السلام عليكم أم عبدالله::
انا عن نفسي رحت لتايلاند 7 مرات و أتوقع أروح لها هالصيفية بعد بس بعد ما اخلص من اوروبا ان شاء الله ..
أولا:
حبيت أسألك انت رحتي تايلاند من قبلا او لا؟!...
ثانيا:
حابة تروحين للجزر للمتعه والتمشي والا للبحر وبس؟!..
::
انا بصراحه على قد ما رحت تايلاند ما رحت لشنغماي لأن كثير من صاحباتي راوحوا وما اعجبتهم ابد ..
انا رحت لبوكيت اكثر من 3 مرات ::
بصراحه جنه من الخيال مرة حلوة بشكل مو طبيعي..
البحر فيها شي خيال..
سكنت بالمرة الأولى ب فندق مو مرة حلو لانه مو على طول يطل على البحر بس المرات اللي بعدها سكنت بفندق اسمه::
le merdian
وانت تعرفين فنادق المريديان شي حلو مرة
وهذي صور له::

بصراحة الفندق مرة حلو..
وبوكيت هي جزيرة كبيرة فيها تسعة شواطىء .. والفندق هذا متوسط الشواطىء كلها واسم الشطاىء اللي يطل عليه:: patong beach

وبما انك تبين فندق فيه مسبح هذا الفندق فيه مسبح مرة كبير اكبر مسبح شفته بحياتي لدرجه انهم مقسمينه ل خمسة أقسام ونظيف مرة ..

وبهذي الصورة تقدرين تشوفين المسبح كيف كبير مرة::

وهذا مدخلهم::

وهذا البحر اللي يطل عليه شوفوا كيف نظيف ولونه صاير تركواز::

وحبيت أضيف ان الفندق فيه قاعة ألعاب تشمل البلياردو ولعبة الأسهم مجانا وغرفة للكاريوكي ..
:::::::::::::::::::::::::::::::::::
وفيه فندق اسمه أماري ::
اكيد تعرفينه موجود بكل العالم..
انا ما سكنت فيه بصراحه قرايبي سكنوا فيه واعجبهم مررة ..
وهذي صور له ::

واحب أقول لك ان الشاطىء اللي يطل عليه اماري مو نفسه اللي يطل عليه لو مريديان..
اسم الشاطىء coral beach..

و بوكيت فيها اماكن كثيرة للعوائل حتى تزورونها::
فيكم تحجزون من المكاتب وتروحون مع مجموعه ناس بالباص الى المراكب وتزورون جزيرة بي بي phi phi isalnd
وهذي الجزيرة مجموعة من الجزر مررة حلوة بس انا بصراحه ما اعجبتني مثل أهلي اللي مرة انبسطوا فيها لأنه لازم تطلعين الصباح بدري لها وانا انسانه اتعب اذا قمت الصباح..

هذي الجزيرة ما فيها فنادق و لا سكن ولا شي بس تتمشون فيها كم ساعه وتاكلون من المطاعم وعلى العصر ترجعون ..

وهذي صورة لبي بي :

::::::::::
و الحين احب اذكر لك اهم شي ببوكيت اللي هو فانتازي::
هذا مكان يسوون فيه مهرجان وعرض راقص وغنائي (( اذا عندك اطفال لا تخافين عليهم الوضع عادي ومافيه أشياء ومناظر ما تصلح لهم بالعكس مرة عادي )) كل يوم ما عدا الثلاثاء على ما اذكر ::
وفيها ألعاب وملاهي صغيرة ..
شوفي الصور تتكلم::

بس حبيت اقول لك انه الفانتزي تروحون له بالليل وموجود بالفنادق مكاتب للحجز.. تقدرون تحجزون منها لأنه لازم تحجزون لكم مكان بالحفل اللي يشمل 7000 شخص و أكثر..

بامكانكم تصورون مع الفيله وتركبونها هناك وتشربون النمور الحليب ..

الف شكرلك حبيبتي انارحت لبانكوك تسوق مرتين ودول كثيرة منها ماليزيا3 واندونيسيا والفلبين ولندن وتركية وباقي كثيربس هالمرة ودي عيالي ينبسطون وفي نفس الوقت ابغى اروح بانكوك للتسوق ابغى اعرف كيف مخطط الرحلة لبانكوك وبوكيت بما اني ابغى اخلي بانكوك اخرشئ عشان الشنط مانحملهامعانا يعني احجزمن هنا على بانكوك ومن المطارهناك اطلع على بوكيت وكم ساعة الرحلة من بانكوك الى بوكيت وهل جربتي الرحلة من كؤالالمبورالى بوكيت يصلح والا لا وكيف الطريقة اسفةةةةةةةةةةةةةةة جداعلى الاطالة تحمليني

لا عادي انا جربت من كوالالمبور لبانكوك بس ..
وعلى فكرة الرحلة من بانكوك لبوكيت تقريبا 40 دقيقة بس ...
تخيلي احنا لما رحنا ما كان فيه احد بالطيارة غيرنا احنا وعمي .. مررة وناسه .. بس المرة اللي قبل الطيارة زحمة ..
فيه اكثر من رحلة باليوم لبوكيت من بانكوك ..
واذا انت حابه تخلين بوكيت بالأخير ومالك خلق الشناط اتركيها بالفندق اللي انتوا فيه ببانكوك عادي احنا كذا دائما..
واذا حابه أسماء اسواق ببانكوك وأماكن ببوكيت ولا عليك انت بس قولي ..
وعلى فكرة فكرتك حلوة اللي اول ما توصلون بانكوك على طول بوكيت بس بتصيرون تعبانين من الرحلة اللي قبلها ..