السلأم عليكم
انا عند مكتب سياحي كنت اسئله عن الفنادق بجاكرتا خمس نجووم ..
عطاني ثلاث فنادق واسعارها ودي اخذ رايكم ..
اول فندق اريدوتا سويت .. قالي السويت 500 ريال اليوم ..
والفندق الثاني somerset berlian .. قالي اتلسويت 550 ريال اليوم ..
والفندق الثالث somerset grandcetra .. قالي السويت 650 ريال اليوم ..
انا ما اعرف ولا فندق فيهم ابغى رايكم هل الفنادق كويسه او فيه افضل
وهل الاسعار كمان كويسه ..
لاني انا ابغى فندق خمس نجووم يكون سويت فيه غرفتين ..؟
تحياتي

هذه شقق فندقية 5 نجوم وتوجد كذلك شقق أسكوت الفندقية أرقى منها جميعاً
وبالنسبة للسعر بإمكانك مقارنته بمواقع الحجوزات على الإنترنت وحسب تاريخ رحلتك
وبذلك تعرف هل السعر مناسب أم لا وإذا كان الموقع أفضل احجز عن طريقه وتحتاج
إلى بطاقة فيزا أو أي بطاقة إئتمان ..
ملاحظة .. فندق أرودتا يختلف عن شقق أرودتا سمنقي والشقق أفضل وقريب
منها مول سمنقي بلازا وتذهب إليه على الأرجل ..

طيب اخوي انا ابغى غرفتين تكون فخمه فايف ستار يعني ما اتوقع تلاقي في
شقق فندقيه اتوقع ما تلاقي الى في فندق انا سمعت ان فندق موليا في جاكرتا هو
الافضل بس قالو لي ما فيه سويت غرفتين ما فيه الى غرفه واحد ..
مادري وش رايك انت اخوي .. ابغى رايك لو انك مكاني ..

وش السالفه يعني ما اسافر ..؟

الفنادق الافخم بجاكرتا هي ريتز كارلتون باسفيك| فور سيزن | شنقريلا | كومنسكي | قراند حياه | موليا سينايان بدون ترتيب هذه عينه منها بموقع جيد وباسعار مختلفه وفي كل فندق غالبا ستجد نظام سويت بعده اسماء حسب الفندق قد تجدها باسم سويت او بريسنت روم او خلافه
السيارات اللي تسئل عنها سبق لي البحث عن سيارات دفع رباعي كما ذكرت لم اجد بشكل قاطع وجدت سيارات نيسيان كالبي ام او مرسيدس من خلال مواقع النت كموقع رينو
http://www.rhinocarhire.com/
تقدر تبحث بنفسك فيه ضع الموقع واسم الدوله وسو سيرش مع التاريخ للبحث عن سياره وستجد خيارات عده
الاسعار مو رخيصه ابدا
ما سئلت عنه من مواقع محدده زي مااجابك استاذنا المصباح هي شقق فندقيه وتختلف الخدمه فيها وليست فنادق

الله يعطيك الف عافيه ع المعلومات ..
طيب انا صراحه اول مره اسافر جاكرتا حبيت اسئل هل الفنادق افضل لي او
الشقق الفندقيه افضل وش رايك طال عمرك ..؟
وسؤال ثاني هل احجز الفندق من هنا ولا ما يحتاج من هناك افضل ..؟
وسؤالي الثالث انا افكر اطلع بالي وش رايك تنصحني فيها ..؟

1. الحجز فيه عده طرق له

اخوي الفنادق اذا كنت وحدك بالتاكيد افضل خاصه ان كنت تسئل عن فئه الخمس نجوم
الشقق ان كان معك رفيق او اكثر فبالتاكيد ستناسبكم ستوفر عليكم مبلغ جيد اضافه لوجود مطبخ صغير غالبا فيها ن كنت من محبي الاكل المنزلي وترتاح لطبخك لاكلك بنفسك

الحجز فيه عده طرق له

ان كانت رحلتك بتوقيت سيء وزحام مثلا في سيزن او في وقت اجازه موسميه مثلا ان كانت بين 9 ال ي19 سبتمبر مثلا فهي ستوافق اجازه عيد الفطر هناك فالافضل ان ترتب حجوزات السكن من خلال النت ومواقع الحجز من النت كثيره كاقودا وبوكينق واسيا ترافيل وغيرها
وان كانت رحلتك في وقت جيد ولا يكون الطلب الفندقي فيه عالي مثلا بعد اجازه العيد وقبل موسم الحج فالارخص ان تحجزها من هناك من مكتب اسمه كاها وهو مكتب شعبي كترافيل ايجنت يقدم لك حجوزات جيده وخصومات جيده في اغلب فنادق جاكرتا العاصمه تحديدا بنسبه خصم متفاوته من فندق لا خر
بالي يا غالي هي عباره عن دوله مستقله داخل دوله كل شيء في بالي مختلف جزيره سياحيه من النخب الاول مقارنه ببقيه الخدمات في اندونيسيا فهي الافضل ففيها خدمات سياحيه جيده وحس عالي وثقافه في استقبال السياح اكثر من غيرها من الجزر والمناطق اضافه الي كونها مقصدا سياحيا عالميا بشواطيئها وفعالياتها ووديانها وجبال الارز فيها
هل انصحك بها بالتاكيد نعم ان كانت مده رحلتك تناسب التنقل بالطيران الداخلي بين منطقه واخري ومطار واخر بمعني ان لا تكون رحلتك قصيره وان كانت ميزانيتك تسمح بشراء تذاكر سفر داخليه ايضا ونسبه زياده علي الفعاليات تعادل تقريبا 25% من المصروفات اكثر في بالي عن غيرها من المناطق الاخري في اندونيسيا
ان توفر لك هذين الشرطين و لم تقم بزياره بالي فانت لم تزر اندونيسيا ببساطه

اهاا معلومات قيمه اخوي الله يعطيك العافيه
الصوره بنسبه لي واضحه ..
انا انشاءلله وصولي لمطار جاكرتا يوم 10 sep والعوده 23 sep ..
احنا اثنين بس وكلنا على عماها ومتخوفين شووي
والميزانيه تقريبا 16000 الف رياال هل تكفي ..
طيب انا مقتنع من كلامك في الشقق الفندقيه
طيب انا الحين ابغى اسوي حجز على شقه هناك وش الشقه المناسبه
ابغى رايك لو انك مكاني وش تختار انا يهمني بمقام الاول الفخامه ..
وش رايك اخلي نصف السفره جاكرتا والنصف الاخر بالي ..؟
طيب سياره هناك وش السالفه ولا التكاسي افضل ..؟
ادري اني ازعجتك بس مالك الى الاجر طال عمرك ..

المبلغ يكفي ان شاء الله في جاكرتا التكاسي افضل لانها متوفره في كل مكان
من ناحيه الفخامه تجدها في الفنادق والشقق لا باس بها من ناحيه الفلوس والامان
لك هذي الربط وان شاء الله تجد ما يفيدك
https://artravelers.com/p/re/367535