السلام عليكم يا أهل المنتدى
هذي أول مشاركة لي في المنتدى بس كنت متابعه المنتدى من سنتين أو سنه تقريبا
والمنتدى صار من المنتديات المفضله عندي
ويا الوقت اللي محتاجه فيه مساعدتكم يا أهل المنتدى
بليز لا تطنشوني ====>كله يطنشونها بالمنتديات
بقولكم شنو أبي :
انا بسافر دبي تاريخ 27 / 5 انشالله وبقعد اسبوع إحنا يمكن 3 أشخاص ويمكن نصير 4
طبعا أنا اخترت التاريخ لأن انا ما أحب الزحمة يعني حزتها راح يكون امتحانات
فاينل والناس ما تسافر وايد (( إذا أنا غلطانه صححولي ))
انا من قبل رحت دبي بس ليله وحده ما مداني افتر فيها عدل ما شفت منها شي
عندي عدة أسأله انشالله ألاقي الإجابه عندكم
(( ابي إجابات بالتفصيل الممل ))
1- شلون الجو بهالفتره اللي اعرفه (( حر ورطوبه وايد ولا لأ ))؟ :36_1_47:
2- شنو الفنادق الحلوة العائليه ما أحب اللي فيها خرابيط :36_1_40:
نبي شقه وتكون غرفتين والفندق يا 4 ستار أو 5 ستار ؟حق 4 ليالي
لأني حاطه في بالي 4 ليالي بفندق بدبي و ليلتين في اتلانتس ؟
والفنادق اللي شفتها وعجبتني المروج روتانا و (( دست )) مادري يمكن كاتب اسمه غلط
شيلسي بعد حلو أو مو شرط شقه عادي منتجع حلو ناخذ غرفتين إذا كنا 4 اشخاص أكيد
وفي تقرير حق العضو التاج 988 حلو الفندق اللي قاعد فيه بس مادري جم ستار وجم سعره
ولا أعرف اسمه وحاولت اطلعه بالنت ما عرفت ؟ يعني بالمختصر ابي مكان حلو
ويكون وسط دبي يمي كل شي لأني ما أدل فيها ولا شي ؟
3- انا ناويه أقعد ليلتين في اتلانتيس شرايكم وايد عليه ليله ولا عادي ليلتين
يعني اقعد يكفيني ليله اشوف جميع مرافقه واستانس فيه للعلم اني لما
باخذ لليلتين بقظيهم بالفندق احوس فيه ؟ماراح اطلع وشنو مرافقه غير (( القريه المائية - الدلافين - الاكواريوم )) وهذول free حق النزلاء ولا بعد أحجز لهم ؟ وأهم شي انا مدمنة
جيت سكي فيه ولا لأ ؟ والقريه المائية زحمة كلها اجانب ولا خفيف ؟ وشلون مطاعمهم حلوة ولا
لأ ؟
4- انا بقعد اسبوع تتوقعون مصروفي الشخصي غير التذاكر والإقامه جم يكفيني ؟
5-والقروب اللي رايح كلهم ما يدلون شرايكم ناخذ تكاسي ولا أأجر سياره مع سايق ؟
6- ممكن تنصدمون من سؤالي بس معليش جاوبوني - تعرفون الشيف رامسي مو رمزي اللبناني البطه اللي يحطون ب mbc
البرنامج ماله هيلز كيتشن عرفتوه اللي كله يهزأ الطباخيين خ
عنده مطعم بدبي اظن اسمه verre بس مادري وين منو جربه وشلون أسعاره معقوله ولا خيال
مع مطعم اللي في برج العب اللي يدور فوق منو جربه شلون أكله واسعاره واذا دار فيك ماتلوع جبدك ؟
7- وشرايكم أحجز سفريات ولا بالنت ؟ انا شفت موقع booking.com وايد اسعاره زينه لدرجة اني قلت يمكن نصابين منو جرب هالموقع للحجوزات ما يقصون علي مضمون في أحد مجربه
ما ياخذون فلوسي ويقصون علي وشلون طريقة الحجز واذا كنسلت الانسان مو ظامن الظروف ممكن اكنسل يردولي فلوسي ولا لأ :m12:
وبس
الله يخليكم لا تطنشون عشان ما أزعل منكم
ومشكورين مقدما وابي ردود أكثر من المشاهدات
مع السلامه