هلا والله اخوي
ان شاء الله افيدك على قدر استطاعتي
ماهو افضل طيران من الكويت للمالديف؟ تكاليف تذاكر سفر لشخصيين وابي اعرف مدة الرحله كم ساعه؟
انا ارشح لك الطيران الاماراتي او القطري اذا تبغي الرخص روح على الطيران العماني او السيرلنكي وجميعهم طيران جيد بس تختلف الاسعار.
افضل منتجع خصوصيه لزوجيين؟
والله يا خوي يعتمد على نوع الغرفه الي بتحجزه ام في الجزيره الناس في سبحانياتهم على .
كم ليلة مناسب قضائها بالمالديف 3 ليالي تكفي
خله 4ليالي احسن لان اول ليله بتكون تعبان ومابتستفيد من يومك لان اغلب الطيران يوصل المالديف العصر او المغرب ماعدا السيرلنكيه توصل الصبح (بس بكون تعب عليك)
والامر لكم يا طويل العمر

مافي ولا طيران دايرتك
ابي منتجع غرف حلوه يس مو اللي معلقين فوق للبحر تراني مو سباح ههه
ممكن صور غرف فيها مسبح وجدامها بحر بخصوصيه بحته سمعت عن فلل حواليها اشجار وبعيده عن بعض

انا ان شالله بكره مسافره للمالديف وهذي اول رحله لي للمالديف حجزت بالفورسيزون كودا هورا واخذت الفيلا بيتش مع مسبح خاص ورحلتي على الطيران القطري حجزت لمده خمس ايام ....من ارجع راح ابلغك عن المالديف ...

بالتوفيق يا سونيتاا >>> انتظر اي تقرير جديد عن المالديف والاسعار اللي مره عاليه ومره نازله ذبحتني
الله يوفق الجميع يارب ... وما عندي رد لصاحب الموضوع ... والله يوفقك يارب ... بس لو سافرت ورجعت بشرنا
وقولنا شنو صار وياك .. بالتفصيل الممل >>> بس وجهه نظر انسانه ما طبت المالديف بس قريت كثير
احس 3 ليالي شوويه ... لو تخليها 4 او 5 ليالي حلوين ... عشان يكون كل شيء على الراحه لا تنسى ان في
نشاطات ... واحس يعتمد على المنتجع اللي بتحجز له عشان تقرر 4 او 5 ليالي لو فيه نشاطات وايد ... ولو انت
ودك تسوي شيء هناك ,,, مثل تاخذ لك جزيره مع المدام ... او عشاء فاخر على ضوء الشموع وغيره من الاشياء الكثير اللي ممكن تسويها ....
يعني بالاخير يعتمد على الاشياء اللي ناوي تسويها واذا انت رايح بس عشان تقعد قبال البحر ولا تسوي اي شيء
ولا تمارس اي نشاط انا اقول 3 ليالي حلوه بتكون
,,,, اسفه على المداخله ممكن يكون كلامي غير سليم ... وذلك لعدم توفر الخبره الكافيه ... بس وجهه نظر
تقبل تحيأإأإأتي ... وسفره ممتعه للجميع باذن الله

سونيتا
ناطرينكم بالسلامه

عدت من المالديف يوم امس 28 /4 وكانت رحله رائعه وفعلا تغير عن كل الرحلات اللي سافرتها استجمام وراحه وبصراحه يكفي ان الالوان تشوفها على طبيعتها المناظر كانت كانها لوحات فنيه مرسومه باتقان سبحان الخالق ...والفندق رائع وكل الموظفين بشوشين ويتمنون تامرهم امر عشان بس يسعدونك كلمه "لا" لم اسمعها عندهم بالنسبه لي لم امارس اي نشاط بحري لاني خوافه ومن قلب وكانت رحلتي بين النوم والمساج ومشاهده المناظر الطبيعه ....انصح بزيارة المالديف وبقوه ورحلتي هذي راح اكررها لكن هذي المره بتكون مع الاولاد ...

بعد إذنك سونيتا أي فندق سكنتوا فيه ..؟
وتقييمك من 10 بعد إذنك لأني أنا حجزت الطيران بس متردد أي فندق آخذه .. وهل موقع بوكنق يغنيني عن المكاتب ..؟
أنتظر تشرفك بالرد علي ..

صبحك الله بالخير
والله يالغالي انا مثلك من الكويت
و جربت على القطرية و على السريلانكية
طبعا الارخص على السريلانكية
بس كخدمة و راحة بصراحه القطرية
و كنصيحة لك ترا في واايد منتجعات حلوة
و راح اختارلك المنتجع اللي رحته sun island و صدقني من ناحية البحر لا تحاتي
اخذ الغرف اللي داخل البحر مافي اي خوف لأنه انته مربوط بجسر و بعدين كل غرفه يكون فيا سلم ينزلك البحر و هم ترا العمق مو ذاك الزود يعني ماكو اي خووف لو انته ما تعرف تسبح بس على الاقل تقدر تمشي على بالماي و نص جسمك بره
يعني حرام تروح هناك و ما تدخل البحر ^_^
و بخصوص الايام لك الحرية تقدر تقعد اسبوع و تتنقل بين منتجعين و تقدر تقعد 3 الى 4 ايام في منتجع واحد
و بخصوص اذا تبي رحلة مباشر اتوقع الجزيره كانت تطلع بس مادري اللحين عنهم تقدر تشوف السايت مالهم

عاجز عن شكركم على هذه المعلومات
عندي تسأول
هل الجو في المالديف في شهر سبتنمبر مناسب لقضاء اسبوع هناك
الشخص الذي لا يتحدث الانجليزية هل يواجه متاعب من حيث التعامل في المالديف
يعني يوجد اناس يتحدثون العربية
انتظر رد من لديه معلومات منكم مع وافر الشكر والقدير