هلا اخوي الحلم الخالد
انت صراحه نفس رحلتي
وانا جالس وحايس لي فوق الاسبوع وانا ادور
ولا لقيت
مو قصة ما لقيت الا الاختيارات واجد
وجالس ارتبها من الحين
عموما حبيت انصحك بكذا شغله
بما انه انت نفس ترتيبي فرنسا وسويسرا
المهم
حاول انك تحمل قوقل ايرث
واول شيء تسوويه تحط بالبحث كلمة شانزلزيه وبيطلع لك شارع الشانزلزيه
واذا طلع حط علامه
وبكذا بتشوف شارع الشانزلزيه
واي احد يعطيك اسم الفندق حط اسم الفندق بالبحث وتشوف مكانه كانك هناك
وبكذا بتكون قدام اختيارات كثيره
وبرضوا راح تشوف فنادق وايد
بس انت حاول ترتب نفسك وبتلقى الكثير والكثير من الاختيارات
اهم شيء موقع قوقل ايرث
وموقع اسمه
http://www.tripadvisor.com.eg/
هذا ميزته تحط اسم الفندق وتشوف صور الناس اللي مصورين الفندق
يعني مو تصوير الاداره وتقرى الايجابيات والسلبيات
والموقع هذا برضوا مهم
مقارنة أسعار الفنادق – ضمان أفضل العروض الفندقية http://www.hotelscombined.com/?languageCode=AR
يطلع لك الفنادق بكل المواقع ويعطيك الاسعار الارخص والمناسب والعرض
حبيت افيدك لاني حاايس لي فتره
وقريت موضوعك وحبيت انك تستفيد وتعرف المنطقه عن طريق قوقل ايرث وتصير الصوره واضحه لك
واليوم الاخ فيصل نصحني بفندق
وانا محتار باكثر من فندق
وان شاء الله الشباب ما راح يقصرون وياك

الله يعطيك العافيه اخوي
h3_saudi
بحاول اسوي طريقة قوقل ايرث ان شاء الله
ومشكور على الروابط

ما قصر h3_saudi
ولا تعتمد علي رأي شخص واحد أسال أكثر من واحد أفضل لك
من باريس تقدر تستلم السياره لا خلصت منها لا نويت تسافر
فيه اماكن قريبه من جنيف رخيصه للعلم شوف تقريرنا بتوقيعي سكنا بشقق رخيصه وحلو انا واحد من الاعضاء وفيه شيء قريب منها
انسي حلوه وديفون حلوه كمان وتواريه يمدحونها
باريس يبيلها مع ديزني بنظري 6 ايام كفايه يمكن غيري يقول 10 وبعضهم يقول اربع انت حط خمسه ولا سته يوم منها لديزني لاند
شوف ذا الفندق مبدئيا
https://www.booking.com/hotel/fr/royalmagdaetoile.ar.html?aid=1300939

ذا
https://www.booking.com/hotel/fr/monna-lisa.ar.html?aid=1300939

مشكور فيصل الله يعطيك العافيه
بس بسأل في خيارات الحجز لما اجي ادخل التواريخ وعدد الافراد تطلعلي قائمه بالفنادق وبصراحه مستغربه بعضها يكون مكتوب عند الغرف اقصى حد 2 شخصين
وتحت مكتوب الاقامه مجانيه للاطفال اقل من السنتين وغير مسموح باسره اضافيه
طيب يعني غير مسموح نكون 3؟؟ مافهمت
يعني اذا كنا 2 بالغين وطفل 9 سنوات
وياليت لو عندك اقتراحات لشقق فندقيه وقريبه ع الشانز تعطيني ومعليش بنتعبك معانا

القريب من الشانز غالي
الفندق اتوقع عادي لو ينام الطفل علي الارض ما يوفرون له سرير
انت لازم قريبالشانز

عادي فين ينام اهم شي مايكون في مشاكل في الحجز لانو مكتوب اقصى حد شخصين
وبالنسبه للشانز والله فكرنا فيه لانو في الليل يمكن هو المكان الوحيد اللي نقدر نتجول فيه ويكون فيه مطاعم وكوفيهات وكذا
ومانبغى نستخدم المترو في اوقات متاخرره في الليل فالافضل نقدر نروحله مشي
بس ماايمنع لو عندك خيارات افضل احنا بصراحه هذي اول زياره لباريس وماكتبت هنا الا لاننا نبغى الافضل من وجهة نظركم انتو المجربين من قبل
واحس الوقت يمرر بسرعه وزوجي معتمد عليا في اختيار سكن باريس ،، وانا معتمده بعد الله عليكم وعلى المنتدى

اختي اذا انتم تروحون الصباح ولاتردون للفندق الا بالمساء
فاسكني باللايدفانس

يقبل اقل من 16 مجانا ورخيص
شويه مشي للمترو
https://www.booking.com/hotel/fr/frasersuitesharmonie.ar.html?aid=1300939