السلام عليكم ورحمة الله وبركاته
نحن 4 شباب طالعين الى اندونيسيا في شهر مارس .. يعني بعد 5 أشهر تقريبا
ممكن الاستفسارات بدري عليها بس أول شي عشان نجمع المبلغ الكافي بحكم اننا طلاب
ثاني شي عشان ناوين نحجز الاسبوعين هذي تذاكر السفر باذن الله
أول شي انا الان شيكت على موقع الخطوط السعودية ( فرسان ) ولقيت التذاكر ب2811 مع ترانزيت ساعتين
كلّنا مانفضل الترانزيت .. هل ممكن في الاسبوعين الجاية احصل رحلات بدون ترانزيت ؟ وهل السعر مناسب ؟ وهل الاحتمال الاكبر ان السعر يرتفع ؟ يعني اشرايكم نتوكل ونحجز ولا لا ؟
الذهاب يوم 19/3/2015
والعودة يوم 1/4/2015 باذن الله
الخطّة كالآتي :
الوصول راح يكون يوم جمعة لذلك راح نحرّك على الجبل على طول ..
راح تكون أيام الجبل (صافية)
21,22,23,24
ويوم 25 الذهاب الى جاكرتا ومن هناك الى بالي
ايام بالي ( صافيه )
26,27,28,29
ويوم 30 الى جاكرتا ويوم 31 التسوّق و يوم 1 العودة الى ارض الوطن
أول شي اشرايكم بالجدول ؟؟ ولو عندكم اقتراحات ماتقصرون والله ..
ثانياً وهو الاهم .. القطّة لأربع أشخاص
بونشاك :
السكن :1200 ، الخدامة :200 ، السائق:680 = 2080/4 = 520
بالي :
تذاكر طيران + سكن (شامل الافطار) + سائق = 5000/4 = 1250
جاكرتا :
سكن + مواصلات + أكل = 2000/4 = 500
العزبة : 400/4 = 100 و مستلزمات المطار والفيزا = 1000/4 = 250
اجمالي القطة = 10,480/4 = 2620 ريال للشخص بدون المستلزمات الشخصيّة وتذاكر الدخول لأي نشاط ..
هل المبلغ كافي وهل حساباتي صحيحة ؟ ترا ماعمري رحت بس حسبتها بناءاً على اطلاعي على تقاريركم ( يعطيكم العافية )
بالنسبة للنشاطات الغير مذكورة في القطّة والاكل من مطاعم في بعض أيام بالي وبونشاك والمستلزمات الشخصيّة هناك .. كم الواحد يحسبلها تقريبا عالشخص الواحد للمدة المذكورة ؟
يعطيكم الف عافية مقدماً .. واللي عنده أي نصيحة لا يبخل علينا ، شكرا لكم ..