رتال
19-06-2022 - 04:31 am
السلام عليكم يااخوان انا ان شاء الله مسافر الي تايلند الحبيبه وارجو المساعده ومدة سفرتي كالآتي:
1- بداية السفره من تاريخ 15/7 راح الطير بالليل واصول الصبح بتوقيت بانكوك وراح اروح دايرك بعد ساعه من الوصول الي بوكيت وراح اقعد فيها 7 ليالي ابي جدول مناسب حق بوكيت حق شخصين وطفل عمره 3 سنوات والأماكن الي اعرفها ( جزبرة بي بي ايلند +جزيرة جمس بوند + فنتاسي ورد ) وفي استفسار حق بوكيت في جزيره تكون حقك بروحك +في تأجير هلو كبتر حق الجزر وهذي الأستفسارات حق بوكيت بس
2- وبعد 7 ليالي تاريخ 23/7 راح اطير واقعد في بانكوك 3 ليالي و انا عندي فكره عن اسم فندق نوفتيل سيام سكوير شلونه زين ويم السوق وابي الأماكن التسوق في بانكوك وسلامتكم
الرحلات الي ذكرتها في بوكيت هي الاشهر
فانتسي ورود فيها عرروض تبدا في الساعه 9ونص في اليل في مسرح كبير وجميل
انصحك تروح على الساعه 7 بليل لانه مافي شي داخل يستحق القعده اكثر من ساعتين
الهيلوكبتر سلت مرة عنها اعتقد قالو انه سعرها 200 دولار او ماشابه ماني متاكد من السعر
انا بخصوص الجزر الي تكو حقك ماتوقع فيها
بس فيه رحلة بيبي ايلاند تقدر تحجز فيها فندق وتنام فيها يوم وهي جزيرة هادئ جدا وتقدر تأخذ فيها بعض الخصوصية
فندقك في بانكوك هو من فئة 4 نجوم وفي مكان راقي في منطقة اسواق تشوفها كلها على يمينك ويسارك
انا سكنت فيه فندق ممتاز
بس الي ماعجبني فيه غرفة ماهي شرحه يضيق خلقك اذا طوولت فيها