
وبخصوص العفش اذا بغينا نروح لبالي يقولون الوزن المسموح 7 كيلو
هل هذا صحيح ..؟
وكم سعر الوزن الزائد ..؟
وأيضاً كم سعر الوزن اذا رجعنا لرياض ..؟
وياليت ياخوك تعطيني اسعار الفنادق ولا الفلل في بالي تقريباً كم اهم شي النظافه وهل الفلل افضل ولا الفنادق ..؟
وشنو رأيك احجز السكن في بالي عن طريق مكاتب كاها ولا اذا وصلت لهم اروح بنفسي واحجز ..؟
أدري تعبتك وياي ياخوي لكن مالي غنا عنك أنت والأخوان
ولا خلا ولا عدم
والمعذره على الأطاله

أبن السعودية
الله يجزاك خير وبيض الله وجهك يالغالي
وماقصرت يالغالي على هالتنويه وأبشر وتم وضع كلامك فالحسبان
وان شاء الله تكون دايركت على كلامهم مو ترانزيت
والله يعطيك العافيه على هالمرور العذب

اخي حسايف لا تأخذ بكلام المكاتب عندما يقولون لايوجد ترانزيت
انا الآن دخلت على موقع الخطوط السنقافورية وعملت تشيك على رحلة بنفس موعد رحلتك من الرياض ويوجد ترانزيت ساعه بدبي مع العلم ماتقدر تخرج من الطائرة وبعدها توقف ساعه واربعين دقيقة بمطار سنقافورة الرائع وتغير الطائرة يعني هالوقت القصير تاخذلك لفة عالمطار وتقص كرت صعود الطائرة ومره ثانية ياخوك لاتاخذ بكلام المكاتب.
الله يوفقك بسفرك

الله يجزاك خير ورحم الله والديك
ما قصرت يالغالي وبيض الله وجهك
وشاكر لك على هالافاده
ولاهنت يالغالي