ياشباب 10 مشاهدات ولا مشاركة معقولة ماحد عنده خلفيه عن الموضوع ؟

1. 3- كيف بتكون الاجواء في الوقت اللي بنسافر فيه ؟


2. 4-وأبي أرقام فلل في بونشاك يتوفر فيها سائق يتحدث العربية .


3. السكن ماله دخل بالسوا ق اخوي

وفيه اسئلة حاب اسئلكم اياها :
1

• ميزانيتنا 6 الآف من غير التذاكر هل تكفي او لا واذا ما تكفي كم يكفي ؟

كافيه باذن الله لست ايام اذا مقتصد بمصروفاتك ل6 ايام فقط
الافضل ان تزود ايام الرحله شوي وترفع الميزانيه يعني تخلي الرحله 9 ايام كامله مثلا ب9 الاف ريال ان قدرت ومازاد خير بركه ان قدرت توفر منها باذن الله
مانصحك تسافر 6 ايام لانها مده قصيره اخوي لرحله طويله طولها شوي حسب ميزانيتك اللي تقدر توفرها زود كاحتياط
مصروفك الاساسي بيكون 50 دولار فيزا لشخصين
+300 الف روبيه ضريبه مغادره تقريبا 35 دولار
اخصم هلمبلغ من ميزانيتك الاساسيه
والباقي يكون سواق سكن اكل وشرب
2- أبي جدول فله مع العلم ان اقامتنا ستكون في بونشاك وجاكرتا فقط, فأبي الاماكن الشبابيه اللي نروح لها .
المزارات مختلفه اخوي بجاكرتا مثلا انشول يبيلها يوم كامل تقريبا / بونشاك تمان سفاري وشيبوداس حديقه الزهور البراشوت شلال شليمبر الخ ترتيب البرنامج يكون افضل بعد ما تقرر وتحجز وتحدد ايام الرحله بالظبط

3- كيف بتكون الاجواء في الوقت اللي بنسافر فيه ؟

اجواء اندونيسيا استوائيه علي مدار العام اخوي يعني رطوبه بمناطق البحريه مع جفاف قليل بلنسبه لهم يعني ممكن تهطل امطار متفرقه بالمناطق البحريه وتختلف من شرق الدوله كبالي وغربها في جاكرتا وجاوه وماحولها من مدن
وفي الارياق المرتفعه كبونشاك الجو يميل للبروده ليلا ونهارا يكون مناسب يعني اذا فيه شمس فشمسمهم مو قويه ممكن تتحملها والمطر يهطل باوقات متفرقه لكنه اقل في اشهر الصيف كوقت سفرك عنه بوقت الشتاء

4-وأبي أرقام فلل في بونشاك يتوفر فيها سائق يتحدث العربية .

السكن ماله دخل بالسوا ق اخوي

السكن موجود كفلل متناثره بالجبل تدورها بعينك افضل او من تقارير الاعضاء ستجد ارقام حراس الفلل ان ناسبك شي منها سجل الرقم ورح شف الفيلا بعينك افضل البحث عن فيلا هو ضربه حظ ناس يجدون فيلا من اول ساعه وتناسبهم وناس يقعدون يوم وليله يبحثون عن فيلا تناسبهم سعرا او نظافه ولايجدون الانسب
المسئله انك رايح منطقه ريفيه الفلل فيها متلاصقه لا حكم افضل من العين وانتم اثنين قد تجدون فيلا مناسبه لكن غرفها واجد عليكم وتاخذونها وهناك من لاياخذ الا فيلا بعدد المسافرين فقط
السائقين ارقامهم مثبته بالموضوع باعلي القسم خذ اي رقم سواق واتفق معه ناسبك باول يوم ولا عندك بقاله متوسطه اسمها البقاله العربيه بوسط بونشاك بعدها مكتب سفريات اسمه بافقيه تلقي بعدها برحه فيها سيارات اجره تقدر تستاجر منهم سيارتك بسواقها وتتحدث معه اذا يعرف عربي وتجربه قبل تتفق معه بالحديث
5-وكيف اروح من المطار ل بونشاك وفيه تكاسي في المطار وكيف اسعارها ؟
الانسب ترتاح ليله علي الاقل بجاكرتا لانك جاي من رحله9 ساعات علي الاقل دون اجراءات مطار اللي تاخذ وقت اطول
ومنها ثاني يوم تطلع انشول واليوم اللي بعده بونشاك >> بشرط مايكون سبت واحد والافضل الا يكون يوم جمعه ايضا لانه نص دوام عندهم والسبت والاحد ويك اند
يعني رتب حجزك علي هذا الشي سبت واحد لاتطلع بونشاك الطريق مغلق خلك بجاكرتا اذا وصولك بهل يومين حسب حجزك
اذا وصولك بايام غيرهم ارتاح ليله بجاكرتا ثم اطلع للبونشاك وخل اخر الايام بجاكرتا تحتاج يوم لانشول للترفيه >> والافضل ما تكون سبت واحد ايضا لان المزارات تكون مليانه فيها وكل لعبه او مزار يكون فيه زحام اهل البلد
6-وكيف عملتهم كم تسوى بالريال ؟
عملتهم اسمها روبيه اندونيسيه
الريال يساوي تقريبا 2.600 روبيه تزيد وتنقص مهب ثابته
7- وجزيرة اليدو والبرششوت وين اماكنها ؟
البراشوت بوسط بونشاك
الليدو ساعتين الي 3 ساعات عن بونشاك باتجاه سيكابومي
كل المزارات ممكن تسئل عنها بعد ما تقرر وتحجز للرحله بيرتبون لك الاخوان برنامج مناسب باذن الله

صبرت فظفرت بالاجابه الشافيه ياغايب

الله يعطيكم العافيه وما قصرتوا ، وانا ان شاء الله بوافيكم بالحجز وأبي جدول مرتب منكم

تم حجز التذكره يا اخوان يوم 6-6-2013 والوصول الساعة 10 الليل بتوقيت جاكرتا .. والعودة تاريخ 13-6-2013 والحضور الساعة 10 الليل
وميزانيتي انا وصديقي 7 الآف هل تكفي ام لا ، واذا كانت لا تكفي كم يكفي ؟
وأبي جدول مرتب في بانشوك وجاكرتا لأن سفرتنا بتقتصر على هذه المنطقتين وشكراً ..
سؤال اخير هل يتعاملون في اندنوسيا بالدولار وما الافضل الدولار او الروبيه وهل تووجد مكاتب اتصالات في المطار ؟

1. يا تروح للجبل مباشره او تبقي ليله بجاكرتا


2. يوم السبت والاحد يوم زحام بونشاك لانه ويك اند


3. الدولار = تقريبا 9600 روبيه يزيد وينقص شوي ايضا مو ثابت يوم واخر

تم حجز التذكره يا اخوان يوم 6-6-2013 والوصول الساعة 10 الليل بتوقيت جاكرتا .. والعودة تاريخ 13-6-2013 والحضور الساعة 10 الليل
اوكي اخوي رحله موفقه باذن الله تعالي
راح توصل يوم خميس ليله جمعه هناك باذن الله كما تفضلت
ايام رحلتك 7 ايام فقط لو جاملنا اخر يوم وقلنا نعتبره ضمن الرحلة لان اقلاعك بيكون بالليل
ركز معي كرما اولا بابدا ببعض التنبيهات
اول مبلغ هو50 دولار هذي قيمة فيزا لشخصين تدفعها عند شباك الفيزا اول ماتنزل المطار قبل الجوازات ماراح تتوه خلك مع الناس بتشوفهم صافين سري عند مكتب الفيزا
خذ معك >> 50 دولار وحدها مستقله هذي تعطيها مكتب الفيزا عشان مايحاسبك بعمله اخري ويصرفها بقيمة الصرف للمطار لانها منخفضه فريح راسك وعطه خمس دولار بيده بدون حسابات معقده
اخر يوم وانت راجع للديره باذن الله تعالي خل معك 300 الف روبيه هذي قيمه ضريبه مغادره اخوي لشخصين تدفعها لمكتب الطيران اذا جيت تقص البوردنج >> تعطيه كرت الوصول وال 300 الف عشان يسوي لك ضريبه مغادره
كرت الوصول بيعطونك اياه بالطياره باذن الله موجود بالمنتدي اذا اللغه الانجليزيه عندك مو قويه موجود له شرح وترجمه بالمنتدي صوره معك بالجوال اذا وصلت لموظف الجوازات بيطلب منك الجواز وكرت الدخول تعطيه اياهن بيقص جزء من الكرت ويعطيك جزء تخليه معك >> الجزء اللي بيعطيك اياه حطه بوسط الجواز وانتبه يضيع زي ما شرحت لك من اول بيطلبه منك موظف الطيران وانت تقص بوردنق العودة وانت طالع من المطار لدفع ضريبه مغادره
اضاعه الكرت بتدخلك بحوسه شوي مع الجوازات احتفظ فيه جيدا كثير من الوزوار الجدد مايهتمون فيه ولا يلقون له بال لذلك كررت المعلومه عليك
الان من ميزانيتك عندك 50 دولار فيزا و300 الف تقريبا 35 دولار ضريبه مغادره المجموع بيكون 85 دولار تقريبا320 ريال هذي نقصها من ميزانيتك وقل قيمه مشروبات واكل مطار وخلافه 500 ريال يعني باقي معك 6500 ريال وتساوي تقريبا 1733 دولار
لوقسمنا المبلغ علي سبعه ايام بيكون مصروفك اليومي246دولار وتساوي تقريبا928 ريال لليوم الواحد
لاحظ اني اقرب لك الارقام مو دقيقه جدا لكن اقربها لك بالدولار والريال لان تعامل اغلب المواقع هناك بتلقاه بعملتهم الروبيه والتحويل بيكون من دولار لروبيه وعشان تعرف كيف اتتصرف ان اخذت معك ريالات او دولارات
صرفيتك الاساسيه بتكون سياره بسواق ثابت معكم باليوم قيمته بين 450 الف روبيه و550 الف روبيه تقريبا وتعادل تقريبا 50/ /60 دولار لليوم الواحد هذي ميزانيه يوميه للسائق بسيارته مع ضرائب الطرق والبنزين تتفق معه علي هلشي من البدايه كل شيء عليه ماله الا مبلغ مقطوع مصاريف الطرق والسياره عليه
السكن مختلف مثلا بجاكرتا الفنادق ال 4 نجوم فيه بين 85 دولار الي 120دولار ممكن تاخذون غرفه دبل بيد او تاخذون شقه مفروشه تقريبا نفس السعر فيها غرفتين مقاربه لهذا السعر خلنا نقول شطحت واخذت سكن ب 120 دولار يعني اخذت اغلي شي كسكن في جاكرتا للشقق بغرفتين يعني يبقي معك 120 دولار لصرفيه ايام جاكرتا لانك بجاكرتا ما راح تحتاج سياره خاصه اخوي التكسي للشباب افضل واذا بتريح مخك تاخذ سياره من اول يوم بيكون افضل لكن التكاسي بجاكرتا تكفي وتوفر فيها مبلغ جيد بس اهم شي اذا بغيت تروح لاي مكان تعرف وين تروح بالظبط ولو اطلعت علي خارطته يكون افضل لان بعض السواقين ياخذون طرق بعيده بغرض زياده التكالفه والافضل بلوبيرد كشركه تكاسي جيده وشعبيه
ايام بونشاك السكن بفيلا بيكون ارخص من ايام ايام السكن بشقه بجاكرتا يعني بتلقي فلل بين 600 ومليون روبيه لشخصين وانت وشطارتك بالمكاسر والبحث عن الفلل ما نقدر نحسب ميزانيه زي الصبه بالملي الا لو كانت الفيلا معلومه قيمتها ونضيف عليها تكلفه السياره الخاصه معكم بالجبل
عموما لو قلنا 960 الف روبيه للسكن >> ان وجدت اقل سعرا يكون افضل يعني بحدود ميه دولار وسياره ب 55دولار يعني بقي معك 100دولار مصاريف اكل شرب والخ هذا اليوم
وبكذا تحسبها ياغالي يوم تزيد الصرفيه ويوم تقل مثلا يوم دخلت تمان سفاري بونشاك بتدفع مايقارب 600الف روبيه قيمه دخول سائحين 200 الف للشخص و180 للسائق واظن مبلغ بسيط حدود20 الف للسياره والاسعار تختلف من ويك اند لايام اسبوع
هذا اكبر مبلغ ممكن تقص فيه تذاكر بالارياف وهو مبلغ دخول تمان سفاري وبقيه المزارات تكون ارخص الا لو قررت تجرب براشوت مثلا سعره ايضا يعتبر من ضمن الاغلي لو قررت تطير براشوت اما دخوليه موقع الطيران فقط فهي رمزيه يعني توزعها يوم صرفيه واجد ويوم صرفيه اقل بعد حساب صرفيه السكن والسياره
وميزانيتي انا وصديقي 7 الآف هل تكفي ام لا ، واذا كانت لا تكفي كم يكفي ؟
تكفي للمحتاط والي بيلقي سكن مناسب ببونشاك مثلا ب600 /700 الف روبيه بتكفي باذن الله لكن ما نحكم وش الفيلا اللي بتعجيك وكم سعرها وعليه الافضل زيادة المبلغ ان امكن كاحتياط بين و9 /10 الاف ريال ان امكن ان احتجتوه ولاه معاكم وان لم تحتاجونه ماراح يضيع
وأبي جدول مرتب في بانشوك وجاكرتا لأن سفرتنا بتقتصر على هذه المنطقتين وشكراً ..
اول يوم وصول ببيكون خميس ليله جمعه عندك خيارين انت من يقرر ايهما يبدا

يا تروح للجبل مباشره او تبقي ليله بجاكرتا

الافضل دايم ترتاح ليله بجاكرتا بعد سفر 9 ساعات واضف اليها ترانزيت واجراءات مطار هذا الافضل دايم
وخاصه انك بتوصل هناك ليلا يعني لو طلعت للجبل بتواجه مشكله بحث عن فيلا اخر الليل وهذا متعب لانك بتشوف فيلل تعبانه كتاثيث ولا تشوف المنظر قدامها فممكن ما راح ترتاح باختيارها زي النهار بالاخص للي اول مره يزور منطقه ريفيه مافيها اضاءة ممكن يستاحسش منها وبالاخص انه جاي من سفر طويل ومتعب
يعني ترتاح ليله بجاكرتا وثاني يوم الجمعه صباحا تطلع للجبل بونشاك بتدور فيلا اول شي ترمي عفشك فيها وترتاح فيها وتشتري لوازم السكن ان حبيت او تزور مكان قريب شلال ولا مطل براشوت الخ
هذا افضل قرار برايي للي بيوصل ليله جمعه لجاكرتا افضل من انه يطللع للجبل مباشره
يوم الجمعه بيكون اختيار فيلا وحاجيات سكن + ان توفر وقت ووجدت فيلا بسرعه ممكن تزور مكان قريب منك عشان مايروح عليك اليوم بالفاضي

يوم السبت والاحد يوم زحام بونشاك لانه ويك اند

بونشاك ممكن اقسمه لك قسمين سيسرواه / شيباناس قسم مزحوم >> سيسرواه وقسم اقل زحمه>> شيباناس بايام الويك اند سبت واحد
سيسرواه هي البونشاك المعروف عند العرب وفيها اغلب الخدمات اللي يحتاجونها بقاله ومطاعم هذي منطقه مناسبه للسكن للي ما همه الازعاج من دبابات وبائعين وكثرة سيارات ومشكلتها يوم السبت والاحد يكون الطريق فيها مزدحم جدا ما تمشي الا نص كيلو بالساعه !! عليه
يوم السبت والاحد تحاول تطلع لشيباناس تبدا بالمزارات فيها مثلا حديقه الزهور او شيبوداس او بحيره الالوان او البراشوت او مصنع الشاهي او كوتا بونقا
يوم الاثنين يكون خاص بتمان سفاري >> في سيسرواه هذا اهم معلم ببونشاك للسياح حديقه حيوان جيده تدخلها صباحا مبكرا بيعطونك براوشر واوراق فيه فعاليات حديقه تشري موز او جزر تطعم فيه الحيوانات بالسياره تلف عليها ثم تتجه الي منطقه العروض كل عرض له توقيت موجود بالبراوشر معك اللي يعطونك اياه عند مدخل الحديقه عروض فيله نمور دلافين دبابات كاوبوي وهو الافضل بينها
تخلص من الكاوبوي تطلع من موقع عرضه تطلع يمين يجيك شلال متوسط اسمه جاكسا
تخلص من الحديقه اذا الوقت متناسب اول العصر وفيك شده وحيل تطلع لشلال مو بعيد عن الحديقه اسمه شلال شليمبر وبكذا تخلص بيومك تروح للفيلا للراحه والعشاء
يبقي معك يوم الثلاثاء والاربعاء كامله ويوم الخميس يوم العوده ليلا انت هناك تقرر تبقي ليله اضافيه ببونشاك مثلا ان حبيت تركب براشوت مثلا او غيره من مزارات اخري او تقمز بوقور مثلا قريبه نص ساعه الي ساعه الا ربع عن بونشاك او تروح بحيره ليدو ان حبيت تشوف بحيره فيها مطاعم سمك شعبيه عائمه واسعار الاكل مو رخيصه رغم شعبيتها والقوارب فيها غاليه كاسر لين تتعب >> مع ملاحظه انها بحيره بعيده تقريبا ساعتين ونص الي 3 ساعات عن سكنك يعني انت من يعرف طباعك ونشاطك تقدر تواصل لمسافات طويله ومتعبه بطرق متعبه ولا تبي تريح يوم بالفيلا مثلا وتزور شسي قريب
اخر يوم الاربعاء مثلا تطلع جاكرتا هذا يوم ماراح تستفيد منه الا ان طلعت بدري جدا لجاركتا مثلا تروح ترمي عفشك بالفندق تسوي شيك ان بيقولون لك تونا ما راح نعيطيك شيك ان الا الظهر مثلا ممكن تكسب الوقت لو حاب تروح لانشول تتمشي فيها وتدخل مزاراتها او تروح تتسوق لو حاب سوق شعبي منقا دوا تشتري هدايا او لو حاب تزور مول فخم عندك سينايان سيتي وسينايان بلازا وتمان انقريك واقراند اوف اندونيسيا والخ الخيار لك سوق شعبي او فاخر معه سينما ومطاعم واو تروح انشول ان حبيت المهم ان قررت انشول لازم تكون فيها من بدري يعني من 10 صباحا مثلا وانت فيها تحسب حسابك 3 ساعات واكثر للوصول لها من بونشاك لانها تقفل العصر اغلب مواقعها بين العصر والمغرب
وسوق منقا دوا لو حبيت تشري هدايا ايضا يقفل المغرب
المولات الفارهه تفتح الي وقت متاخر عنها يعني بين المعشاء والساعه9 مساء مهب سوي
اخر يوم قبل السفر تقرر وش تبي ماشسويته باليوم السابق تسويه بهذا اليوم حسب مزاجك وراحتك
مثلا لو زرت انشول باليوم السابق تخليه مولات او منقا دوا او سوق شعبي اخر او العكس لو رحت سوق يوم الامس تخلي هاليوم لانشول يعني تسوي شيك اوت من الفندق قبل تطلع وتخلي عفشك بالسياره لو كان السواق باقي معك مثلا او لو ما بقيته معك وبتخلي جاكرتا تكاسي تسوي شيك اوت وتبقي الشناط عندهم بالامانات ثم تروح تتمشي والمغرب مثلا وانت عندهم تاخذ عفشك وللمطار
سؤال اخير هل يتعاملون في اندنوسيا بالدولار وما الافضل الدولار او الروبيه وهل تووجد مكاتب اتصالات في المطار ؟
يتعاملون بالروبيه
الروبيه تساوي تقريبا الان كل ريال =2600 روبيه تزيد وتنقص شوي مو ثابته يوم عن ثاني

الدولار = تقريبا 9600 روبيه يزيد وينقص شوي ايضا مو ثابت يوم واخر

اذا طلعت بونشاك عندك مكتب اسمه بافقيه افضل صرف بتلقاه عنده غالبا اصرف الدولارات اللي معك او الريالات من فئه خمس ميه رايل الي روبيه هناك وحاول ماتصرف يوم سبت واحد او منتصف يوم جمعه لان الصرف بنهايه الويك الاسبوع قبل الويك اند او بايام الويك اند يكون اقل شوي من ايام الاسبوع عادة وماراح تفرق معك كثير لو حسبتها بكل ايام الرحله ممكن ما تفرق 150 ريال كمجموع مثلا فلا تشيل بال كثير لها
وش تاخذ معك ريال ولا دولار الافضل مو ثابت احيانا مثلا قبل الحج يكون الريال افضل واحيانا الدولار افضل المهم انك تاخذ معك 50 دولار ورقه وحده هذي للفيزا وقت الوصول ومثلا تصرف مبلغ 1000 ريال من هنا روبيات لاول يوم سكن وتكسي واكل او تصرف اول متوصل المطار هناك مبلغ بسيط مثلا 1000 ريال او اقل للروبيه عشان تدبر امورك باول ايوم ولاتصرف كل قروشك بالمطار لان صرفيته اقل من وسط الديره ه هذا طبعا ان وجدت صراف لان وصولك بيكون متاخر فراح تلقي السعر منخفض بالمطار
اهم شي ابالقروش انك تاخذ اكبر فئه معك مثلا ريالات فئه خمس ميه او دولار ات فئه 100 دولار مثلا ترتاح بحملهم وصرفيتهم افضل واسرع هناك
اول يوم وصول ليلا بيكون مكتب السفريات في مطار جاكرتا اسمه كاها مقفل الافضل تحجز سكن اول ليله من النت وترتاح وتخبرهم بحجزك انك بتوصل متاخر ليلا عشان مايكنسلون الحجز
لو قدرت تزود الميزانيه ل 10 الاف وزود وتزود ايام الرحله يكون افضل وان ما قدرت تزود احدهم وكل الله وخذ زي ما بلغتك مبلغ احتياطي تحسبا لعدم ايجاد سكن مناسب الا بسعر مرتفع بالاخص ان سفرتك بتكون باول موسم الاجازه
رحله موفقه حاولت اطول شوي بالشرح ولو فيه اسئله اضافيه ابشر ومعذره للاخطاء الاملائيه الكي بورد لاسلكي وحجاره باين قربت تنتهي

اخوي تمان سفاري عباره عن وش ؟؟ وأنشوول عباره عن وش ؟
ثاني شيء انا اول ليله قررت اسكن في جاكرتا بس وش تنصحني اسكن جنب المطار او جنب المول اللي اسمه دونقا على ما اعتقد ؟
ثالث شيء انا بصرف 50 دولار قبل ما اسافر ، بس المشكله في تعاملي في اندنوسيا اتعامل مع الشعب بالدولار او الروبيه ؟
رابع شيء ابيك تعطيني اسم مجمع سكني زين في بانشوك ومطله ممتاز وقريب من البقاله والمطاعم العربيه ؟ ووش افضل مطاعم هناك
وشكراً

1. انشول هي شاطيء جاكرتا وواجهته البحريه تقدر تقول هي كورنيش العاصمه


2. فيها عدة مناطق سياحيه منها

خوي تمان سفاري عباره عن وش ؟؟
تمان سفاري هي حديقه حيوان ومنطقه عروض في بونشاك
وهي اشهر معلم سياحي هناك لابد من زيارته
واهم عروضها عرض الكاوبوي
يوجد في اغلب التقارير صورا خاصه بها
وأنشوول عباره عن وش ؟

انشول هي شاطيء جاكرتا وواجهته البحريه تقدر تقول هي كورنيش العاصمه

فيها عدة مناطق سياحيه منها

• دنيا فنتازيا منطقه العاب وفيها عرض ثلاثي الابعاد فيلم قصير ومجموعة العاب تناسب الكبار والصغار
• سي وورلد - عالم البحار منطقه بسيطه فيها احواض سمكيه وبحريه وفيها النفق البحري عباره عن بركه سباحه كبيره يمر من تحتها نفق زجاجي للتصوير
• اتلانتس منطقه العاب مائيه برك سباحه ومدرجات مائيه ووتر بوم والخ
• سومدرا منطقه عروض مختلفه تناسب بعضها الصغار وبعضها تناسب الكبار فيها عرض للدلافين وكلاب بحر وعروض بشريه مختلفه ترفيهيه وفيها منطقه سينما بعد رابع يعرض فيها فلم كرتون بتقنيه البعد الرابع

هذه اشهر معالم انشول وفيها يضا مطعم بحري اسمه بندر جاكرتا هو الاشهر علي ضفاف البحر وعدة مطاعم اخري كبيتزا وغيرها وايضا فيها تلفريك ان حبين تركبه وبعض الانشطه البحريه الاخري
يعني منطقه تحتاج يوم كامل تقريبا من الصبح بس ماتكون سبت واحد لانها بتكون مزحومه من الزوار وتقفل تقريبا من العصر الي المغرب يعني مو كل المواقع سوي لكن احسب حسابك انها من الصباح الي العصر تقريبا ماعندهم اقفال للمواقع في الظهر
كل منطقه لها تكاليف دخول يعني انشول نفسها لها سعر رمزي للدخول ثم لو حبيت تدخل اي موقع اخر دنيا فنتازيا او سي وورلد مثلا كل موقع له سعر دخول وتذاكر مختلف عن الاخر
ثاني شيء انا اول ليله قررت اسكن في جاكرتا بس وش تنصحني اسكن جنب المطار او جنب المول اللي اسمه دونقا على ما اعتقد ؟
اسم المول منقا دوا وهو مو مول واحد عدة مولات وهي منطقه شعبيه فيها الغالي والرخيص تنفع لشراء الهدايا فقط ماتنفع للتمشيه لانها منطقه مزحومه بسبب كونها منطقه التجاره والجمله لقربها من ميناء جاكرتا
مايفرق معك السكن شمال العاصمه جنب السوق ولا وسطها اخوي اول ليله
لانك ثاني يوم طالع للجبل
وماراح يفيدك السكن جنب مول هناك لان وصولك مساء يعني لو دخلت الفندق 12 مثلا بعد ماتخلص اجراءات المطار وتاخذ تكسي بتكون اغلب المولات مقفله يعني يادوب تدخل الفندق تريح وتنام
اذن خيار السكن اول ليله كموقع ما اعتقد انه مهم جدا
المطار شمال غرب العاصمه مافيه جنبه فنادق كثيره ومنطقته ميته كنشاط يومي الافضل تسكن بوسط العاصمه لانك بتتجه الي بونشاك جنوب شرق العاصمه ثاني يوم
خيارات السكن كثيره اخوي ساقترحعليك عدة اسماء
بولمان سنترال بارك فندق خمس نجوم تاخذ غرفه دبل بيد مناسب لكم اثنين وسعره مناسب
تبي فنادق اقل لومير بمنطقه شكيني وسط العاصمه الشعبي او اكماني او موريسي في سارينا
او شقق كاريادوتا سمانقي وسط العاصمه او استون مارينا شمالها الخيارات كثيره وانت ستحتاج السكن اول ليله للنوم فقط فتش في صور التقارير ايهم يناسبك اكثر وايضا اقودا وبكينق يساعدونك في تقييم الزوار لكل فندق
ثالث شيء انا بصرف 50 دولار قبل ما اسافر ، بس المشكله في تعاملي في اندنوسيا اتعامل مع الشعب بالدولار او الروبيه ؟
0دولار زي ما بلغتك خلها للفيزا لشخصين
ولو صرفت مبلغ بسيط لاول ليله روبيات اندونيسيه تاخذها معك للتكسي من المطار يكون افضل زي ماابلغتك
في اندونيسيا تعاملك بالروبيه فقط
تاخذ قروشك معك من هنا ريالات امهات خمس ميه او تحولها لدولارات امهات مئه دولار وهناك فيه صرافين تصرف وتحول الريالات او الدولارات الي روبيه ياغالي
رابع شيء ابيك تعطيني اسم مجمع سكني زين في بانشوك ومطله ممتاز وقريب من البقاله والمطاعم العربيه ؟ ووش افضل مطاعم هناك
المجمعات كثير مشكلتها ازعاج الشباب وردحهم بالاغاني مساء
عموما افضل مجمع تقريبا مو رخيص هو مجمع جياكرتا بسبب وجود مسبح بوسطه وتنظيمه جيد رغم انه مو كبير وسعره مو رخيص
المجمع موجود يمين البقاله العربيه ومكتب بافقيه
ويسار البقاله يوجد مجمعات اخري مثلا شكروا وهو 3 مجمعات حاول تطلع للمجمعات اللي فوق خل اول مجمع لا تسكنه لانه سيء كتاثيث ومنظر وهناك فلل متفرقه في المنطقه هذي يعني ممكن تبحث هناك بنفسك
وايضا لو تركت هلمنطقه وتركت البقاله شوي وطولت بيجيك كنتاكي يسارك ادخل معه فيه مجمع فوق بعيد عن الخط اسمه يانسن ايضا جيد وهاديء عيبه الطريق له مكسر شوي
هذي المجمعات اما الفلل علي قفي من يشيل انت وصبرك في البحث
المهم برايي ان تبتعد عن السكن في مجمع القولق ومجمع بريتا و هذين المجمعين مو مناسبين برايي للي بيسافر اول مره
كل ماذكرته من مجمعات قريبه من البقاله وشبابيه يعني يتلقي ازعاج وصجه شباب فيها اذا تبي تبعد عن الازعاج اطلع فوق شوي مثلا يانسن اخف ازعاج وماحوله من فلل اهدا

طيب يا اخوان هل توجد سيارة خاصه لنقلي من جاكرتا الى بونشاك ام لا يوجد الا تكسي .. وارجو منكم افادتنا بأسعارها ؟