-
السلام عليكم ورحمه والله وبركاته...
انا وحده بسافر تُركيا بعد 4 أيام ومتوهقه حيل
لأن الكل معتمد علي بالسفره فعندي بعض الأسئله والاستفسارات الي اتمنى انكم تجاوبون عليها
أتمنى للخبيرين بالسفر الى تُركيا يجاوبوني ومايسحبون لأن الوقت صار ضيق وأبيكم تساعدوني:!
اول شي سفرتي 13 يوم بالظبط وانا ناويه أروح كذا دوله الا وهي " بورصه-يلوا-سبانجا-بولو- اسطنبول-, ومعاي جهال فأخاف يكون هالشي مُتعب لهم فياليت تقولون لي اذا هالمناطق الي كاتبتهم فوق يستاهلون كل هالتعب عشان أروح لهم ولا؟
1- انا ناويه اروح من أسطنبول لبورصه بالعباره؟ فكم تستغرق عشان نوصل؟ وشلون أحجز لي عباره؟ وحده عطتني موقع عشان احجز منه اسمه ايدو لو ماني غلطانه بس المشكله أن الرحله حقتهم ذهاب وعوده وانا ابي ذهاب بس لاني راح انطلق من بورصه لمنطقه ثانيه!
2- شنو أهم المعالم والأشياء الترفيهيه ببورصه؟ يعني مثلاً انا بحجز بفندق الميرا شنو أقرب شي له عشان أروح له بأول يوم؟
3- شنو وسيله النقل من بورصه الى يلوا؟ وكم تستغرق الوقت؟ وشنو الأشياء الي تنصحوني أزورها بيلوا؟ وتستاهل يومين ولا يوم واحد يكفيها؟
4- وانا ناويه اروح من يلوا لسبانجا وبعدها بولو وبعدها نرجع لأسطنبول؟ شرايكم بالجدول هذا؟ وطريقه التنقل بينهم!!!!
ساعدوني حبايبي لأن انا معتمده على الله ثم عليكم, دخلت تقارير واشياء واجد بقوقل وأحس اني دخت وماتعلمت شي فياليت تردون على هالأسئله الي فوق!