راعي الفزعات
فلذلك هناك استفسارات على عجاله
الفنادق الي حجزت فيها هي
1/ دروست ريجنسي ليله واحده
2/ امتيارا ليلتين
3/ بلانجي بيتش ليلتين
4/ امبيانا سته ليالي
5/ فرست رولد ليله
6/ بيكولو ليله

س1/ هل الفنادق الي فوق فيها نت مجاني او لا
بالنسبة للنت في فنادق ماليزيا يكون كيبل مجاني في الغرفة وسرعته كويسة جداً
وواير لس واي فاي مجاني في اللوبي
أو تشتري بطاقة تقريبا الساعة ب 10 رنقت أو باليوم 40 رنقت وتشتغل من الغرفة وايرلس
س2/ هل وفقت في الحجز فيها او لا من حيث الموقع والنظافه والخدمه
فنادق كويسة لكن ليه كثرت الفنادق ؟!!
صاير بن بطوطة كل ليلة في فندق ليه؟ هل من أهداف رحلتك اختبار فنادق ماليزيا؟!!
التنقل من فندق لفندق متعب تراه ويضيع وقت طويل عليك
أرجو تعيد النظر في موضوع كثرة الفنادق
س3/ كيف اشتغل على النت لو افترضنا ما كان في الفنادق نت هل هناك كنكت او لا وكيف احصل عليه
ممكن كونكت يشتغل معك ويوجد موضوع للأخ ماجد الفهد عن طريقة تشغيل الإنترنت في ماليزيا تقرير وافي كافي
س4/ البلاك بيري كيف نفعله
روح مكتب سيلكوم واشتر منهم شريحة وخلهم يفعلوا لك البلاك بيري
س5/ افضل شريحه جوال تغطيه وسعر مناسب
يقولون سيلكوم أنا جربتها في الإتصالات فقط
س6/ كرت الدخول ممكن رابط شرحه
موجود شرح له في قسم التقارير تقرير حبينا أونايف النهر الجاري
س7/ القهوه كيف نصلحها هناك علما الغاز ممنوع نركبه بالطائره هل هناك طريقه معينه احد سواها من قبل
يوجد موضوع في مفكرة ماليزيا عن طريقة إعداد القهوة العربية في الفنادق ارجع إليه
س8/ من عنده طريقه لوزن الشناط قبل السفر وحنا في البيت مو في ماليزيا ( يعني اوزنها في اقرب محل خضره مثلا ههه) لان اي كيلو زياده 120 ريال سعودي
أوزنها على الميزان العادي اللي توزونا أنفسكم عليه
س9/ الاب توب ضمن سبع كيلو او لا
عادي ما أحد يدقق
س10 / هل يصلح نجمع تذكرتين في شنطه وحده او لا يعني بدال يكون شنطتين 20 //20 بخليها شنطه واحده 40 كيلو
نعم ممكن
11س/ يقولون او ما تنزل في المطار تركب قطار الى مطار ثاني وش الفرق بين المطارين ووش في المطار الاول وش في المطار الثاني
لالا مو من مطار لمطار .. هذا أول ماتوقف الطائرة في المدرج وتنزلوا منها عبر الممر تلاقوا قطار كهربائي ينقلكم إلى صالة القدوم علشان تستلموا العفش وتختموا الجوازات
12س/ ادويتهم مثل ادويتنا او لا لاني باخذ وصفه طبيه لجميع الادويه بدل ان اشتريها وتخرب مع العفش ابي اشتريها من هناك للاحتياط
ما عندي خبرة والله لكن لو مكانك أخذ الأدوية معي وهناك ضعها في الثلاجة
وحتى في الطيارة ممكن تعطيها لهم يحفظوها في الثلاجة يعني لو كنت خايف تخرب
13س / هال تنصحوني بصرف جميع المبلغ من السعوديه رنغت او نصه وش الافضل
أصرف من هنا أحسن لأن سعر الصرف هنا أحسن وخذ معك بطايق احتياط واقسم المبلغ في شنطتين تحسباً لأي طاريء لاقدر الله
14س/ كم التكلفه اليوميه لزوجين وطفلين تقريبا علما ان اعرف الكل يختلف ولكن المتوسط لو سمحتو
المصروف اليومي شامل التكاسي والمطاعم والترفيه بين 300 إلى 400 ريال
س15/ ارجومن الجميع الدعاء ليي بالتوفيق والمرور على هذا الموضوع فقد يكون هناك استفسار جديد والف شكر لكم
تمنياتي لك برحلة سعيدة إن شاء الله والله يحفظكم ويرعاكم

تفضل هذي روابط المواضيع اللي سألت عنها
https://artravelers.com/p/re/395684
وهذا رابط : طريقة عمل القهوة العربية في الفنادق الماليزية
لكن للأسف الآن مو شغال
https://artravelers.com/p/re/103286

والله انك مطنوخ الراس يا يو انس
ولا هنت
واما بالنسبه للفنادق اعلمك .....؟ بس انتظر

بو انس يعني اعطييهم الادويه واقول حطوها بالثلاجه او ما يمنعون تكون معاي في الشنطه لانها فوق 100مل سائل

راعي الفزعات انا مره بس ما اذكر ا

نعم تأخذها معك ولما تركب الطيارة تعطيها للمضيف يحطها بالثلاجة لين توصلوا
هذا لو كانت الأدوية صلبة مثل الحبوب والتحاميل
أما سوائل فما أقدر أفتيك فيها وأقترح عليك تتصل بهم وتسأل قبل ما تسافر
فلو كان ممنوع الله يعينك تحطها في شنطة صغيرة داخل شنطة العفش

راعي الفزعات
اتذكر على الطيران السعودي راد من جده للقيصومه طلب من المضيف يحط علاجي بالثلاجه ( قال اسألك الكابتن مادري مدير المضيفين ) اخرتها قالي مايصير القانون يمنع
يعني سالفة انهم يحطونها لك بثلاجة الطياره ماهي مضمونه ابد
بخصوص الفنادق ماعندي علم الا فندق بيكولو : انا حجزت عبر موقع اسيا ترافل وقالي الانترنت مشمول مع الغرفه
بس ليش معذب نفسك بكثرة الفنادق

algassem
هلا باهل قيصومه اخواني وربعي كلهم هناك عندكم بقيصومه
بعدين انا كثرت بالفنادق بسبب ان حجزت احد الفنادق وكان غير مسترجع وتوهقت وخلها على الله واخترب الترتيب وكانمن ضمن الخطه الكامرون وكنسلت

المغادرون 2007
كفييت ووفيت يا الغالي يا بو انس