*& حموده &*
20-09-2022 - 11:21 am
السلام عليكم ..
انا ان شاء الله حجزت على ايطاليا بتاريخ 3 نوفمبر والعودة بتكون 12 نوفمبر 2011م ..
ودخلت المنتدى ولقيت ناس ماتقصر والله وفاهمة بايطاليا كويس ..
فحاب اطرح اكثر من استفسار وياليت تساعدوني قبل اخلص امور السكن ..
1) انا مختار ثلاث مدن ايطالية , هي روما وفيسينا وميلان ..؟ كم احدد ليالي لروما ووش اكثر الأماكن اللي
تستحق الزيارة فيها ... وكم ليلة لمدينة فينسيا واكثر الاماكن اللي تستحق الزيارة .. وكم ليلة لميلان والاماكن ا
التي تستحق الزيارة ..؟
2) انا محتار احجز السكن من بوكنق او مكتب .. والفيزا ما طلعتها للحين بس حاب اعرف إذا تدولني على
مكتب سياحي يستخرجلي الفيزا .. لان مكتب اشترط علي احجز السكن من عندهم حتى استخرج الفيزا ..؟
3) الغرض من السفرة جزء منها للشوبنق ... ابغى اسماء اماكن التسوق للماركات العالمية
وابغى أماكن الأوتلت ... واماكن التسوق اللي تختلف اسعارها عن الخليج ..؟
4) ابغى اعرف كم مدة الرحلة من روما لفينسيا وكيف احجز واتنقل بين المدن الايطالية .. ؟
اسئلتي واجد لكن بكون شاكر لكم ومقدر وأول مره اسافر وانا قائد الرحلة وخايف ولازم اكون مستعد ...
أنصحك بالتالي:
روما (ليلتين) مافيها شي قوي ويسوى اخذ الباص السياحي
وافتر عالاماكن واللي يستهويك انزل عنده شوف (الفاتيكان)
بعدين بالقطار الى فلورنس (3ليالي) مده الرحله ساعه ونص بس
وايد حلوه وفيها رحلات ومنها تروح برج بيزا قريب وايد ممكن بسيارتك ساعه
وتستمع بالطريج او بالقطار او برحلات شامله بالباص
بعدين بالقطار الى فينيسيا (ليلتين) او ليله كافي مده الرحله ساعه و50 دقيقه
واخيرا من فينيسيا الى ميلان بالقطار ساعتين و50 دقيقه
ممكن تزور كومو من ميلان بالقطار نص ساعه بس
وممكن تزور فيرونا (مدينه روميو وجولييت) من فلورنس
اقصد بالزياره تروح وترد بنفس اليوم
الشوبننق بايطاليا بكل جاده بتلاقي محلات الماركات محذفين كل صوب
واللي لاحظته ان فلورنس ارخص الاسعار تقريبا
والاوت لت في بفلورنس (ذا مول) جنه اسمه
وفي بكومو(فوكس اوت لت) ويبعد عن ميلان ساعه
التنقل بين المدن قطارات افضل واذا عندك خبره ممكن تاجر سياره مع جي بي اس
الفنادق انصح تحجز من بوكننق بس اقرا الشروط عدل واخذ معاك نسخه من الحجز
واي شي بعد انا حاضر
موفقين