اللولو الحلوه
20-09-2022 - 05:53 pm
السلام عليكم ورحمة الله وبركاته ،،
بعد مشاورات واستشارات طويله ، قررنا انا وزوجي وولدي بعد الاتكال على الله التوجه إلى أسبانيا وبالتحديد ( برشلونه / ملقا / ماربيا / فنخرولا ) بعطلة عيد الأضحى المبارك ان شالله الله يعني مدة الرحله 8 أيام .
وما لقيت احسن من هالمنتدى للرد على استفساراتي ، وسامحوني على كثرتها .
1) كم يوم أظل في كل مدينه ؟ وخاصه بالنسبه لماربيا وفنخرولا هل يستحون المبيت فيهم ؟ وما هي الأماكن السياحيه المهمه فيهما ؟
2) بالنسبه للتنقل في برشلونه ، ودي استخدم المترو ، ومن خلال قراءتي لبعض التقارير الخاصه ببرشلونه ما حصلت على خريطه للمترو بالأماكن السياحية فيها .
فأكون شاكره لمن يوفر لي خريطة المترو الخاصه ببرشلونه .
3) ماهي أفضل وسيله للتنقل في ملقا ؟
4) ما هي أفضل وسيله للتنقل بين ماربيا وفنخرولا ؟ وهل اروح لهم عن طريق ملقا ؟
آسفه على الاطاله .
اللولو الحلوه
بعد مشاورات واستشارات طويله ، قررنا انا وزوجي وولدي بعد الاتكال على الله التوجه إلى أسبانيا وبالتحديد ( برشلونه / ملقا / ماربيا / فنخرولا ) بعطلة عيد الأضحى المبارك ان شالله الله يعني مدة الرحله 8 أيام .وما لقيت احسن من هالمنتدى للرد على استفساراتي ، وسامحوني على كثرتها .
1) كم يوم أظل في كل مدينه ؟ وخاصه بالنسبه لماربيا وفنخرولا هل يستحون المبيت فيهم ؟ وما هي الأماكن السياحيه المهمه فيهما ؟
2) بالنسبه للتنقل في برشلونه ، ودي استخدم المترو ، ومن خلال قراءتي لبعض التقارير الخاصه ببرشلونه ما حصلت على خريطه للمترو بالأماكن السياحية فيها .
فأكون شاكره لمن يوفر لي خريطة المترو الخاصه ببرشلونه .
3) ماهي أفضل وسيله للتنقل في ملقا ؟
4) ما هي أفضل وسيله للتنقل بين ماربيا وفنخرولا ؟ وهل اروح لهم عن طريق ملقا ؟
آسفه على الاطاله .
مرحبا اختي
برد على اسألتك لاني زرت هذي الاماكن قبل شهرين , وبقولك ايش الاشياء اللي واجهتني..
1- انصحك 4 ايام ببرشلونة , ويومين في ملقا ,ويومين ماربيا
2- المترو سهل جدا , واول ماتوصلين برشلونة بيعطيكم الفندق خريطة لبرشلونة وخريطة للمترو..(لاتشيلين همها)..
3 + 4 - افضل وسيله هي الباص..
4 ايام في برشلونة (بعد ماتحددين التاريخ , اعمل لك جدول بالاماكن الحلوة)
اخترت لك يومين في ملقا (عشان يوم تروحون منطقة اسمها Rincon de la victoria وتزورون الكهف اللي فيها وترحون البحر + يوم في ملقا)
واخترت لك يومين في ماربيا (عشان يوم تروحون منطقة اسمها Mijas و Fuengirola + يوم في ماربيا)
اهم شي تفهمون لعبة الباصات (تسألون الفندق وبيعطيكم جدول مواعيد الباصات) وتستخدمونها في ماربيا وملقا وفونخيرولا وميخاس , لان التاكسي غالي جدا وله تسعيرة بالليل وتسعيرة بالنهار, ومايعتمد على العداد..
لاني وصلت مطار ملقا واخذت تاكسي الى Rincon de la victoria واخذ مني 65 يورو , واليوم اللي بعده طلعت بالباص من Rincon de la victoria الى ملقا ب 1.70 يورو (شوفي الفرق)..
مثلا لو بتطلعون من ملقا الى ماربيا بالتاكسي بياخذ اقل شي 60 يورو , اما بالباص ب 5 يورو..
والله يوفقكم وانتظري باقي الاعضاء يعطونك رأيهم..
موفقين ان شاء الله