مسز تمره
انا ان شاء الله مسافره في شهر فبراير القادم ان شاء الله
عدد افراد الرحله 2 انا وزوجي
وجدولنا كالتالي

• بالي 4 ايام (ابي فلل حلوه وسعرها معقول)
• الجبل 4 ايام (فندق سيروني وش رايكم فيه)
• باندونق 3 ايام( رشحو لي فندق )
• جاكرتا يومين(رشحوا لي فندق)

الطيران القطري سبب الاختيار علشان دايركت لبالي
رايكم بالجدول
وكم الميزانيه المقترحه
وعليكم السلام
تروحون وتردون بالسلامه ان شاء الله
بالنسبة لبالي الفلل كثيره وهذا الرابط لخبير بالي نجم الكويت بيفيدك كثير
https://artravelers.com/p/re/293712
اما بنتشاك اختيارك سليم في سيروني
باندوق لست خبير فيها لكن فيه منتجع في شياتر يمدحونه الاعضاء ويفيدونك فيه
جاكرتا فندق منهاتن سكن فيه كثير من الاعضاء ويمدحونه
الميزانيه كل شخص يقدر يتحكم في ميزانيته لكن قد تكون من 10 إلى 12 وانتم ماقصرتوا على انفسكم بشي

بالنسبة لباندونق إذا كنتم من محبي الاسترخاء والهدوء عندك خيارين ..
Marbella Suites Bandung
Hotel Panorama Lembang
ويمكنك معرفة التفاصيل والصور من خلال تقريري الموجود في التوقيع ..
وإذا من محبي المدن والقرب من المولات والأسواق فهذا الاختيار مناسب ..
https://artravelers.com/p/re/327317
جاكرتا فنادقها كثيرة وحسب الميزانية فإذا كانت الميزانية لا تهمك فعندك
فندق قراند حياة فخم وقريب من المجمعات والمطاعم لأنه يوجد في داخل
اندونيسيا بلازا وهو مجمع ضخم وراقي جدا وكل شيء فيه وهو داخله ..
عندك فندق كمنسكي ملاصق لمجمع جراند اندونيسيا الفخم وتذهب إليه
عبر الفندق ..

اختياركم للطيران القطري بسبب رحلته المباشره نزولا فقط في بالي لكن اختي الكريمه راح تظطرين للسفر داخليا وصولا الي جاكرتا او باندونق كمدينتين فيهما مطار يصل بينهما وبين بالي !!
وعليه وفقا لمده سفركم لي نصح اما تكتفون ببالي كجزيره توفر الشواطيء والمناطق الريفيه الجبليه وتذهبون لجاكرتا طيران ومعها كم يوم بونشاك القريبه منها
او يكون طيرانكم الي باندونق وتكتفون بباندونق ولمبانق حولها من دون الذهاب الي بونشاك وجاكرتا
اذا كنتي مصره علي كل المناطق فاولا رتبي نفسك بان التنقل بيكون متعب ولو قدرتي يكون خط العوده جاكرتا الدوحه افضل بدون الاظطرار للعوده لبالي قبل الرحله الدوليه ال يالدوحه
مجرد ملاحظه ضعيها في الاعتبار ورحله موفقه يارب

jaka
أختي الفاضلة :-
أتفق مع كلام أخي جاكا بخصوص العودة خليها من مطار جاكرتا الدولي مباشرة للدوحة
أفضل وأريح لكم من العودة مرة أخرى لجزيرة بالي ... أو فيه طريقة أخرى خلي ذهابكم
من الدوحة مباشرة الى مطار جاكرتا الدولي وهناك ترتاحين يومين من عناء السفر وبعدين
تقطعين تذكرتين على خطوط آير اسيا الداخلية وتتوجهين لجزيرة بالي ... وبخصوص السكن
بجاكرتا أنصحك بفندق كروان بلازا أو فندق قران ميليا ...

jaka
مشكور عالرد اخوي
بالنسبه للطيران القطري احنا اخترناه علشان مباشره لبالي والعوده ان شاء الله من جاكرتا للدوحه اكييد يعني مستحيل نرجع لباي ثم للدوحه
وبالنسبه للطيران الداخلي راح يكون على جاكرتا ومن ثم على طول عالبونشااك ومن ثم باندونق وبالاخير جاكرتا ومن ثم العوده للدوحه

ممتاز اذن هناك غيري الخطه
خلي السفر من بالي لباندونق ومن باندونق بونشاك سياره ثم جاكرتا
كذااسهل مشاوير وتفتكون من مشوره الروحه من جاكرتا لباندونق ومن ثمالعوده لها
والترتيب للرحله ومسارها يكون بمعرفه الايام للسفر
يعني رتبي ايامك بحيث ايام السبت والاحد قدر الامكان ما تكون بايام تمشيه فعاليات بجاكرتا او بالسكن في باندونق او تكون يوم تنقل من مدينه لاخري خاصه سياره مثلا
ولوحددتي تاريخ السفر بيكون افضل عشان نساعدك مع الاخوان بترتيبها بشكل مناسب باذن الله

كما قال الاخ جاكا

السلام عليكم ورحمة الله وبركاته
خبراء بالي الكرام ؛؛
حبيت اسال عن هالفنادق رايكم فيهاا من كل النواحي الامان _ النظافه _ السعر _ الموقع
saphlrmabisainnBali___
Bali sorgawiHotel____
Febr"shotel&spa____ان شآءالله تكون كتابتي صحيحه
ومشكورين مقدمآآ

jaka
يعطيك العآآآآفيه
ان شاء الله بخلي الرحله من بالي على باندونق مثل ماتفضلت اخوي
وعندي سؤال كم المسافه من باندونق لبونشاك كم ساعه بالسياره ؟؟
وكمان باندونق اي منطقه افضل للسكن وضاحيه لمبانق وينها عن باندونق يعني قريبه من بعض؟؟
والف شكر لك مقدماا